About: http://data.cimple.eu/claim-review/ab825952bcca1745b5e96be7a99c5ce04b053cd61a0e49439c0dbe99     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സിപിഎം സംസ്ഥാന സെക്രട്ടറി എംവി ഗോവിന്ദൻ നടത്തിയ പ്രസ്താവന എന്ന രീതിയിൽ ഒരു പോസ്റ്റർ ഇപ്പോൾ സമൂഹമാധ്യമങ്ങളിൽ പ്രചരിക്കുന്നുണ്ട്. ആർഎസ്എസ്എസുമായി സഖ്യമുണ്ടാക്കാൻ വേണ്ടിവന്നാൽ മോഹൻ ഭാഗവതിനെ കാണുമെന്ന് എംവി ഗോവിന്ദൻ പറഞ്ഞു എന്നെഴുതിയ പോസ്റ്ററാണ് പ്രചരിക്കുന്നത്. പോസ്റ്ററിൽ എംവി ഗോവിന്ദന്റെ ചിത്രവുമുണ്ട്. "രാഷ്ട്രീയ കേരളത്തെ വെല്ലുവിളിച്ച് സിപിഎം സംസ്ഥാന സെക്രട്ടറി RSS സഖ്യം ഉണ്ടാക്കാൻ വേണ്ടിവന്നാൽ മോഹൻ ഭാഗവതിനെ തന്നെ കാണുമെന്ന് ഗോവിന്ദൻ" എന്നെഴുതിയ പോസ്റ്ററടങ്ങുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. എംവി ഗോവിന്ദൻ ഇത്തരമൊരു പ്രസ്താവന നടത്തിയിട്ടില്ല. അന്വേഷണം വൈറൽ പോസ്റ്ററിൽ ആരോപിക്കുന്ന രീതിയിൽ ആർഎസ്എസുമായി സഖ്യമുണ്ടാക്കുമെന്ന് എംവി ഗോവിന്ദൻ പറഞ്ഞിരുന്നുവെങ്കിൽ അത് വലിയ വാർത്തയാകേണ്ടതാണ്. എന്നാൽ ഇത്തരം റിപ്പോർട്ടുകളൊന്നും കണ്ടെത്താനായില്ല. തുടർന്ന് നടത്തിയ കീവേഡ് സെർച്ചിലൂടെ മനോരമ ഓൺലൈൻ പ്രസിദ്ധീകരിച്ച ഒരു വാർത്ത ലഭ്യമായി. 'ആർഎസ്എസുമായി സംസാരിക്കാൻ എഡിജിപിയെ ആശ്രയിക്കേണ്ട ഗതികേട് സിപിഎമ്മിനില്ല: എം.വി. ഗോവിന്ദൻ' എന്ന തലകെട്ടോടെ 2024 സെപ്റ്റംബർ 10നാണ് വാർത്ത പ്രസിദ്ധീകരിച്ചിരിക്കുന്നത്. മനോരമ ഓൺലൈൻ പ്രസിദ്ധീകരിച്ച വാർത്തയിൽ 'ആർഎസ്എസുമായി സംസാരിക്കാൻ എഡിജിപിയെ ആശ്രയിക്കേണ്ട ഗതികേട് സിപിഎമ്മിനില്ലെന്ന് എം.വി. ഗോവിന്ദൻ. ഡീൽ ഉണ്ടാക്കാനാണെങ്കിൽ മോഹൻ ഭാഗവതിനെ കണ്ടുകൂടെയെന്നും ഗോവിന്ദൻ ചോദിച്ചു' എന്നാണ് എഴുതിയിരിക്കുന്നത്. കോവളം ഏരിയ കമ്മറ്റി ഓഫീസ് ഉദ്ഘാടന വേദിയിലെ പ്രസംഗത്തിലാണ് ഗോവിന്ദൻ ഇക്കാര്യം പറഞ്ഞതെന്ന് റിപ്പോർട്ടിൽ വ്യക്തമാക്കുന്നുണ്ട്. വാർത്തയിൽ ആർഎസ്എസ് സഖ്യമുണ്ടാക്കാൻ വേണ്ടിവന്നാൽ മോഹൻ ഭാഗവതിനെ കാണുമെന്ന് ഗോവിന്ദൻ പറഞ്ഞതായി എഴുതിയിട്ടില്ല. വാർത്തയുടെ സ്ക്രീൻഷോട്ട് ചുവടെ കാണാം. തുടർന്ന് നടത്തിയ അന്വേഷണത്തിൽ എംവി ഗോവിന്ദന്റെ ഔദ്യോഗിക ഫേസ്ബുക്ക് പേജിൽ കോവളം ഏരിയ കമ്മറ്റി ഓഫീസ് ഉദ്ഘാടനത്തിന്റെ വീഡിയോ പങ്കുവച്ചിരിക്കുന്നതായി കണ്ടെത്തി. രണ്ടര മണിക്കൂറോളം ദൈർഘ്യമുള്ള വീഡിയോയിൽ മുഖ്യമന്ത്രി പ്രസംഗിച്ചതിന് പിന്നാലെ എംവി ഗോവിന്ദൻ സംസാരിക്കുന്നുണ്ട്. വീഡിയോയുടെ 2.15 മണിക്കൂർ ദൈർഘ്യത്തിലാണ് ആർഎസ്എസും എഡിജിപിയും തമ്മിലുള്ള കൂടിക്കാഴ്ചയുമായി ബന്ധപ്പെട്ട കാര്യം എംവി ഗോവിന്ദൻ പറയുന്നത്. 'ആർഎസ്എസുമായി എഡിജിപി ചർച്ച നടത്തിയത് സിപിഎമ്മുമായി ലിങ്കുണ്ടാക്കാനാണ് എന്ന കള്ളപ്രചാരണം നടക്കുന്നുണ്ട്, എഡിജിപി ആരെ കണ്ടു എന്തിന് കണ്ടു എന്നതൊന്നും ഞങ്ങളുടെ കാര്യമല്ല, സിപിഎമ്മുമായി ആർഎസ്എസിന് ലിങ്ക് ഉണ്ടാക്കാൻ എഡിജിപിയെ ആശ്രയിക്കേണ്ട ഗതികേട് കമ്മ്യൂണിസ്റ്റ് പാർട്ടി ഓഫ് ഇന്ത്യ മാർക്സിസ്റ്റിന് ഇല്ല. ഞങ്ങൾക്ക് ഡീലുണ്ടാക്കാൻ ഉദ്ദേശിച്ചാൽ മോഹൻ ഭാഗവതിനെ കണ്ടുകൂടേ?, എന്തിനാ എഡിജിപിയെ കാണുന്നത്. ആർഎസ്എസിന്റെ സർസംഘചാലകുമായി തന്നെ ബന്ധപ്പെടാൻ സൌകര്യമുള്ള പാർട്ടിയാണ് സിപിഎം. ഈ പ്രചാരണങ്ങളെല്ലാം ശുദ്ധ അസംബന്ധമാണ്' എന്നാണ് എംവി ഗോവിന്ദൻ പ്രസംഗത്തിൽ പറയുന്നത്. ആർഎസ്എസുമായി ഡീലുണ്ടാക്കാൻ മോഹൻ ഭാഗവതിനെ കാണുമെന്ന് പ്രസംഗത്തിൽ ഒരിടത്തും പറയുന്നുമില്ല. ഈ പ്രസംഗമടങ്ങുന്ന വീഡിയോ ഇവിടെ കാണാം. ലഭ്യമായ വിവരങ്ങളിൽ നിന്നും ആർഎസ്എസുമായി ഡീലുണ്ടാക്കാൻ വേണ്ടിവന്നാൽ മോഹൻ ഭാഗവതിനെ കാണുമെന്ന് എംവി ഗോവിന്ദൻ പറഞ്ഞതായുള്ള പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. ആർഎസ്എസുമായി സഖ്യമുണ്ടാക്കാൻ വേണ്ടിവന്നാൽ മോഹൻ ഭാഗവതിനെ കാണുമെന്ന് എംവി ഗോവിന്ദൻ പറഞ്ഞു. എഡിജിപി ആർഎസ്എസ് നേതാവിനെ കണ്ടതുമായി ബന്ധപ്പെട്ട വിമർശനത്തിന് മറുപടിയായി സിപിഎം ആർഎസ്എസുമായി ഡീലുണ്ടാക്കാൻ ഉദ്ദേശിച്ചാൽ മോഹൻ ഭാഗവതിനെ നേരിട്ട് കണ്ടുകൂടെ എന്നാണ് എംവി ഗോവിന്ദൻ പറഞ്ഞത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 10 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software