About: http://data.cimple.eu/claim-review/a30becbee39e0abd404559632ba96741bbef31c2b98a03371ef99846     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മഴഭീതി ഒഴിയാത്തതുമൂലം അതീവ ജാഗ്രതയിൽ തുടരുകയാണ് സംസ്ഥാനം. ജനങ്ങളുടെ സ്വത്തും ജീവനും സംരക്ഷിക്കാനുള്ള മുൻകരുതലുകൾ കൈക്കൊള്ളാനുള്ള നീക്കങ്ങൾ പുരോഗമിക്കവേ സർക്കാരിനെ വിമർശിച്ചും പ്രതികീർത്തിച്ചും കൊണ്ടുള്ള പോസ്റ്റുകൾ കൊണ്ട് നിറഞ്ഞിരിക്കുകയാണ് സമൂഹ മാധ്യമങ്ങൾ. ഇത്തരത്തിൽ സംസാഥാന സർക്കാരിനെ വിമർശിക്കുന്നവർ നിരന്തരമായി ഉപയോഗിക്കുന്ന വാദമാണ് റൂം ഫോർ റിവർ പദ്ധതിയുടെ പരാജയം. വെള്ളക്കെട്ടുകളുടെയും വെള്ളം പൊങ്ങിയ റോഡുകളുടേയുമൊക്കെ ദൃശ്യങ്ങളോടൊപ്പമാണ് പലപ്പോഴും റൂം ഫോർ റിവറിനെ പരിഹസിച്ചുകൊണ്ടുള്ള പോസ്റ്റുകൾ പ്രചരിക്കാറ്. കനത്ത മഴയെത്തുടർന്ന് ഹോട്ടലിൽ ഉപയോഗിച്ചിരുന്ന ബിരിയാണി ചെമ്പ് റോഡിലൂടെ ഒഴുകിപ്പോകുന്ന വീഡിയോയും ഇത്തരത്തിൽ പ്രചരിക്കുന്നുണ്ട്. "റൂം ഫോർ റിവർ പദ്ധതി പ്രകാരം കെ റെയിൽ തേടിയുള്ള പോക്കാണ് ബിരിയാണി ചെമ്പ്," എന്ന തലക്കെട്ടോടെ ഷെയർ ചെയ്യപ്പെടുന്ന വീഡിയോ താഴെ കാണാം. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഈ വീഡിയോ ഹൈദരാബാദിൽ നിന്നുള്ളതാണ്. AFWA അന്വേഷണം പ്രളയത്തെ നേരിടുന്നതില് യൂറോപ്യന് രാജ്യമായ നെതര്ലന്ഡ്സ് സ്വീകരിച്ച മാതൃക പിന്തുടര്ന്ന് സംസ്ഥാന സര്ക്കാര് കേരളത്തില് നടപ്പാക്കാന് തീരുമാനിച്ച പദ്ധതിയാണ് 'റൂം ഫോര് റിവര്'. നദിയുടെ പ്രളയ നിരപ്പ് കുറയ്ക്കുക, നദിയില് ജലം വര്ദ്ധിക്കുമ്പോള് അത്യാവശ്യഘട്ടങ്ങളില് അവയ്ക്ക് സംഭരണ ഇടങ്ങള് ഒരുക്കുക, നദീതീരങ്ങളുടെ വ്യാപ്തി വര്ദ്ധിപ്പിക്കുക തുടങ്ങിയ രീതികള് ഉള്പ്പെടുന്ന ശാസ്ത്രീയ പ്രവര്ത്തനമാണിത്. പ്രചരിക്കുന്ന വീഡിയോയുടെ ദൈർഘ്യം പതിനെട്ട് സെക്കന്റാണ്. അവസാന ഭാഗത്തായി വീഡിയോയിൽ കാണാവുന്ന ഭക്ഷണശാലയുടെ പേര് ദൃശ്യമാകുന്നുണ്ട്. ഇംഗ്ലീഷിലുള്ള ബോർഡിൽ "അഡിബ ഹോട്ടൽ" എന്നാണ് എഴുതിയിരുന്നത്. ഹോട്ടലിന്റെ പേര് ഗൂഗിളിൽ തിരഞ്ഞപ്പോൾ ഇത് ഹൈദരാബാദിലെ ശാസ്ത്രിപുരം എന്ന സ്ഥലത്താണ് സ്ഥിതി ചെയ്തിരിക്കുന്നതെന്ന് കണ്ടെത്താനായി. ഗൂഗിൾ മാപ്പിൽ ഹോട്ടലിന്റെ അനവധി ചിത്രങ്ങൾ ലഭ്യമായിരുന്നു. വീഡിയോയിൽ കാണാവുന്നത് പോലെ ഭക്ഷണശാലയോട് ചേർന്ന് ഒരു ജങ്ഷൻ ഉള്ളതും, കെട്ടിടത്തിന്റെ രൂപവും ഇത് കേരളത്തിലേത് എന്ന നിലയിൽ പ്രചരിക്കുന്ന വീഡിയോയിൽ കാണാവുന്ന സ്ഥലം തന്നെയാണെന്ന് ഉറപ്പിക്കാൻ സഹായിച്ചു. Fact Check: വെള്ളം നിറഞ്ഞ വീടിന്റെ ദൃശ്യങ്ങള് കേരളത്തിലേതല്ല Fact Check: ഓടിക്കൊണ്ടിരിക്കുന്ന ബസിനുള്ളിലേക്ക് വെള്ളം കയറുന്ന ദൃശ്യം കേരളത്തിലേതല്ല വീഡിയോയുടെ കീഫ്രയിമുകൾ റിവേഴ്സ് സെർച്ച് ചെയ്തപ്പോൾ ചില യൂട്യൂബ് വീഡിയോകളും ലഭ്യമായി. 'TNA NEWS ചാനൽ' എന്ന പേജിൽ സമാനമായ വീഡിയോ ജൂലൈ 28ന് അപ്ലോഡ് ചെയ്തിട്ടുള്ളത് ഇങ്ങനെ കണ്ടെത്താനായി. ശാസ്ത്രിപുരത്തുണ്ടായ സംഭവം എന്നാണ് വീഡിയോയുടെ തലക്കെട്ടിൽ ഉണ്ടായിരുന്നത്. "ഹോട്ടലിൽ വെള്ളം കയറി ബിരിയാണിയോടെ ചെമ്പ് ഒഴുകി റോഡിലെത്തി," എന്ന തലക്കെട്ടിനൊപ്പം 'മലയാളം ടെലിവിഷൻ' എന്ന ചാനലും ആഗസ്റ്റ് ഒന്നിന് ഈ വീഡിയോ പുറത്തുവിട്ടിരുന്നു. സംഭവം നടന്നത് ഹൈദരാബാദിൽ ആണെന്നാണ് ഇവിടെയും പറയുന്നത്. അതുകൊണ്ട്, മഴവെള്ളത്തിൽ ഒഴുകിപ്പോകുന്ന ബിരിയാണി ചെമ്പിന്റെ വീഡിയോ കേരളത്തിൽ നിന്നുള്ളതല്ല എന്ന് ഉറപ്പിക്കാനായി. കടുത്ത മഴയിൽ കേരളത്തിലെ റോഡിലൂടെ ഒഴുകിപ്പോകുന്ന ബിരിയാണി ചെമ്പിന്റെ വീഡിയോ. ഈ വീഡിയോ ഹൈദരാബാദിൽ നിന്നുള്ളതാണ്. കേരളത്തിലെ മഴക്കെടുതിയുമായി ഇതിന് ബന്ധമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software