| schema:text
| - Fact Check: કોંગ્રેસ નેતા ડીકે શિવકુમારના એક વર્ષ જૂના વીડિયોને કર્ણાટક ચૂંટણી પ્રચાર સાથે જોડીને કરવામાં આવી રહ્યો છે વાયરલ
- By: Pragya Shukla
- Published: May 16, 2023 at 10:46 AM
નવી દિલ્હી (વિશ્વાસ ન્યૂઝ): સોશિયલ મીડિયા પર કર્ણાટક પ્રદેશ કોંગ્રેસ સમિતિના અધ્યક્ષ ડીકે શિવકુમારનો એક વીડિયો ઝડપથી વાયરલ થઈ રહ્યો છે. વીડિયોમાં તેઓ લડખડાતા પગે ચાલતા જોવા મળી રહ્યા છે. આ વીડિયોને કર્ણાટક ચૂંટણી સાથે જોડીને શેર કરીને દાવો કરવામાં આવી રહ્યો છે કે તેઓ નશાની હાલતમાં લોકો પાસે વોટ માંગવા પહોંચ્યા હતા.
વિશ્વાસ ન્યૂઝને તપાસમાં જાણવા મળ્યું કે વાયરલ વીડિયોને લઈને કરવામાં આવી રહેલો દાવો ભ્રામક છે. આ વીડિયો એક વર્ષ જૂનો છે અને તેને કર્ણાટક ચૂંટણી પ્રચાર સાથે કોઈ લેવાદેવા નથી.
શું થઈ રહ્યું છે વાયરલ?
ફેસબુક યુઝર Muthu Maranએ 4 મે, 2023ના રોજ વાયરલ વીડિયોને શેર કરતા અંગ્રેજીમાં કેપ્શનમાં લખ્યું છે કે, શ્રી ડીકે શિવકુમાર, ડોર ટુ ડોર પ્રચાર દરમિયાન સંપૂર્ણપણે નશાની હાલતમાં જોવા મળ્યા. જો આગામી વિધાનસભાની ચૂંટણીમાં કોંગ્રેસને બહુમતી મળે છે, તો તેઓ કર્ણાટકના સીએમ પદના ઉમેદવાર છે.”
પોસ્ટની આર્કાઇવ લિંકને અહીં જોઈ શકાય છે.
તપાસ
વીડિયોનું સત્ય જાણવા માટે અમે Google પર સંબંધિત કીવર્ડ્સ સાથે સર્ચ કરવાનું શરૂ કર્યું. આ દરમિયાન અમને વાયરલ વીડિયો કન્નડ ન્યૂઝ પબ્લિક ટીવીની ઓફિશિયલ યુટ્યુબ ચેનલ પર મળ્યો. આ વીડિયોને 9 જૂન 2022ના રોજ શેર કરવામાં આવ્યો છે. કેપ્શન મુજબ, ડીકે શિવકુમાર ચાલતા-ચાલતા થાકી ગયા.
તપાસ દરમિયાન અમને આ વીડિયો ન્યૂઝ ફર્સ્ટ નામની એક અન્ય કન્નડ YouTube ચેનલ પર 9 જાન્યુઆરી, 2022ના રોજ અપલોડ થયેલો મળ્યો. જેમાં આ વીડિયો મેકેદાતુ પદયાત્રા સાથે સંબંધિત હોવાનું જણાવવામાં આવ્યું હતું.
મેકેદાતુ પદયાત્રા વિશે સર્ચ કરવા પર અમને 7 નવેમ્બર 2021ના રોજ નવભારત ટાઈમ્સની વેબસાઈટ પર પ્રકાશિત એક રિપોર્ટ મળ્યો. રિપોર્ટ અનુસાર, કર્ણાટકમાં કોંગ્રેસે કાવેરી નદી પર મેકેદાટુ પ્રોજેક્ટના અમલીકરણની માંગને લઈને મેકેદાટુથી બેંગલુરુ સુધી 100 કિલોમીટર લાંબી કૂચ કરવાનો નિર્ણય લીધો હતો.
વધુ જાણકારી માટે અમે કર્ણાટક કોંગ્રેસના પ્રવક્તા સરવ્યા અંજુમનો સંપર્ક કર્યો. તેઓએ અમને જણાવ્યું, વાયરલ દાવો ભ્રામક અને અમારી વિરુદ્ધ દુષ્પ્રચાર છે. અન્ય પક્ષો અમારી છબીને ખરાબ કરવા માટે આવી ખોટી વાતો ફેલાવી રહ્યા છે.
અમારી અત્યાર સુધીની તપાસથી એ સાબિત થાય છે કે ડીકે શિવકુમારનો વીડિયો એક વર્ષ જૂનો છે અને આ વીડિયોને કર્ણાટકની તાજેતરની ચૂંટણીઓ સાથે કોઈ લેવાદેવા નથી. પરંતુ અમે આ વાતની પુષ્ટિ નથી કરતા કે તેઓ નશાની હાલતમાં હતા કે નહીં.
તપાસના અંતે અમે વીડિને ભ્રામક દાવા સાથે શેર કરનાર યુઝરના પેજને સ્કેન કર્યું. યુઝરના ફેસબુક પર 318 ફ્રેન્ડ્સ છે. પ્રોફાઇલ પરની માહિતી અનુસાર, યુઝર મેલુરમાં રહે છે.
નિષ્કર્ષ: વિશ્વાસ ન્યૂઝને તેની તપાસમાં જાણવા મળ્યું છે કે ડીકે શિવકુમારના વાયરલ વીડિયોને લઈને કરવામાં આવી રહેલો દાવો ભ્રામક છે. આ વીડિયો એક વર્ષ જૂનો છે અને તેને કર્ણાટક ચૂંટણી પ્રચાર સાથે કોઈ લેવાદેવા નથી.
- Claim Review : શ્રી ડીકે શિવકુમાર, ડોર ટુ ડોર પ્રચાર દરમિયાન સંપૂર્ણપણે નશામાં હતા.
- Claimed By : ફેસબુક યુઝર Muthu Maran
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)