About: http://data.cimple.eu/claim-review/b0e91c4f927aa5bb0b2468803dbbf9779c77a649e542fcbcc4cef543     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബാംഗ്ലൂരിലെ CSI( ചര്ച്ച് ഓഫ് സൗത്ത് ഇന്ത്യ) സഭാ ബിഷപ്പിനെ ബിജെപിക്കാര് മര്ദ്ദിക്കുന്നുവെന്ന രീതിയില് ഒരു ദൃശ്യം സമൂഹമാധ്യമങ്ങളില് ഇപ്പോള് വൈറലാണ്. പള്ളിയിലെ ആരാധനയ്ക്കിടെ ക്രിസ്തീയ പുരോഹിതനെ ഒരാള് മര്ദ്ദിക്കുന്ന രംഗമാണിത്. "ബാഗ്ളൂര് CSI സഭാ ബിഷപ്പിനെBJP നേതാവ് മൈക്ക് വാങ്ങി തലക്കടിക്കുന്നു." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. തെലങ്കാനയിലെ ഭദ്രാചലം സിഎസ്ഐ ചര്ച്ച് അംഗമായ യുവാവാണ് ആരാധനയ്ക്കിടെ പുരോഹിതനെ മര്ദ്ദിച്ചത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പ്രചരിക്കുന്ന വീഡിയോ റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് 2018 മുതല് സമാനമായ അവകാശവാദത്തോടെ ഈ വീഡിയോ സമൂഹമാധ്യമങ്ങളില് പ്രചാരത്തിലുണ്ടെന്ന് മനസിലാക്കാനായി. എന്നാല് ചില പോസ്റ്റുകളില് പള്ളിയിലെ അംഗം തന്നെയാണ് ആക്രമണത്തിന് പിന്നിലെന്ന് സൂചിപ്പിച്ചിരിക്കുന്നത് ശ്രദ്ധയില്പ്പെട്ടു. തുടര്ന്ന് ഞങ്ങള് വിശദമായി പരിശോധിച്ചപ്പോള് ഈ സംഭവം നടന്നത് തെലങ്കാനയിലെ ഭദ്രാദ്രി കോദകൂടം ജില്ലയിലുള്ള ഭദ്രാചലം CSI പള്ളിയിലാണെന്ന് വ്യക്തമാക്കി 2018ല് ഒരു ഉപയോക്താവ് പങ്കുവച്ച ഫേസ്ബുക്ക് പോസ്റ്റ് ലഭ്യമായി. ഇതു സംബന്ധിച്ച് ടിവി 9 തെലുങ്ക് നല്കിയ റിപ്പോര്ട്ടും നിരവധിപ്പേര് ഷെയര് ചെയ്തിട്ടുണ്ട്. വാര്ത്ത ഉള്പ്പെടുന്ന ഫേസ്ബുക്ക് പോസ്റ്റ് താഴെ കാണാം. ഭദ്രാചലം സിഎസ്ഐ ചര്ച്ചില് നടന്ന സംഭവമാണെന്ന് ടിവി 9 വാര്ത്തയില് വ്യക്തമാക്കുന്നുണ്ട്. എന്നാല് ഈ വാര്ത്തയുടെ ഒറിജിനല് പതിപ്പ് ഇപ്പോള് ലഭ്യമല്ല. അതേസമയം 2018 മെയ് 27ന് ടിവി 9 തെലുങ്ക് ഇതുസംബന്ധിച്ച് നല്കിയ എക്സ് പോസ്റ്റ് ലഭ്യമായി. ഈ പോസ്റ്റിലും വീഡിയോ ലഭ്യമല്ല. എന്നാല് ഈ സംഭവം നടന്നത് ഭദ്രാചലം സിഎസ്ഐ പള്ളിയില് തന്നെയാണെന്ന് ഡോര്ണയ്ക്കല് ഭദ്രാസനത്തിലെ റവ.ആര് ഇസ്രയേല് റെഡ്ഡി ബൂം ലൈവിനോട് വ്യക്തമാക്കിയിരുന്നു. പള്ളിയിലെ മുന് അംഗമായ ശാന്തകുമാര് കൊളപ്പുടി എന്നയാളാണ് ഭദ്രാചലം സിഎസ്ഐ പള്ളിയിലെ പാസ്റ്ററായ അനന്ദ റാവുവിനെ മര്ദ്ദിച്ചത്. "കഴിഞ്ഞ വര്ഷം വരെ പള്ളി കമ്മിറ്റി സെക്രട്ടറിയായിരുന്ന ശാന്തകുമാര് കൊളപ്പുടിയാണ് പാസ്റ്റര് റാവുവിനെ ആക്രമിച്ചത്. അദ്ദേഹം സൃഷ്ടിച്ച ചില പ്രശ്നങ്ങള് കാരണം ഞങ്ങള് അദ്ദേഹത്തെ കഴിഞ്ഞ വര്ഷം കമ്മിറ്റിയില് നിന്ന് പുറത്താക്കി. സംഭവ ദിവസം പാസ്റ്റര് റാവു രാവിലത്തെ ആരാധനയില് സംസാരിച്ച ശേഷം, കൊളപ്പുടി പാസ്റ്ററെ സമീപിച്ച് പുറത്താക്കിയതിനെക്കുറിച്ച് ചോദിക്കുകയും എപ്പോള് തിരിച്ചെടുക്കുമെന്ന് ചോദിക്കുകയും ചെയ്തു. പാസ്റ്റര് തൃപ്തികരമായ ഉത്തരം നല്കാതെ വന്നപ്പോള് കൊളപ്പുടി മൈക്ക് പിടിച്ചുവാങ്ങി അടിച്ചു,'' എന്നാണ് റവ. റെഡ്ഡി ബൂം ലൈവിനോട് പറഞ്ഞത്. ആക്രമണത്തില് പരിക്കേറ്റ പാസ്റ്റര് അനന്ദ റാവുവിന്റെ വിവരങ്ങളും ഞങ്ങള് പരിശോധിച്ചു. റവ. റാവു തെലങ്കാനയിലെ പള്ളിയില് ആരാധന നടത്തുന്ന വീഡിയോകള് അദ്ദേഹത്തിന്റെ യുട്യൂബ് പേജില് ലഭ്യമാണ്. വൈറല് വീഡിയോയിലെ അതേ പുരോഹിതനാണ് ഇതെന്ന് വ്യക്തമാണ്. കന്യാകുമാരിയിലെ പള്ളിയില് നടന്ന സംഭവമാണെന്ന രീതിയിലും ഈ വീഡിയോ വ്യപകമായി ഷെയര് ചെയ്യപ്പെടുന്നുണ്ട്. ഇതേ തുടര്ന്ന് തമിഴ്നാട് പൊലീസ് വിശദീകരണം നല്കിയിട്ടുള്ളതും കണ്ടെത്തി. 2018ല് തെലങ്കാനയില് നടന്ന സംഭവമാണെന്ന വിശദീകരണത്തോടെ തമിഴ്നാട് പൊലീസ് പങ്കുവച്ച സന്ദേശം താഴെ കാണാം. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോയില് ക്രിസ്തീയ പുരോഹിതനെ മര്ദ്ദിക്കുന്നത് ബിജെപി നേതാവല്ലെന്നും പള്ളിയിലെ വിശ്വാസി തന്നെയാണെന്നും ഇത് ബാംഗ്ലൂരില് നിന്നുള്ള വീഡിയോ അല്ലെന്നും വ്യക്തമാണ്. ബാംഗ്ലൂരിലെ സിഎസ്ഐ സഭാ ബിഷപ്പിനെ ബിജെപി നേതാവ് മര്ദ്ദിക്കുന്നു. ഇത് 2018ല് തെലങ്കാനയില് നിന്നുള്ള വീഡിയോയാണ്. ഭദ്രാചലം സിഎസ്ഐ പള്ളി അംഗമായിരുന്ന ശാന്തകുമാര് കൊളപ്പുടി എന്നയാളെ പള്ളിക്കമ്മറ്റിയില് നിന്ന് പുറത്താക്കിയതുമായി ബന്ധപ്പെട്ട തര്ക്കമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software