About: http://data.cimple.eu/claim-review/c62b5b811c92a03480b89eb2c6e05cd707cd7d3dc45e3bd3c6b6c5d4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അരിക്കൊമ്പനെ ചിന്നക്കനാലില് നിന്ന് പെരിയാര് റിസര്വിലേക്ക് മാറ്റിയപ്പോള് കേരളത്തിലെ റോഡുകളും ചര്ച്ചയായിരുന്നു. ആനയെ കൊണ്ടുപോകുന്ന ലൈവ് വാര്ത്താ ദൃശ്യങ്ങളില് കാണാനായ റോഡ് സംസ്ഥാന പാതയാണെന്നും ദേശീയപാതയാണെന്നും രണ്ടുരീതിയില് പ്രചാരണമുണ്ടായി. ഇതോടെ കേരളത്തിലെ റോഡുകളുടെ നിലവാരം വീണ്ടും ചാര്ച്ചയായി. അതിനിടെ PWD കോഴിക്കോട് നിര്മിച്ച മികച്ച റോഡ് എന്ന രീതിയില് ഒരു ചിത്രവും സമൂഹമാധ്യമങ്ങളില് സജീവമാണ്. 'കേരളത്തിലെ PWD റോഡുകള്.. Kozhikode, Kerala.. ' എന്നുള്ള കുറിപ്പിനൊപ്പം പ്രചരിക്കുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഈ ചിത്രം സംസ്ഥാന സര്ക്കാര് നിര്മിച്ച റോഡിന്റേതല്ല, സ്വകാര്യ എസ്റ്റേറ്റിലേക്കുള്ള റോഡിന്റേതാണ്. AFWA അന്വേഷണം മഴ പെയ്തു തോര്ന്ന സമയത്ത് എടുത്തതാണെന്ന് തോന്നിക്കുന്ന ഒരു ചിത്രമാണ് പ്രചാരത്തിലുള്ള പോസ്റ്റിലുള്ളത്. വളരെ മനോഹരമായ പശ്ചാത്തലവും മികച്ച റോഡുമാണിത്. കാഴ്ചയില് കുന്നിന് മുകളിലേക്ക് പോകുന്ന ഹെയര്പിന് വളവുകളുള്ള റോഡാണെന്ന് മനസിലാക്കാം. ഈ ചിത്രം ഞങ്ങള് റിവേഴ്സ് ഇമേജില് തിരഞ്ഞപ്പോള് നിരവധി ട്രാവല് വെബ്സൈറ്റുകളില് സമാനമായ ചിത്രം ഉള്പ്പെടുത്തിയിട്ടുള്ളതായി കണ്ടെത്താനായി. എന്നാല് കൃത്യമായ ഉറവിടം വ്യക്തമാക്കിയിട്ടില്ല. തുടര്ന്നുള്ള തിരച്ചിലില് ഒരു സോഷ്യല് മീഡിയ പേജില് ഇതേ പശ്ചാത്തലത്തിലുള്ള മറ്റൊരു ചിത്രം കണ്ടെത്താനായി.ഇതില് നല്കിയിരിക്കുന്ന വാട്ടര്മാര്ക്ക് പരിശോധിച്ചപ്പോള് ഫോട്ടോഗ്രാഫറുടെ വിവരം ലഭ്യമായി. കോഴിക്കോട് കുറ്റിക്കടവ് സ്വദേശിയായ ഷാഫി മുഹമ്മദാണ് ഈ ചിത്രമെടുത്തത്. ഈ ചിത്രത്തെപ്പറ്റി കൂടുതല് അറിയാന് ഞങ്ങള് അദ്ദേഹത്തെ ബന്ധപ്പെട്ടു. "ഇത് ഞാന് എടുത്ത ചിത്രമാണ്. ഇതേ പശ്ചാത്തലത്തില് നിരവധി ചിത്രങ്ങളുണ്ട്. അവയെല്ലാം തന്നെ ഞാന് പകര്ത്തിയതാണ്. കോഴിക്കോട് കുറ്റിക്കാട്ടൂരുള്ള മലബാര് മൊണ്ടാന എസ്റ്റേറ്റിലേക്കുള്ള റോഡാണിത്. ഞാന് മൊണ്ടാന എസ്റ്റേറ്റില് അക്കൗണ്ടന്റായി ജോലി ചെയ്യുകയാണ്. ഫോട്ടോഗ്രാഫിയില് താത്പര്യമുള്ളതുകൊണ്ട് ഇത്തരം ചിത്രങ്ങളെടുക്കുക പതിവാണ്. അന്ന് മഴക്കാലത്ത് എടുത്ത ഈ ചിത്രം നിരവധിപ്പേര് പങ്കുവച്ചിട്ടുണ്ട്. PWD നിര്മിച്ച റോഡാണെന്ന രീതിയില് ഈ ചിത്രം പങ്കുവയ്ക്കപ്പെടുന്നുണ്ടെന്ന് പറഞ്ഞ് ചില സുഹൃത്തുക്കള് ഇന്നലെ അയച്ചു തന്നിരുന്നു. എന്നാലിത് സ്വകാര്യ റോഡാണ്. മൊണ്ടാന എസ്റ്റേറ്റിലേക്ക് വരുന്ന പ്രൈവറ്റ് റോഡ് മലബാര് ഗ്രൂപ്പ് തന്നെ നിര്മിച്ചതാണ്. മറിച്ചുള്ള പ്രചാരണങ്ങളൊക്കെ തെറ്റിദ്ധരിപ്പിക്കുന്നതാണ്. ഈ ചിത്രം ഞാന് എന്റെ സോഷ്യല്മീഡിയ അക്കൗണ്ടുകളില് പങ്കുവച്ചിരുന്നു, " ഷാഫി ഇന്ത്യാ ടുഡേയോട് പറഞ്ഞു. 2019 ജൂണില് ഷാഫി ഫേസ്ബുക്ക് പേജില് പങ്കുവച്ച സമാനമായ ചിത്രം താഴെ കാണാം. ഇതേ പശ്ചാത്തലത്തിലുള്ള മറ്റ് നിരവധി ചിത്രങ്ങളും ഷാഫി പകര്ത്തിയിട്ടുണ്ട്. അവയില് ചിലത് ഇവിടെ കാണാം. ഇവയെല്ലാം തന്നെ മലബാര് ഗ്രൂപ്പിന്റെ മൊണ്ടാന എസ്റ്റേറ്റ് റോഡില് നിന്ന് പകര്ത്തിയതാണ്. മൊണ്ടാന എസ്റ്റേറ്റ് കുറ്റിക്കാട്ടൂരിലാണ് സ്ഥിതി ചെയ്യുന്നത്. മലബാര് ഗ്രൂപ്പിന്റെ ഉടമസ്ഥതയിലുള്ള പരിസ്ഥിതി സൗഹൃദ വില്ലപ്ലോട്ടുകളാണ് മൊണ്ടാന എസ്റ്റേറ്റ് വാഗ്ദാനം ചെയ്യുന്നതെന്ന് വെബ്സൈറ്റില് വിശദീകരിക്കുന്നു. പെരുവയല് ഗ്രാമപഞ്ചായത്തിന്റെ ഭാഗമാണ് മൊണ്ടാന എസ്റ്റേറ്റ് ഉള്പ്പെടുന്ന കുറ്റിക്കാട്ടൂര്. എസ്റ്റേറ്റ് റോഡിനെപ്പറ്റിയുള്ള കൂടുതല് വിശദീകരണത്തിനായി കുറ്റിക്കാട്ടൂര് വാര്ഡ് മെമ്പറും പെരുവയല് ഗ്രാമപഞ്ചായത്ത് വൈസ് പ്രസിഡന്റുമായ അനീഷ് പാലാട്ടിനെയും ഞങ്ങള് ബന്ധപ്പെട്ടു. "മൊണ്ടാന എസ്റ്റേറ്റ് റോഡ് അവരുടെ സ്വകാര്യ ഭൂമിയിലുള്ളതാണ്. പൊതുമരാമത്ത് വകുപ്പിനു കീഴിലുള്ള കുറ്റിക്കാട്ടൂര്-പെരിങ്ങളം എംഎല്എ റോഡില് പൈങ്ങോട്ടുപുറത്തു നിന്ന് വലത്തോട്ട് തിരിയുമ്പോഴാണ് മൊണ്ടാന എസ്റ്റേറ്റ് റോഡിലേക്ക് പ്രവേശിക്കുന്നത്. ഹെയര്പിന് വളവുകളൊക്കെയുള്ള മനോഹരമായ സ്ഥലമാണിത്. സ്വകാര്യ റോഡ് നിര്മിച്ചതും പരിപാലിക്കുന്നതും അവര് തന്നെയാണ് " അനീഷ് പാലാട്ട് പറഞ്ഞു. ലഭ്യമായ വിവരങ്ങളില് നിന്ന് പ്രചാരത്തിലുള്ള ചിത്രം സംസ്ഥാന പൊതുമരാമത്ത് വകുപ്പ് നിര്മ്മിച്ച റോഡിന്റേതല്ലെന്നും കോഴിക്കോട് കുറ്റിക്കാട്ടൂരുള്ള സ്വകാര്യ എസ്റ്റേറ്റിലേക്കുള്ള പാതയാണെന്നും വ്യക്തം. പൊതുമരാമത്ത് വകുപ്പ് കോഴിക്കോട് നിര്മിച്ച റോഡ്. ചിത്രത്തിലുള്ളത് PWD റോഡല്ല. കോഴിക്കോട് കുറ്റിക്കാട്ടൂരിലെ മലബാര് മൊണ്ടാന എസ്റ്റേറ്റിലേക്കുള്ള സ്വകാര്യ പാതയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software