| schema:text
| - Përdorimi i faqeve ruse për të shitur produkte medicinale
Deklarata
Kërpudhat e thonjve do të zhduken brenda dy ditësh, thjesht përdorni këtë produkt të lirë…
Vlerësimi
Me kos
Në artikullin “Kërpudhat e thonjve do të zhduken brenda dy ditësh, thjesht përdorni këtë produkt të lirë…”- janë bërë pretendime të rreme. Në këtë artikull rrejshëm është pretenduar se një ekip i shkenctarëve kinezë e shqiptarë kanë bërë një zbulim për trajtimin e këpurdhave në thonjë. Specialistët e mjekësisë thonë se pretendimet e bëra në artikull janë të rreme, sepse trajtimi i mykut në thonjë bëhet përmes antibiotikëve.
Artikulli
Më 08.09.2024 faqja në Facebook “Врач Валерия Гюльтяева” (arkiva), ka publikuar një artikull me titull “Kërpudhat e thonjve do të zhduken brenda dy ditësh, thjesht përdorni këtë produkt të lirë…”.
Edhe pse faqja në Facebook e ka emrin në gjuhën ruse, ajo postimin e ka bërë në gjuhën shqipe dhe artikullin e bashkangjitur të publikuar në faqen oa3.health-boost.online (arkiva & arkiva) e ka në gjuhën shqipe me ka titull “Si u shpëtoja mykut të këmbëve në moshën 60 vjeçare – për habi shpejt dhe lirë!”.
Në artikull është treguar historia e Ivan Kovalev, që pretendohet se është një minator. Tutje në artikull pretendohet se “Zhvillimi i përbashkët i shkencëtarëve kinezë dhe shqiptarë tani është në dispozicion për qytetarët e Shqipërisë. U shpëtova nga infeksioni brenda një muaji dhe tani nuk kam turp. Këmbët e mia u pastruan dhe thonjtë ndryshuan ngjyrë në rozë të butë”.
Megjithatë, në artikull nuk është treguar emri i ndonjë shkencëtari shqiptar që ka qenë i përfshirë në këtë hulumtim.
Krypometër nuk ka gjetur ndonjë informacion në internet rreth pretendimit se një ekip i shkencëtarëve shqiptarë dhe kinezë kanë bërë ndonjë zbulim për trajtimin e këpurdhave në thonjë.
Artikulli promovon produktin ‘’Mikoherb”, që pretendohet se shëron mykun e këmbëve.
Krypometër ka kontrolluar nëse ky produkt ka autorizim marketingu të lëshuar nga Agjencia e Kosovës për Produkte dhe Pajisje Medicinale- AKPPM.
Në listën e produkteve me Autorizim për Marketing në Republikën e Kosovës, nuk gjendet asnjë produkt me emrin ‘Mikoherb’.
Neni 16 i Ligjit për Produkte dhe Pajisje Medicinale thotë se “produkti medicinal mund të plasohet në Republikën e Kosovës vetëm pas marrjes së Autorizimit për Marketing nga AKPPM”.
Fevzi Sylejmani, drejtor i QKMF-së në Mitrovicë, ka folur për mykun e thonjëve.
“Myku i thonjëve shërohet me tableta antibiotike te rastet e neglizhuara për një kohë të gjatë, ndërsa te rastet e lehta me ndonjë kremë. Ndonjëherë nevojitet largimi i thonjve tek kirurgu por kjo ndodh shumë rrallë”- thuhet në përgjigjen e Sylejmanit dhënë më datë 11.12.2023.
Ndërsa mjeku i Qendrës Komunale për Mjekësi Familiare- QKMF-së në Lipjan, Krenar Berisha, tha se këto janë propagandë për të shitur krema të ndryshme.
“Ka shkrime për vdekje nga myku i thonjve por jo ndonjë publikim shkencor. Më shumë janë propagandë për përdorimin e sprejëve dhe kremave të ndryshëm për trajtim. Por trajtimi i mykut të thonjve bëhet me anë të antibiotikëve”- thuhet në përgjigjen e Berishës dhënë më datë 11.12.2023.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)