About: http://data.cimple.eu/claim-review/a59de1148fe235a419cbda6429283440b4a61174d5e726cfa6868a13     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഒരിക്കൽ വൈറലായ വാർത്തയോ വാദമോ കുറേക്കാലത്തിനുശേഷം വീണ്ടും പ്രത്യക്ഷപ്പെടുന്നത് സമൂഹമാധ്യമങ്ങളിൽ കാണാറുള്ള ഒരു പ്രതിഭാസമാണ്. കേരളാമുഖ്യമന്ത്രി പിണറായി വിജയനെ ചുറ്റിപ്പറ്റി അത്തരമൊരു വാദം സമൂഹമാധ്യമങ്ങളിൽ വീണ്ടും സജീവമാകുകയാണ്. അസോസിയേഷൻ ഓഫ് ഡിമോക്രറ്റിക് റൈറ്റ്സ് പ്രസിദ്ധീകരിച്ച പഠനറിപ്പോർട്ട് പ്രകാരം ഇന്ത്യയിലെ മൂന്നാമത്തെ ഏറ്റവും ധനികനായ മുഖ്യമന്ത്രി പിണറായി വിജയനാണ് എന്ന് ഈ പോസ്റ്റ് പറയുന്നു. "പാവപെട്ട പാർട്ടിയുടെ പാവപെട്ട മന്ത്രി, കണ്ടു പഠിക്കൂ മതേതര ഹിന്ദുക്കളെ," എന്നുള്ള കുറിപ്പിനൊപ്പം ഫേസ്ബുക്കിൽ പ്രചരിക്കുന്ന പോസ്റ്റ് ഇവിടെ കാണാം. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ പോസ്റ്റിലെ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. അസോസിയേഷൻ ഓഫ് ഡിമോക്രറ്റിക് റിഫോംസ് (ADR) റിപ്പോർട്ട് പ്രകാരം ഇന്ത്യയിലെ ഏറ്റവും ധനികനായ മൂന്നാമത്തെ മുഖ്യമന്ത്രി പഞ്ചാബിലെ ക്യാപ്റ്റൻ അമരീന്ദർ സിംഗാണ്. റിപ്പോർട്ട് പ്രകാരം പിണറായി വിജയൻറെ സ്ഥാനം പുറകിൽനിന്ന് ഏഴാമതാണ്. AFWA അന്വേഷണം പോസ്റ്റിലെ വാക്കുകൾ അതേപോലെ ഫെയ്സ്ബുക്കിൽ തിരഞ്ഞപ്പോൾ ഇതേ പോസ്റ്റർ വർഷങ്ങളായി പ്രചാരത്തിലുള്ളതാണെന്ന് ബോധ്യമായി . ഗൂഗിളിൽ കീവേഡുകൾ ഉപയോഗിച്ച് തിരച്ചിലിൽ അസോസിയേഷൻ ഓഫ് ഡിമോക്രറ്റിക് റിഫോംസിന്റെ വെബ്സൈറ്റിൽ സമാനമായ റിപ്പോർട്ട് കണ്ടെത്താനായി. രാജ്യത്തെ വോട്ടർമാരെ കൂടുതൽ അവബോധരാക്കാൻ പോന്ന പഠനറിപ്പോർട്ടുകൾ തയ്യാറാക്കുന്ന സംഘടനയാണ് അസോസിയേഷൻ ഓഫ് ഡിമോക്രറ്റിക് റിഫോംസ് അഥവാ ADR. ഇതേ ലക്ഷ്യത്തിനായി പദയാത്രകളും തെരുവുനാടകങ്ങളും മറ്റും സംഘടിപ്പിക്കുന്നതും ഇവരുടെ പതിവാണ്. ഇതിൽനിന്നും പഠനറിപ്പോർട്ട് പുറത്തുവിട്ട വെബ്സൈറ്റിന്റെ പേര് പോസ്റ്റിൽ തെറ്റായി ഉപയോഗിച്ചതാവാം എന്ന് അനുമാനിക്കാം. അസോസിയേഷൻ ഓഫ് ഡിമോക്രറ്റിക് റൈറ്റ്സ് എന്ന ഒരു സംഘടനാ ഉള്ളതിന്റെ വിവരങ്ങൾ ഒന്നുംതന്നെ ഇന്റർനെറ്റിൽ ലഭ്യമായില്ല. എന്നാൽ പ്രസ്തുത റിപ്പോർട്ട് ADR പുറത്തിവിട്ടിരിക്കുന്നത് 2018 ഫെബ്രുവരിയിലാണ്. ഇതിനൊപ്പംതന്നെ ഏറ്റവും ധനികരായ മൂന്ന് മുഖ്യമന്ത്രിമാരെയും ഏറ്റവും ദരിദ്രരായ മൂന്ന് മുഖ്യമന്ത്രിമാരെയും പരിചയപ്പെടുത്തുന്ന മറ്റൊരു റിപ്പോർട്ട് കൂടി ഉണ്ടായിരുന്നു. ഈ റിപ്പോർട്ട് പരിശോധിച്ചപ്പോൾ ധനികരുടെ പട്ടികയിൽ ഉണ്ടായിരുന്നത് മുൻ ആന്ധ്ര മുഖ്യമന്ത്രി എൻ ചന്ദ്രബാബു നായിഡു (177 കോടി),അരുണാചൽ പ്രദേശിലെ പേമാ ഖാണ്ഡു(129 കോടി), പഞ്ചാബിലെ അമരീന്ദർ സിംഗ് (48 കോടി) എന്നിവരാണ്. അതുകൊണ്ടുതന്നെ പോസ്റ്റിലെ വാദം ഈ റിപ്പോർട്ട് പ്രകാരം നിലനിൽക്കില്ല എന്ന് ബോധ്യപ്പെട്ടു. റിപ്പോർട്ട് പ്രകാരം ഒരു കോടി രൂപയുടെ ആസ്തിയാണ് കേരളത്തിന്റെ മുഖ്യമന്ത്രിക്കുള്ളത്. ദരിദ്രരായ മൂന്നു മുഖ്യമന്ത്രിമാരുടെ പട്ടിക പരിശോധിച്ചെങ്കിലും അതിലും പിണറായി വിജയൻറെ പേരുണ്ടായിരുന്നില്ല. എന്നാൽ ഇതിൽ മുൻ ത്രിപുര മുഖ്യമന്ത്രി മണിക് സർക്കാരിന്റെ പേരുണ്ടായിരുന്നു. ത്രിപുരയിൽ സിപിഐഎമ്മിന് അധികാരം നഷ്ടപ്പെടുന്നതിനു മുൻപ് നടത്തിയ പഠനമായത് മൂലമാണ് ഇതെന്ന് മനസ്സിലാക്കാം. അതുകൊണ്ടാവണം പോസ്റ്റിൽ ഇന്ത്യയിലെ കമ്മ്യൂണിസ്റ്റ് മുഖ്യമന്ത്രിമാർ എന്ന പരാമർശം ഉള്ളത്. നിലവിലെ ഇന്ത്യയിലെ ഏക കമ്മ്യൂണിസ്റ്റ് ഭരണാധികാരി പിണറായി വിജയനാണ്. ADR 2018നു ശേഷം പ്രസ്തുത വിഷയത്തിൽ സമാനമായ പഠനങ്ങൾ നടത്തിയിട്ടുണ്ടോ എന്ന് ഞങ്ങൾ പരിശോധിച്ചെങ്കിലും വിവരങ്ങളൊന്നും ലഭ്യമായില്ല. മറ്റേതെങ്കിലും സർക്കാർ ഏജൻസികളോ സ്വതന്ത്ര സംഘടനകളോ ഇതേ വിഷയത്തിൽ പഠനറിപ്പോർട്ടുകൾ പ്രസിദ്ധീകരിച്ചിട്ടുണ്ടോ എന്നും ഞങ്ങൾ പരിശോധിച്ചു. എന്നാൽ ഇത്തരത്തിൽ യാതൊന്നും കണ്ടെത്താനായില്ല. ഇതിൽ നിന്നും രാജ്യത്തെ മൂന്നാമത്തെ ഏറ്റവും ധനികനായ മുഖ്യമന്ത്രി പിണറായി വിജയൻ ആണ് എന്ന വാദം അടിസ്ഥാനരഹിതമാണെന്ന് മനസ്സിലാക്കാം. ഇന്ത്യയിലെ മൂന്നാമത്തെ ഏറ്റവും ധനികനായ മുഖ്യമന്ത്രി പിണറായി വിജയനാണ് 2018 അസോസിയേഷൻ ഓഫ് ഡിമോക്രറ്റിക് റിഫോംസ് (ADR) റിപ്പോർട്ട് പ്രകാരം ഇന്ത്യയിലെ മൂന്നാമത്തെ ഏറ്റവും ധനികനായ മുഖ്യമന്ത്രി പഞ്ചാബിലെ ക്യാപ്റ്റൻ അമരീന്ദർ സിംഗാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software