About: http://data.cimple.eu/claim-review/b73b23b1c96220ad5f5217bcb97d73b46a21564318dc9740921de0ac     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഏഴ് സംസ്ഥാനങ്ങളിലൂടെയുള്ള പര്യടനം പിന്നിട്ട ഭാരത് ജോഡോ യാത്ര ഇപ്പോള് മധ്യപ്രദേശിലാണുള്ളത്. സെലിബ്രിറ്റികള് ഉള്പ്പെടെ നിരവധിപ്പേരാണ് യാത്രയിലുടനീളം രാഹുല് ഗാന്ധിക്ക് അഭിവാദ്യവുമായി എത്തുന്നത്. യാത്രയുമായി ബന്ധപ്പെട്ട് നിരവധി പ്രചാരണങ്ങളാണ് സമൂഹമാധ്യമങ്ങളിലുള്ളത്. ഇത്തരത്തിലൊരു പോസ്റ്റില് പറയുന്നത് ഭാരത് ജോഡോ യാത്രയ്ക്കിടെ പാക് അനുകൂല മുദ്രാവാക്യം വിളിച്ചത് ചോദ്യം ചെയ്ത പൊലീസുകാരനെ മര്ദ്ദിക്കുന്നുവെന്നാണ്. 'ഭാരത് ജോഡോ യാത്രയില് പാകിസ്ഥാന് സിന്ദാബാദ് വിളിക്കുന്നു. വിലക്കിയ പോലീസുകാരനെ എങ്ങനെയാണ് കോണ്ഗ്രസ് അനുകൂലികള് കൈകാര്യം ചെയ്യുന്നതെന്ന് കാണൂ. മോദി അധികാരത്തില് വന്നിട്ടില്ലായിരുന്നു എങ്കില് കോണ്ഗ്രസ് ഭരണത്തില് എന്താകുമായിരുന്നു ' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഈ വീഡിയോയ്ക്ക് ഭാരത് ജോഡോ യാത്രയുമായി ബന്ധമില്ല. AFWA അന്വേഷണം പ്രചാരത്തിലുള്ള വീഡിയോയില് ഒരുകൂട്ടം ആളുകളോട് ലൗഡ് സ്പീക്കര് ഉപയോഗിച്ച് ഒരാള് സംസാരിക്കുന്നത് കാണാനാകും. ഇയാളുടെ അടുത്തേയ്ക്ക് വരുന്ന പൊലീസ് ഇന്സ്പെക്ടര് പെര്മിഷനെക്കുറിച്ച് സംസാരിക്കുന്നു. ഉടന് തന്നെ പൊലീസുകാരനോട് കയര്ക്കുകയും തോളില് പിടിച്ച് തള്ളുകയും ചെയ്യുന്നുണ്ട്. പ്രചാരത്തിലുള്ള പോസ്റ്റിലെ കുറിപ്പിനൊപ്പം ഒരു ഇംഗ്ലീഷ് വിവരണവും നല്കിയിട്ടുണ്ട്. ഇതില് പറയുന്നത് വീഡിയോയിലുള്ളത് കോണ്ഗ്രസ് എംഎല്എ ആണെന്നും അയാള് പാകിസ്ഥാന് സിന്ദാബാദ് വിളിച്ചെന്നുമാണ്. തുടര്ന്ന് ഞങ്ങള് വീഡിയോയുടെ കീ ഫ്രെയ്മുകള് റിവേഴ്സ് ഇമേജില് തിരഞ്ഞു. ഇതില് നിന്ന് മനസിലാക്കാനായത് ഈ വീഡിയോയ്ക്ക് ഭാരത് ജോഡോ യാത്രയുമായി യാതൊരു ബന്ധവുമില്ലെന്നാണ്. നിരവധി മാധ്യമങ്ങളില് ഈ സംഭവം സംബന്ധിച്ച് റിപ്പോര്ട്ട് നല്കിയിട്ടുണ്ട്. നവംബര് 27ന് ഇന്ത്യന് എക്സ്പ്രസ് നല്കിയ റിപ്പോര്ട്ട് പ്രകാരം സംഭവം നടന്നത് ഡല്ഹിയിലാണ്. മുന്സിപ്പല് കോര്പ്പറേഷന് ഓഫ് ഡല്ഹി(MCD) ഇലക്ഷനുമായി ബന്ധപ്പെട്ട് നടന്ന പ്രചാരണ പരിപാടിയാണിത്. ഓഖ്ല മണ്ഡലത്തിലെ മുന് എംഎല്എ ആയിരുന്ന ആസിഫ് മുഹമ്മദ് ഖാനാണ് വീഡിയോയില് സംസാരിക്കുന്നയാള്. ആസിഫ് ഖാന്റെ മകള് ആരിബ ഖാന് ഡല്ഹി എംസിഡി ഇലക്ഷനില് കോണ്ഗ്രസ് സ്ഥാനാര്ഥിയാണ്. ആരിബയുടെ ഇലക്ഷന് പ്രചാരണത്തിനായി ജാമിയ നഗറില് ഒത്തുകൂടിയവരെ അഭിസംബോധന ചെയ്യാന് ലൗഡ് സ്പീക്കര് ഉപയോഗിച്ച് ആസിഫ് ഖാന് സംസാരിച്ചു. സ്പീക്കര് ഉപയോഗിക്കാന് അനുമതിയുണ്ടോ എന്ന് ചോദിക്കാനെത്തിയ ഇന്സ്പെക്ടര് അക്ഷയ്യോട് മാന്യമല്ലാത്ത രീതിയില് സംസാരിക്കുകയും പിടിച്ച് തള്ളുകയും ചെയ്തെന്നാണണ് റിപ്പോര്ട്ടില് പറയുന്നത്. എന്നാല് ആസിഫ് ഖാന് പാക് അനുകൂല മുദ്രാവാക്യം വിളിച്ചതായി വാര്ത്തയില് പറയുന്നില്ല. വീഡിയോ വൈറലായതിനു ശേഷം ഖാന് അറസ്റ്റിലായി. ഇതുസംബന്ധിച്ച് എഎന്ഐ നല്കിയ ട്വീറ്റ് താഴെ കാണാം. സമാനമായ വാര്ത്ത മറ്റ് മാധ്യമങ്ങളിലും നല്കിയിട്ടുണ്ട്. എന്നാല് എവിടെയും പാക് അനുകൂല മുദ്രാവാക്യം വിളിച്ചതായി പറയുന്നില്ല. റിപ്പബ്ലിക് ടിവി നല്കിയിട്ടുള്ള റിപ്പോര്ട്ട് താഴെ കാണാം. സമൂഹമാധ്യമങ്ങളിലെ പ്രചാരണങ്ങള് പ്രകാരം വീഡിയോയിലുള്ള മുന് കോണ്ഗ്രസ് എംഎല്എ പാക് അനുകൂല മുദ്രാവാക്യം വിളിച്ചു എന്നാണ്. വീഡിയോയില് അവ്യക്തമായി ചില മുദ്രാവാക്യങ്ങള് കേള്ക്കാനാകുമെങ്കിലും ആസിഫ് ഖാന് ഇത്തരത്തില് മുദ്രാവാക്യങ്ങളൊന്നും വിളിക്കുന്നതായി കാണാനാകുന്നില്ല. കേരള ഗവര്ണര് ആരിഫ് മുഹമ്മദ് ഖാന്റെ സഹോദരനായ ആസിഫ് മുഹമ്മദ് ഖാന് അറസ്റ്റിലായി എന്നുള്ള വാര്ത്ത മലയാള മാധ്യമങ്ങളും നല്കിയിരുന്നു. എന്നാല് പാക് അനുകൂല മുദ്രാവാക്യത്തിന്റെ കാര്യം ആരും പ്രതിപാദിച്ചിട്ടില്ല. അതേസമയം, പാക് അനുകൂല മുദ്രാവാക്യം വിളിച്ചതുസംബന്ധിച്ച് ഞങ്ങള്ക്ക് സ്ഥിരീകരിക്കാനായില്ല. എന്നാല് ഈ സംഭവം ഭാരത് ജോഡോ യാത്രയിലേതല്ലെന്ന് ഉറപ്പിക്കാനാകും. ഈ സംഭവം നടന്നത് നവംബര് 26നാണ്. എന്നാല് ഈ സമയത്ത് ഭാരത് ജോഡോ യാത്ര മധ്യപ്രദേശിലാണ്. ഇനിയും ദിവസങ്ങള്ക്ക് ശേഷം മാത്രമെ യാത്ര ഡല്ഹിയില് എത്തുകയുള്ളൂ എന്നതാണ് വാസ്തവം. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് വ്യക്തം. ഭാരത് ജോഡോ യാത്രയില് പാക് അനുകൂല മുദ്രാവാക്യം വിളിച്ചത് ചോദ്യം ചെയ്ത പൊലീസുകാരനെ മര്ദ്ദിക്കുന്നു. ഇത് ഭാരത് ജോഡോ യാത്രയില് നിന്നുള്ള ദൃശ്യമല്ല. ഡല്ഹി മുനിസിപ്പല് കോര്പ്പറേഷന് ഇലക്ഷനുമായി ബന്ധപ്പെട്ട് നടന്ന പ്രചാരണമാണ്. കോണ്ഗ്രസ് നേതാവും മുന് എംഎല്എയുമായ ആസിഫ് മുഹമ്മദ് ഖാനാണ് പൊലീസ് ഇന്സ്പെക്ടറെ പിടിച്ച് തള്ളുന്നത്. ഇയാളെ ഡല്ഹി പൊലീസ് അറസ്റ്റ് ചെയ്തു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software