| schema:text
| - Pasaktësia që shpërndan panik tek qytetarët që udhëtojnë përmes Kroacisë
Deklarata
Bashkatdhetarët që udhëtojnë, kah Kroacia, duhet të kenë kujdes, se kah, po i bien, për të dalë, te Ura, sepse, mundë të hyjnë, në zonën e shtetit serb, dhe për këtë gabim, janë në pritje gatishmërie, nga policia serbe.
Vlerësimi
Rrenë
Postimi i bërë është i rremë, pasi Ura e Kroacisë fare nuk është afër kufirit me Serbinë. Kroacia nuk kufizohet me Serbinë në atë pjesë të vendit ku gjendet ura. E thirrur ‘Ura e Peleshacit’ gjendet në jug të Kroacisë dhe lidh atë pjesë me pjesën tjetër të këtij vendi. Pika më e afërt kufitare në atë pjesë, është ajo e Bosnje Hercegovinës, me emrin Neum. ‘Ura e Peleshacit’ lidh pjesën e quajtur Brijesta me Komarna. Pika kufitare me Bosnjen nga ura është rreth 9 kilometra larg, ndërsa Serbia gjendet komplet në anën tjetër, afër qytetit Osijek.
Artikulli
Një profil në rrjetin social Facebook me emrin Hava Kurti Krasniqi sot me 1 gusht 2022 rreth orës 09:00, ka publikuar një postim përmes të cilit i paralajmëron qytetarët që udhëtojnë përmes Kroacisë.
Ajo i ka alarmuar qytetarët se mund të përfundojnë të akuzuar për kalim ilegal të kufirit serb nëse e bëjnë një gabim të vogël gjatë orientimit për të kaluar përmes urës së re të ndërtuar së fundmi për të shmangur kalimin e kufirit në mes të Bosnje Hercegovincës dhe Kroacisë.
“Bashkatdhetarët që udhëtojnë, kah Kroacia, duhet të kenë kujdes, se kah, po i bien, për të dalë, te Ura, sepse, mundë të hyjnë, në zonën e shtetit serb, dhe për këtë gabim, janë në pritje gatishmërie, nga policia serbe”, ka shkruar ky profil në Facebook.
Tutje, pretendohet se nga shteti serb ka gjoba të mëdha për ‘kalim ilegal të kufirit’.
“Automatikisht ju mirret si hyrje ilegale në shtetin sërb dhe gjobat janë të mëdha. Akuza “ilegal” llogaritet, sepse ju keni hyrë aty pa kaluar pikën kufitare sërbe. Pra më mirë pyetni me kujdes për Urën, se sa të ndesheni me problemet. Shumë udhëtarë janë dënuar për këtë shkak”, thuhet në fund të këtij shkrimi.
Por ky informacion i dhënë nga kjo qytetare që është shpërndarë 138 herë dhe është publikuar në disa media të tjera është i rremë. Këtë publikim të kësaj qytetareje e kanë publikuar disa faqe në Facebook si: ‘Realiteti’ dhe ‘Emergjenca’, “Albanian Times”, “Hoça në diasporë”, “Interesante”.
Ura e posa inauguruar prej 2.4 kilometrash lidh jugun e Kroacisë me pjesën tjetër të ketij vendi. Në atë pjesë Kroacia nuk kufizohet fare me Serbinë.
Pika më e afërt kufitare në atë pjesë, është ajo e Bosnje Hercegovinës, me emrin Neum. Edhe kjo pikë kufitare nuk është në pjesën e BIH që njihet si Republika Serbe dhe që qeverisët nga serbët e Bosnjes.
‘Ura e Peljeshacit’ lidh pjesën e quajtur Brijesta me Komarna. Pika kufitare me Bosnjen nga ura është rreth 9 kilometra larg, ndërsa Serbia gjendet komplet në anën tjetër, afër qytetit Osijek.
Njëra nga arsyet pse është thënë për këtë urë se do ta ‘tranformojë udhëtimin në Ballkan’ është pikërisht sepse lehtëson transportin brenda territorit kroat, duke iu shmangur pikave dhe kontrolleve kufitare.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)