| schema:text
| - വാഴയിലയില് സദ്യ കഴിക്കുന്ന വിദേശികളുടെ ഒരു വീഡിയോ സമൂഹമാധ്യമങ്ങളില് വൈറലാണ്. പൊലീസുകാര് ഉള്പ്പെടെയുള്ള വിദേശ പൗരന്മാര് സദ്യ കഴിക്കുകയും വിളമ്പുന്നവരോട് സംസാരിക്കുകയും ചെയ്യുന്നുണ്ട്. ഇക്കഴിഞ്ഞ ദിവസം നടന്ന മകരപ്പൊങ്കലിന് യുകെയില് നടന്ന ആഘോഷം എന്ന രീതിയിലാണ് ഇത് പ്രചരിക്കുന്നത്.
'
പൊങ്കലിനോട് അനുബന്ധിച്ച് യുകെയില് നടന്ന ഇലയിട്ട് സദ്യ ??????
#hinduismforlife ലോകാ സമസ്താ സുഖിനോ ഭവന്തു ' എന്ന കുറിപ്പിനൊപ്പം പ്രചരിക്കുന്ന വീഡിയോയുടെ പൂര്ണ്ണരൂപം താഴെ കാണാം.
എന്നാല്, പ്രചാരത്തിലുള്ള വീഡിയോ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഈ വീഡിയോ യുകെയിലേതല്ല, കാനഡയില് നിന്നുള്ളതാണ്.
AFWA അന്വേഷണം
പ്രചാരത്തിലുള്ള വീഡിയോ സമൂഹമാധ്യമങ്ങളില് വൈറലാണ്. യൂണിഫോമിലുള്ള പൊലീസ് ഓഫിസര്മാരെ കാണാനാകുന്നതുകൊണ്ടു തന്നെ ഇത് വിദേശ രാജ്യമാണെന്ന് വ്യക്തമാകും. ഭക്ഷണം വിളമ്പിക്കൊടുക്കാന് നില്ക്കുന്നയാള് മുണ്ടും ഷര്ട്ടുമാണ് ധരിച്ചിരിക്കുന്നത്. വീഡിയോയുടെ കീ ഫ്രെയ്മുകള് റിവേഴ്സ് ഇമേജില് തിരഞ്ഞപ്പോള് ഇത് കാനഡയില് നിന്നുള്ള വീഡിയോയാണെന്ന് മനസിലാക്കാനായി. തമിഴ് കള്ച്ചര് വാട്ടര്ലൂ റീജിയണ് എന്ന ഫേസ്ബുക്ക് പേജില് ഇതേ വീഡിയോ കണ്ടെത്താനായി. ഇതില് പറയുന്നത് വാട്ടര്ലൂ വില് നടന്ന തായ് പൊങ്കല് ആഘോഷം എന്നാണ്. വീഡിയോ താഴെ കാണാം.
ഇതിനൊടൊപ്പമുള്ള കുറിപ്പില് പറയുന്നത് ആഘോഷത്തില് പങ്കെടുക്കുന്നത് വാട്ടര് ലൂ എംപി-ബാര്ദിഷ് ചാഗര്, ടിം ലൂയിസ് - കിച്ചനര് എം പി, കിച്ചനര് സിറ്റി മേയര് ബെറി വ്ര്ബനോവിക് , വാട്ടര്ലൂ മേയര് ഡൊറോത്തി മക്കേബ്, മാര്ക്ക് കോര്വെല് - പോലീസ് ചീഫ് വാട്ടര്ലൂ റീജിയന് തുടങ്ങിയവരുടെ പേരുകളും വ്യക്തമാക്കുന്നുണ്ട്.
Bardish Chagger അവരുടെ ഒഫിഷ്യല് ഫേസ്ബുക്ക് പേജില് ഇതേ ആഘോഷത്തിന്റെ ചിത്രങ്ങള് പങ്കുവച്ചിട്ടുണ്ട്. 'കാനഡയിലും ലോകമെമ്പാടുമുള്ള തമിഴ് സമൂഹങ്ങള് തായ് പൊങ്കല് ആഘോഷിക്കുന്നു, ഈ വര്ഷത്തെ സമൃദ്ധമായ വിളവെടുപ്പിന് പ്രകൃതിയോട് നന്ദി പറയാന് പ്രിയപ്പെട്ടവര് ഒത്തുചേരുന്ന നാല് ദിവസത്തെ വാര്ഷിക ഉത്സവമാണ്.
ഈ കഴിഞ്ഞ വാരാന്ത്യത്തില്, ബ്രെസ്ലൗവിലെ വുഡ്ലാന്ഡ് ക്രിസ്ത്യന് ഹൈസ്കൂളില് #തായ്പൊങ്കല് ആഘോഷങ്ങള്ക്ക് തുടക്കം കുറിക്കാനായി നിറഞ്ഞ സദസ്സായിരുന്നു. അതിശയകരമായ കമ്പനിയും ഇതിഹാസ പ്രതിഭയും രുചികരമായ ഭക്ഷണവും ഉള്ള ഒരു അത്ഭുതകരമായ സമയമായിരുന്നു അത്. ഈ നാലാമത്തെയും അവസാനത്തെയും ദിവസം, ഗാരി ആനന്ദസംഗരിയെ #WRawesome-ലേക്ക് സ്വാഗതം ചെയ്തതില് സന്തോഷമുണ്ട്.
തമിഴ് പൈതൃക മാസം ആഘോഷിക്കുന്ന എല്ലാവര്ക്കും എന്റെ ആശംസകള്.
തമിഴ് സംസ്കാരം വാട്ടര്ലൂ മേഖല' എന്നാണ് ബര്ദ്ദിഷ് കുറിച്ചിരിക്കുന്നത്. പോസ്റ്റ് താഴെ കാണാം.
പ്രചാരത്തിലുള്ള വീഡിയോ ഇന്ത്യാ ടുഡേ ഉള്പ്പെട്യുള്ള നിരവധി മാധ്യമങ്ങള് യുകെ പ്രധാനമന്ത്രി നടത്തിയ പൊങ്കല് വിരുന്ന് എന്ന രീതിയില് നല്കിയിരുന്നു. എന്നാല് ഇന്ത്യാ ടുഡേ പിന്നീട് തിരുത്തല് വാര്ത്ത നല്കിയിട്ടുണ്ട്. ഇവിടെ വായിക്കാം.
അതേസമയം, യുകെയില് ഇത്തരം ആഘോഷങ്ങള് നടന്നിരുന്നോ എന്നും ഞങ്ങള് അന്വേഷിച്ചു. യുകെ പ്രധാനമന്ത്രി ഋഷി സുനക് തായ്പൊങ്കല് ആശംസകള് നല്കുന്ന വീഡിയോ ലഭ്യമായി. ഇത് താഴെ കാണാം.
ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ യുകെയില് നടന്ന തായ്പൊങ്കല് ആഘോഷത്തിന്റേതല്ലെന്നും കാനഡയിലെ വാട്ടര്ലൂവില് നടന്നതാണെന്നും വ്യക്തം.
യു.കെയില് നടന്ന തായ്പൊങ്കല് ആഘോഷം.
കാനഡയിലെ വാട്ടര് ലൂ മേഖലയിലെ തമിഴ് കള്ച്ചര് അസോസിയേഷന് പ്രവര്ത്തകര് നടത്തിയ ആഘോഷത്തിന്റെ വീഡിയോ ആണിത്. കാനഡയിലെ വിവധ എംപിമാര്, മേയര്, പൊലീസ് ചീഫ് തുടങ്ങിയവരാണ് ഭക്ഷണം കഴിക്കുന്നത്.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)