About: http://data.cimple.eu/claim-review/a399748b1f0a06a3b8aab755df33f9559d7317b314e5f0395593fb77     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മായം കലര്ത്തിയ ഭക്ഷണ സാധനങ്ങളുടെ വില്പ്പനയും ഉപയോഗവും സംബന്ധിച്ചുള്ള വിവരങ്ങള് പൊതുജനങ്ങളില് ആശങ്കയുളവാക്കുന്നതാണ്. ഗുരുതരമായ രോഗങ്ങള്ക്ക് കാരണമാകുമെന്നതിനാല് മായം ചേര്ത്ത ഭക്ഷണം സംബന്ധിച്ച മുന്നറിയിപ്പുകള് ഭക്ഷ്യസുരക്ഷാ വിഭാഗം പ്രസിദ്ധപ്പെടുത്താറുണ്ട്. എന്നാല്, പ്ലാസ്റ്റിക് വേര്തിരിച്ച് അരിയാക്കി മാറ്റുന്നു എന്ന അവകാശവാദവുമായി ഒരു വീഡിയോ ഇപ്പോള് സമൂഹമാധ്യമങ്ങളില് പ്രചാരത്തിലുണ്ട്. പ്ലാസ്റ്റിക് മാലിന്യം റീസൈക്കിള് ചെയ്യുന്നതിന്റെയും അരി ഉത്പാദനത്തിന്റെയും ദൃശ്യങ്ങള് ഇതില് കാണാം. പ്ലാസ്റ്റിക് അരി നിര്മാണമാണ് എന്ന് അവകാശപ്പെട്ട് ഹിന്ദിയിലുള്ള വിവരണവും ഇതോടൊപ്പം കേള്ക്കാം. "മട്ട അരി ശീലമാക്കൂ, അല്ലെങ്കില് പ്ലാസ്റ്റിക് തിന്ന് മടങ്ങാം" എന്ന കുറിപ്പിനൊപ്പം പ്രചരിക്കുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള ക്ലിപ്പ് വ്യത്യസ്ഥ വീഡിയോകള് ചേര്ത്ത് നിര്മിച്ചതാണെന്നും ഇത് പ്ലാസ്റ്റിക് അരി നിര്മാണമല്ലെന്നും ഇന്ത്യാ ടുഡേയുടെ അന്വേഷണത്തില് കണ്ടെത്താനായി. മാത്രമല്ല, പ്ലാസ്റ്റിക് അരി സംബന്ധിച്ച വാദങ്ങള് തെറ്റാണെന്ന് FSSAI വ്യക്തമാക്കിയിട്ടുമുണ്ട്. അന്വേഷണം പ്രചാരത്തിലുള്ള വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ തിരഞ്ഞപ്പോള് സമാനമായ ദൃശ്യങ്ങള് ഉള്പ്പെടുന്ന ഏതാനും വെബ്സൈറ്റുകളും യുട്യൂബ് വീഡിയോകളും ലഭ്യമായി. വൈറല് വീഡിയോയുടെ തുടക്കത്തില് തന്നെ സേഫ്റ്റി വസ്ത്രങ്ങള് ധരിച്ച് അരി പരിശോധിക്കുന്ന രണ്ടുപേരെ കാണാനാകുന്നുണ്ട്. ഇതേ ചിത്രം 'ഫോര്ട്ടിഫിറ്റ് നുട്രീഷ്യന് പ്രൈവറ്റ് ലിമിറ്റഡ് ' എന്ന വെബ്സൈറ്റില് 2022 ജനുവരി ഒന്നിന് പ്രസിദ്ധീകരിച്ച ഒരു ലേഖനത്തോടൊപ്പം നല്കിയിട്ടുണ്ട്. ഫോര്ട്ടിഫൈഡ് അരി നിര്മാണത്തെക്കുറിച്ചുള്ള വിവരണമാണിത്. പോഷക മൂല്യം ഉയര്ത്തുന്നതിനായി പ്രത്യേക സാങ്കേതിക വിദ്യയുടെ സഹായത്തോടെ പോഷക ഘടകങ്ങള് ഉള്പ്പെടുത്തി സമ്പുഷ്ടീകരിക്കുന്ന അരിയാണ് ഫോര്ട്ടിഫൈഡ് അരി. ഈ പ്രക്രീയയുടെ ദൃശ്യമാണ് വൈറല് വീഡിയോയില് ഒരെണ്ണം. വൈബ്സൈറ്റില് നിന്നുള്ള സ്ക്രീന്ഷോട്ട് താഴെ കാണാം. വൈറല് വീഡിയോയുടെ 1.53 മിനിട്ടില് കുഴമ്പ് രൂപത്തലുള്ള പദാര്ഥം ഒരു യന്ത്രത്തിലൂടെ കടന്നുവരുന്നതും രണ്ട് ജീവനക്കാര് ചേര്ന്ന് ഈ യന്ത്രം മാറ്റുന്നതും കാണാം. ഇതേ ദൃശ്യം 2022ഫെബ്രുവരി 21ന് സണ് പിങ് എക്സ്ട്രൂഷന്(Sun Ping Extrusion) എന്ന യുട്യൂബ് പേജില് പങ്കുവച്ചിട്ടുള്ള വീഡിയോയിലുണ്ട്. "ആര്ട്ടിഫിഷ്യല് റൈസ് എക്സ്ട്രൂഡര് ന്യൂട്രീഷ്യന് റൈസ് മേക്കിംഗ് മെഷീന് എഫ്ആര്കെ ഫോര്ട്ടിഫൈഡ് റൈസ് മെഷീന്" എന്നാണ് വീഡിയോയുടെ തലക്കെട്ട്. അരിപ്പൊടിയില് മറ്റ് അവശ്യ പോഷകങ്ങള് ചേര്ത്ത് ഫോര്ട്ടിഫൈഡ് അരി ഉത്പാദിപ്പിക്കുന്ന വീഡിയോ ആണിതെന്നും പ്ലാസ്റ്റിക് അരി അല്ലെന്നും സണ് പിങ് എക്സ്ട്രൂഷന് വ്യക്തമാക്കിയതായി AFP 2023 ജൂണ് 21ന് നല്കിയ റിപ്പോര്ട്ടിലുണ്ട്. സണ് പിങ് എക്സ്ട്രൂഷന് ഇത്തരത്തില് ഫോര്ട്ടിഫൈഡ് അരി നിര്മാണത്തിന്റെ നിരവധി വീഡിയോകള് പങ്കുവച്ചിട്ടുണ്ട്. വൈറല് വീഡിയോയില് ഉള്പ്പെട്ടിട്ടുള്ള ഭാഗം താഴെ കാണാം. എന്താണ് ഫോര്ട്ടിഫൈഡ് അരി? ഫോര്ട്ടിഫൈഡ് അഥവാ സമ്പുഷ്ടീകരിച്ച അരി എന്നാല് കൂടുതല് പോഷകാംശം ഉള്പ്പെടുത്തി കൃത്രിമമായി നിര്മിക്കുന്നവയാണ്. അരി പൊടിച്ച് അവയില് വിറ്റാമിന്, മനറല് എന്നിവ സംയോജിപ്പിച്ച് യന്ത്രത്തിന്റെ സഹായത്തോടെയാണ് ഇത് നിര്മിക്കുന്നത്. രുചിയിലും രൂപത്തിലും സാധാരണ അരിക്ക് സമാനമായ ഫോര്ട്ടിഫൈഡ് അരിക്ക് ഗുണനിലവാരം കൂടുതലുണ്ട്. ഭക്ഷണത്തിലെ അവശ്യ വിറ്റാമിനുകളുടെയും ധാതുക്കളുടെയും അളവ് വര്ധിപ്പിച്ച ഫോര്ട്ടിഫൈഡ് അരി ഉപയോഗിക്കുന്നതുവഴി പോഷകാഹാരക്കുറവ് ഒരുപരിധിവരെ പരിഹരിക്കാമെന്ന് യുണൈറ്റഡ് നേഷന്സ് ലേഖനത്തിലും പ്രതിപാദിക്കുന്നുണ്ട്. ഫുഡ് ആന്റ് സേഫ്റ്റി സ്റ്റാന്ഡേര്ഡ് അതോറിറ്റി ഓഫ് ഇന്ത്യ(FSSAI) വെബ്സൈറ്റില് ഫോര്ട്ടിഫിക്കേഷന് സംബന്ധിച്ച് വിശദീകരിക്കുന്നുണ്ട്. പോഷക കുറവ് പരിഹരിക്കാനുള്ള ഏറ്റവും ഉചിതമായ മാര്ഗമാണ് റൈസ് ഫോര്ട്ടിഫിക്കേഷന്. ഉയര്ന്ന പ്രതിശീര്ഷ അരി ഉപഭോഗമുള്ള രാജ്യമാണ് ഇന്ത്യ. സൂക്ഷ്മപോഷകങ്ങളുടെ കുറവ് പരിഹരിക്കുന്നതിനുള്ള ചെലവ് കുറഞ്ഞ റൈസ് ഫോര്ട്ടിഫിക്കേഷന് FSSAI പ്രോത്സാഹിപ്പിക്കുന്നുണ്ട്. പ്ലാസ്റ്റിക് അരി വിപണിയിലുണ്ടോ? പ്ലാസ്റ്റിക് അരി വിപണയില് വ്യാപകമാണെന്ന രീതിയില് വര്ഷങ്ങളായി പ്രചാരണമുണ്ട്. എന്നാല് ഇതുസംബന്ധിച്ച് വിശ്വസനീയമായ യാതൊരു തെളിവുകളും പുറത്തുവന്നിട്ടില്ല. അരി കത്തുന്നതാണ് പലരും പ്ലാസ്റ്റിക് അരിയാണെന്ന് പറയാന് കാരണം. എന്നാല് ഇതു സംബന്ധിച്ച് FSSAI വ്യക്തമാക്കുന്നതിങ്ങനെ "സങ്കീര്ണ്ണമായ കാര്ബോഹൈഡ്രേറ്റ് അടങ്ങിയിരിക്കുന്നതിനാല് അരി കത്തുന്നത് സ്വാഭാവിക പ്രതിഭാസമാണ്. അരിയില് 80% അന്നജം ഉള്ളതിനാല് ഇതിന് യോജിപ്പും പശയും ഉണ്ട്. പാകം ചെയ്തശേഷം പന്തിന്റെ ആകൃതിയില് ഉരുട്ടി എറിഞ്ഞാല് പശയുടെ അംശം ഉള്ളതിനാല് വേര്പെട്ട് വരികയില്ല. അതിനാല്, അരിയില് പ്ലാസ്റ്റിക് ഉണ്ടെന്ന് ചിലര് കരുതുന്നു." ഈ വാദം തള്ളിക്കളയണമെന്നാണ് FSSAI നിര്ദ്ദേശിക്കുന്നത്. ലഭ്യമായ വിവരങ്ങളില് നിന്ന് ഫോര്ട്ടിഫൈഡ് അരി നിര്മാണത്തിന്റെ വിവിധ വീഡിയോകളും മാലിന്യത്തില് നിന്ന് പ്ലാസ്റ്റിക് വേര്തിരിച്ച് റീസൈക്കിള് ചെയ്യുന്ന വീഡിയോയും ചേര്ത്ത് വച്ചാണ് പ്ലാസ്റ്റിക് അരി നിര്മാണം എന്ന രീതിയില് പ്രചരിപ്പിക്കുന്നതെന്ന് വ്യക്തം. പഴയ പ്ലാസ്റ്റികില് നിന്ന് പ്ലാസ്റ്റിക് അരി നിര്മിക്കുന്നു. വൈറല് വീഡിയോയിലുള്ളത് പ്ലാസ്റ്റിക് അരി നിര്മാണമല്ല, ഫോര്ട്ടിഫൈഡ് അരി ഉത്പാദനത്തിന്റെ ദൃശ്യമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software