| schema:text
| - Fotografia e montuar e Monika Kryemadhit
Deklarata
O sot o KURRËËËËË
Vlerësimi
Me kos
Fotografia e deputetes së Kuvendit të Shqipërisë, Monika Kryemadhi, me një bluzë në të cilët ka një ilustrim të ish-presidentit të Shqipërisë, Ilir Meta me pranga, është e manipuluar. Kjo fotografi është shpërndarë me mbishkrimin “O sot o KURRËËËËË”. Në fotografinë reale Kryemadhi ka të veshur një bluzë në të cilën shkruhet “Here I Am” (Ja ku jam). Meta është arrestuar dhe i është caktuar masa e paraburgimit, ndërsa gjykata e ka vendosur masën “detyrim paraqitje” për deputeten Monika Kryemadhi.
Artikulli
Më 21.10.2024 faqja ‘vendimii’ (arkiva) në Threads ka publikuar një fotografi në të cilën shihet Monika Kryemadhi, deputetja e Kuvendit të Shqipërisë dhe ish-gruaja e ish-presidentit të Shqipërisë, Ilir Meta.
Në fotografi pretendohet se Kryemadhi ka veshur një bluzë burgu me karikaturë të Metës, në të cilën shkruhet “Të fala nga Visi”.
Pas kërkimit në internet përmes makinës së kërkimit të fotografive “Google”, Krypometër ka gjetur fotografinë reale, në të cilën Kryemadhi e kishte veshur një bluzë tjetër, me mbishkrim dhe dizajn ndryshe.
Kjo fotografi ishte bërë në mbledhjen e Komitetit Drejtues Kombëtar të Partisë së Lirisë, e cila ishte mbajtur më 19.04.2024 me ftesë të ish-presidentit, Ilir Meta.
“Here I Am” në anglisht ishte shënimi në bluzën e veshur prej saj. Në gjuhën shqipe ky mesazh përkthehet “Ja ku jam”.
Më 21.10.2024, ish-presidenti i Shqipërisë, Ilir Meta u arrestua nga policia me urdhër të SPAK (Struktura e Posaçme Kundër Korrupsionit dhe Krimit të Organizuar). Pas një hetimi disavjeçar ndaj tij dhe ish-bashkëshortes së tij, Monika Kryemadhi, rëndojnë dyshimet për korrupsion, pastrim parash dhe mosdeklarim të pasurisë.
Prokuroria e Posaçme ka kërkuar paraburgimin e ish-presidentit Meta pasi i njëjti dyshohet për ndikime korruptive dhe përfitime monetare në çështjen CEZ-DIA, nga një marrëveshje interkoneksioni energjetik, si dhe për një marrëdhënie të dyshuar korruptive për ndryshimin e një ligji me porosi të biznesmenit Samir Mane, i cili sipas SPAK nuk është nën akuzë pasi çështja është parashkruar.
Gjykata e Posaçme ka caktuar masën e sigurisë “arrest me burg” për ish-presidentin Ilir Meta, si dhe “detyrim paraqitje” për deputeten Monika Kryemadhi.
Monika Kryemadhi gjatë viteve 2001-2005 është zgjedhur si deputete në Kuvendin e Shqipërisë. Aktualisht ajo vazhdon të jetë deputete në parlament.
Ajo ka qenë e martuar me ish-presidentin e Shqipërisë, Ilir Meta. Në qershor të këtij viti, Meta kishte thënë se po divorcohet nga bashkëshortja e tij dhe partnerja e tij politike për një kohë të gjatë, Monika Kryemadhi, duke përmendur një përzierje të arsyeve personale dhe politike.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)