| schema:text
| - ARKIV Pamje nga Mitrovica e Veriut - Foto: REL/AFP
Ulja e çmimit të rrymës për serbët në veri, lajm i rremë
Deklarata
Lajmi: Komunave me shumicë serbe në Kosovë’, i është liruar çmimi i rrymës
Vlerësimi
Rrenë e kryptë
Një vendim i vitit të kaluar që uli çmimin e rrymës për qytetarët e Kosovës, u keqinterpretua nëpër media sot si ‘zbritje e çmimit të rrymës për komunat veriore’. Ky lajm ishte i pasaktë. Vitin e kaluar, ZRrE ka ndërprerë mbulimin e kostove për furnizimin me energji elektrike për komunat veriore dhe njëherit pas këtij vendimi është bërë edhe zbritja e çmimeve sipas vendimit që është marrë nga ZRrE dhe nga 1 dhjetori, çmimi i energjisë elektrike është zbritur për 3.5 për qind
Artikulli
Një vendim i vitit të kaluar që uli çmimin e rrymës për qytetarët e Kosovës, u keqinterpretua nëpër media sot si ‘zbritje e çmimit të rrymës për komunat veriore’
Lajmi se ‘komunave me shumicë serbe në Kosovë’, i është liruar çmimi i rrymës qarkulloi nëpër ballinat e mediave online duke e shpërndarë një informatë të pasaktë.
Këto tituj si duket derivuan nga një deklaratë e Izet Rushitit, anëtar i bordit të Zyrës së Rregullatorit të Energjisë, që raportoi sot para Komisionit Parlamentar për të Drejtat e Njeriut.
ZRrE, që është organi përgjegjës për rregullimin e tarifave të energjisë, sot raportoi lidhur me zbatimin e rekomandimeve që kanë të bëjnë me faturimin e energjisë elektrike të shpenzuar në katër komunat veriore të Republikës së Kosovës, të miratuara nga Kuvendi në seancën plenare të mbajtur me 9 shkurt 2018.
Një vendim i ZRrE-së , në vitin 2012 kishte bërë që shpenzimet e energjisë elektrike që bëheshin në komunat veriore, t’u faturoheshin qytetarëve të pjesës tjetër të Kosovës, në emër të ‘humbjeve të energjisë’.
Ky vendim u pezullua nga Gjykata themelore dhe ajo e Apelit pas padisë që bëri Zyra e Avokatit të Popullit që konsideroi se pagesa e qytetarëve për shpenzimet e dikujt tjetër, është shkelje e të drejtave të njeriut.
Këtë fakt e përmendi sot Izet Rushiti, që mund të shihet edhe në videon e postuar nga agjencia e lajmeve EkonomiaOnline e që u keqinterpretua nga mediat e tjera.
“Pas vendimit të Gjykatës Themelore dhe Gjykatës së Apelit më 11.09.2017 mbi shtyrjen e vendimit ose ekzekutimit të vendimit 399 i vitit 2012, ZRrE ka ndërprerë mbulimin e kostove për furnizimin me energji elektrike për komunat veriore dhe njëherit pas këtij vendimi është bërë edhe zbritja e çmimeve sipas vendimit që është marrë nga ZRrE dhe nga 1 dhjetori, çmimi i energjisë elektrike është zbritur për 3.5 për qind dhe nga kjo datë është ndërprerë mbulimi i kostove për furnizim me energji elektrike për këto komuna”, tha Rushiti sot në Komisionin Parlamentar.
Lidhur me çështjen e faturimit të energjisë elektrike që shfrytëzohet në veri dhe si erdhi deri te lirimi i rrymës në dhjetor të vitit të kaluar, mund të lexoni në shkrimin e mëposhtëm:
https://kallxo.com/qytetaret-nuk-paguajne-per-veriun-rryma-lirohet-per-35/
www.kallxo.com
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)