| schema:text
| - Ripublikimi i videos së vjetër si aktuale të Kadri Veselit
Deklarata
“Veseli pas kthimit nga Haga: Lavdi e përjetshme e UÇK dhe popullit te Kosoves”
Vlerësimi
Rrenë
Mbishkrimi i një video “Veseli pas kthimit nga Haga: Lavdi e përjetshme e UÇK dhe popullit te Kosoves” është i rremë. Kadri Veseli që nga arrestimi i tij dhe mbajtja në Hagë nuk ka dhënë asnjë deklaratë për media dhe as nuk ka bërë postime në Facebook. Ai është kthyer disa herë në Kosovë, në përcjellje të Prokurorisë, për vizita tek familjarët që ishin të sëmurë.
Artikulli
Më 4 dhjetor 2023, faqja e rrjetit social në Tiktok (arkiva) dhe dy ditë më pas faqja e Facebook-ut, Menaxher per dasma (arkiva), kanë publikuar një video në të cilën shihet ish- kryetari i Partisë Demokratike të Kosovës, Kadri Veseli.
Përmes këtij materiali pretendohet se Veseli është kthyer nga Haga dhe mban mbishkrimin “Veseli pas kthimit nga Haga: Lavdi e përjetshme e UÇK dhe popullit te Kosoves”.
Video në Tiktok ka marrë rreth 16 mijë pëlqime, 799 komente dhe është shpërndarë 1,728 herë.
Materiali i njëjtë është publikuar me 4 dhjetor 2023, në kanalin e mediumit Ekonomia Online (arkiva) në youtube me përshkrimin “Veseli pas kthimit nga Haga: Lavdi e përjetshme UÇK-së dhe popullit të Kosovës”.
Por, ky video-material është i vjetër. Bëhet fjalë për kthimin e Kadri Veselit në Kosovë pas intervistimit nga Zyra e Prokurorit të Specializuar të Kosovës në dhjetor të vitit 2019.
Ish-kryetari i Partisë Demokratike të Kosovës, Kadri Veseli si dhe Hashim Thaçi, Kadri Veseli, Rexhep Selimi dhe Jakup Krasniqi aktualisht po mbahen në paraburgim në Hagë prej nëntorit të vitit 2020.
Deri më tani, Gjykata ka refuzuar çdo kërkesë për mbrojtje në liri të ish-krerëve të UÇK-së.
Veseli ka qenë në sallën e gjykimit më datë 11 dhjetor 2023, në të cilën seancë janë dëgjuar dëshmitarët.
Ata po akuzohen për krime lufte dhe krime kundër njerëzimit si përndjekje, burgosje, akte çnjerëzore, torturë, zhdukje dhe vrasje, si dhe me 10 pika për krime lufte si arrestim, ndalim arbitrar, torturë dhe vrasje të paligjshme.
Në dhjetor të vitit 2019, Veseli ishte ftuar në Hagë për intervistim dhe më pas ishte kthyer në Kosovë. Më 11 dhjetor 2019, Veseli në rrjetin social Facebook kishte shpërndarë disa fotografi nga pritja që i është bërë pas arritjes në Kosovë.
“Falemnderit të gjithëve për pritjen. Gjithmonë krenar me Kosovën dhe lavdi e përjetshme Ushtrisë Çlirimtare të Kosovë”- pati shkruar ai në Facebook.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)