| schema:text
| - പാമ്പുകളെ പേടിയില്ലാത്ത മനുഷ്യർ കുറവാണ്. ഇവയുടെ കടിയേറ്റാൽ മരണം സംഭവിക്കാം എന്നതു തന്നെയാണ് പേടിയുടെ കാരണം. പാകിസ്താനിലെ ക്വറ്റയിൽ ഫ്രിഡ്ജിനുള്ളിലിരുന്ന പാലിൽ പാമ്പ് വീഴുകയും ഈ പാല് കുടിച്ച രണ്ടുകുട്ടികൾ മരിക്കുകയും ചെയ്തു എന്നൊരു പോസ്റ്റ് സമൂഹമാധ്യമങ്ങളിൽ വൈറലാണ്. പോസ്റ്റുകൾക്കൊപ്പം മണ്ണിരപോലിരിക്കുന്ന ഒരു പാമ്പിൻ്റെ ചിത്രവും ചേർത്തിട്ടുണ്ട്.
“ക്വറ്റയിൽ, ഒരേ കുടുംബത്തിലെ രണ്ട് പിഞ്ചു കുഞ്ഞുങ്ങളെ ഇന്ന് രാവിലെ കിടക്കയിൽ മരിച്ച നിലയിൽ കണ്ടെത്തി” എന്നു തുടങ്ങുന്ന പോസ്റ്റിൻ്റെ പൂർണ്ണരൂപം ഇവിടെ വായിക്കാം.
എന്നാൽ പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആൻ്റി ഫേക്ക് ന്യൂസ് വാർ റൂം AFWA കണ്ടെത്തി. പാമ്പിൻവിഷം രക്തത്തിൽ കലർന്നാൽ മാത്രമാണ് മരണകാരണമാകുന്നത്.
AFWA അന്വേഷണം
പാകിസ്താനിലെ ക്വറ്റയിൽ പാമ്പ് വീണ പാല് കുടിച്ച് രണ്ട് കുട്ടികൾ മരിച്ചെന്നാണ് പോസ്റ്റുകളിൽ പ്രചരിക്കുന്നത്. ഇത്തരത്തിൽ എന്തെങ്കിലും വാർത്തകൾ റിപ്പോർട്ട് ചെയ്യപ്പെട്ടിട്ടുണ്ടോ എന്നാണ് ഞങ്ങൾ ആദ്യം പരിശോധിച്ചത്. എന്നാൽ അത്തരത്തിലുള്ള റിപ്പോർട്ടുകളൊന്നും കണ്ടെത്താനായില്ല. പോസ്റ്റിനൊപ്പം പ്രചരിക്കുന്ന പാമ്പിൻ്റെ ചിത്രം റിവേഴ്സ് ഇമേജ് സെർച്ച് വഴി പരിശോധിച്ചതിൽ നിന്നും ഇത് വർഷങ്ങളായി ഇൻ്റർനെറ്റിലുള്ളതാണെന്ന് മനസ്സിലാക്കാനായി. Rena Humilis അഥവാ വെസ്റ്റേൺ ബ്ലൈൻഡ് സ്നേക്ക് എന്നറിയപ്പെടുന്ന കാഴ്ചയിൽ മണ്ണിരയോട് സാമ്യമുള്ള പാമ്പാണിത്.
ഈ പാമ്പിനെക്കുറിച്ചും വിഷത്തേക്കുറിച്ചും കൂടുതലറിയുന്നതിന് ഡോ. സന്ദീപ് ദാസുമായി (National Post Doctoral Fellow, Department of Zoology, University of Calicut) സംസാരിച്ചു. “ഇവിടെയൊന്നുമില്ലാത്ത വെസ്റ്റേൺ ബ്ലൈൻഡ് സ്നേക്ക് എന്ന സ്പീഷീസ് പാമ്പാണ് ചിത്രത്തിലുള്ളത്. സൗത്ത് അമേരിക്ക, മെക്സിക്കോ തുടങ്ങിയ പ്രദേശങ്ങളിലാണ് ഈ പാമ്പിനെ കണ്ടുവരുന്നത്. വിഷമുള്ള ഇനം പാമ്പല്ല ഇത്. വെനവും (venom) വിഷവും (poison) രണ്ടും രണ്ടാണ്. മലയാളത്തിൽ നമ്മൾ വെനത്തിനും പോയ്സണിനും വിഷം എന്നാണ് പറയുന്നത്. വെനം എന്നാൽ ഒരു ജീവിയുടെ ശരീരത്തിൽ വിഷഗ്രന്ഥിയിലുണ്ടായി അത് നമ്മുടെ ശരീരത്തിലേക്ക് ഇൻജക്റ്റ് ചെയ്യപ്പെട്ട് രക്തത്തിൽ കലരുമ്പോൾ മാത്രമാണ് പ്രശ്നമാകുന്നത്. എന്നാൽ പോയ്സൺ നമ്മൾ വായിലേക്ക് എടുത്താൽ തന്നെ പ്രശ്നമാണ്. വെനം നമ്മൾക്ക് കുടിക്കാവുന്നതാണ്. വായിലോ ശരീരത്തിനുള്ളിലോ മുറിവുകൾ ഒന്നും തന്നെയില്ലെങ്കിൽ അത് സാധാരണ ആഹാരം കഴിക്കുന്നതു പോലെ തന്നെ ദഹിച്ച് പോകും. ദഹനത്തിലുണ്ടാകുന്ന പ്രശ്നം ചിലപ്പോൾ ഉണ്ടാകാം എന്നല്ലാതെ ഈ പോസ്റ്റിൽ പ്രചരിക്കുന്നതുപോലെയുള്ള പ്രശ്നങ്ങൾ ഉണ്ടാകാൻ സാധ്യതയില്ല. ചിലപ്പോൾ അത്തരത്തിലുള്ള പ്രശ്നങ്ങളും ഉണ്ടാകാം. അതല്ലാതെ ഒരു പാമ്പ് വീണ ഭക്ഷണം കഴിച്ചാൽ വിഷം കയറി മരിക്കുന്ന അവസ്ഥയുണ്ടാവില്ല.” ഡോ. സന്ദീപ് AFWAയോട് പറഞ്ഞു.
പാമ്പിൻ്റെ വിഷം മനുഷ്യശരീരത്തിൽ പ്രവർത്തിക്കുന്നതെങ്ങനെയെന്ന് അറിയുന്നതിന് ഞങ്ങള് തിരുവനന്തപുരം മെഡിക്കല് കോളേജിലെ ജനറല് മെഡിസിന് ആന്ഡ് ഹെമറ്റോളജി വിഭാഗം പ്രൊഫസര്, ഡോ.ഹരികൃഷ്ണനുമായി സംസാരിച്ചു. “പാമ്പ് കടിയേറ്റുവരുന്ന ധാരാളം ആളുകളെ ഞങ്ങൾ ചികിത്സിച്ചിട്ടുണ്ട്. എന്നാൽ പാമ്പിനെ ഭക്ഷിച്ചത് കാരണമോ, പാമ്പ് വീണ ഭക്ഷണം കഴിച്ച ആളുകൾക്കോ വിഷ ചികിത്സ നൽകേണ്ടി വന്നിട്ടില്ല. പാമ്പിൻ വിഷം അഥവാ വെനം മരണകാരണമാകുന്നത് നമ്മുടെ സർക്കുലേറ്ററി സിസ്റ്റത്തിൽ കലരുമ്പോഴാണ്. കിഡ്നി, ബ്രെയിൻ, ലങ്സ്, ഹാർട്ട് തുടങ്ങി നാല് അവയവങ്ങളെയാണ് ഈ വിഷം ബാധിക്കുന്നത്. പാലിലോ വെള്ളത്തിലോ പാമ്പിൽ വിഷം കലർന്നാൽ അത് തിളപ്പിക്കാതെ ഭക്ഷിച്ചാൽ ശാരീരിക ബുദ്ധിമുട്ട് ഉണ്ടാകാം. എന്നാൽ പാമ്പ് കടിയേറ്റാൽ ഉണ്ടാകുന്നത്ര മാരക പ്രയാസങ്ങൾ ഒന്നും തന്നെ ഇതുകാരണം ഉണ്ടാവുകയില്ല. അല്ലെങ്കിൽ മനുഷ്യ ശരീരത്തിന് താങ്ങാവുന്നതിലധികം അളവിൽ ഹൈലി വെനമസ് ആയിട്ടുള്ള സ്പീഷീസിൽപ്പെടുന്ന പാമ്പിൻ്റെ വെനം ഉള്ളിൽച്ചെല്ലണം. എന്നാൽപ്പോലും മരണം ഒരു വിദൂരസാധ്യത മാത്രമാണ്. പിന്നെ നമ്മൾ പാലും വെള്ളവും ഒക്കെ തിളപ്പിച്ചാറ്റിയാണ് കുടിക്കുന്നത്. തിളയ്ക്കുമ്പോൾ തന്നെ വിഷാംശം ഒക്കെ പോകും. തിളപ്പിക്കുമ്പോൾ വിഷം എന്ന പ്രോട്ടീൻ വിഘടിക്കുന്നതിനാലും അതിൻ്റെ വിഷഗുണം നഷ്ടപ്പെടും. പിന്നെ വയറ്റിലും ആസിഡുകളുണ്ട്. പാമ്പ് വീണ പാല് കുട്ടികൾക്ക് കൊടുത്തു എന്നൊക്കെ കേൾക്കുമ്പോൾ തന്നെയറിയാം ഫേക്ക് ആണെന്ന്. ഇഴജന്തുക്കളാണ്, മണ്ണും പൊടിയുമൊക്കെ ശരീരത്തിൽ ഉണ്ടാകും. പാലിൽ ചെറിയ രീതിയിൽ പോലും പൊടി കിടന്നാൽ നമ്മൾ ശ്രദ്ധിക്കും. ഇത്തരം അശാസ്ത്രീയ കഥകളൊക്കെ അറിവില്ലായ്മ കാരണം പ്രചരിപ്പിക്കുന്നതാണ്.”-അദ്ദേ
ലഭ്യമായ വിവരങ്ങളുടെ അടിസ്ഥാനത്തിൽ പാമ്പിൻ വിഷം രക്തത്തിൽ കലരുമ്പോഴാണ് മരണം സംഭവിക്കുന്നതെന്നും ഫ്രിഡ്ജിലിരുന്ന പാമ്പ് വീണ പാല് കുടിച്ചതുവഴി ഇങ്ങനെ സംഭവിക്കുകയില്ലെന്ന് വ്യക്തം.
പാമ്പ് വീണ പാല് കുടിച്ച് രണ്ട് കുട്ടികൾ മരിച്ചു.
പാമ്പിൻ വിഷം രക്തത്തിൽ കലരുമ്പോഴാണ് മരണകാരണമാകുന്നത്. മറ്റ് രീതിയിൽ പാമ്പിൻ വിഷം ഉള്ളിൽച്ചെന്നാൽ വായ്ക്കുള്ളിലോ, ശരീരത്തിനുള്ളിലോ മുറിവുകൾ ഇല്ലെങ്കിൽ മരണം സംഭവിക്കില്ല. പോസ്റ്റുകളിൽ പറയുന്നതുപോലെയുള്ള ഒരു സംഭവം റിപ്പോർട്ട് ചെയ്യപ്പെട്ടിട്ടില്ല.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)