| schema:text
| - Fact Check: ଭାଇରାଲ ହେଉଥିବା ବଲିଉଡ ଅଭିନେତା ପଙ୍କଜ ତ୍ରିପାଠୀଙ୍କ ଭିଡିଓଟିକୁ କରାଯାଇଛି ଏଡିଟ୍
ପ୍ରକୃତ ଭିଡିଓରେ ପଙ୍କଜ ତ୍ରିପାଠୀ ୟୁପିଆଇ ପିନ୍ ବିଷୟରେ ସତର୍କତା ଅବଲମ୍ବନ ପାଇଁ ଏକ ସଚେତନତା ବାର୍ତ୍ତା ଦେଉଛନ୍ତି । ଯେଉଁ ଭିଡିଓ ରେ ଭାଜପା ଲୋଗୋ ଲଗାଇ ଅଡିଓ କୁ ଏଡିଟ୍ କରି ଏକ ଭୁଲ୍ ତଥ୍ୟ ସୋସିଆଲ ମିଡିଆରେ ପ୍ରଚାର କରାଯାଉଛି ।
Claim :ଭାରତୀୟ ଜନତା ପାର୍ଟି (ବିଜେପି) ବିରୋଧରେ ଏକ ବିଜ୍ଞାପନ ପ୍ରଚାରରେ ବଲିଉଡ ଅଭିନେତା ପଙ୍କଜ ତ୍ରିପାଠୀ
Fact :ଅଭିନେତା ପଙ୍କଜ ତ୍ରିପାଠୀଙ୍କ ଭିଡିଓଟି ଏଡିଟ୍ କରାଯାଇ,ଭାଇରାଲ କରାଯାଇଛି
ସୋସିଆଲ ମିଡିଆର ମାଧ୍ୟମ ସାଜିଛି ଭାଇରାଲ ଭିଡିଓ । ଇନଷ୍ଟାଗ୍ରାମ ହେଉ କି ଫେସବୁକ ଯେଉଁ ସୋସିଆଲ ମିଡିଆ ଦେଖିବେ ପ୍ରାୟ ପ୍ରତ୍ୟେକ ଦିନ କିଛି ନା କିଛି ନୂଆ ଭିଡିଓ ଦେଖିବାକୁ ମିଳୁଛି । ୟୁଜର୍ସ ମଧ୍ୟ କୌଣସି ଅନୁଧ୍ୟାନ ନକରି ଉକ୍ତ ଭିଡିଓ ଗୁଡିକୁ ସେୟାର କରୁଥିବାରମଧ୍ୟ ଦେଖାଯାଇଛି ।
ବିଗତ କିଛିଦିନ ହେବ ବଲିଉଡ ଅଭିନେତା ପଙ୍କଜ ତ୍ରିପାଠୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବାର ଦେଖା ଯାଇଛି । ଭିଡିଓରେ ପଙ୍କଜ ତ୍ରିପାଠୀ ଏକ ବାଦାମ ବିକାଳି ର ଅଭିନୟ କରୁଥିବା ବେଳେ କହିଛନ୍ତି, ମୁଁ ବାଦାମ ବିକେ ନିଜ ବୁଦ୍ଧି ନୁହେଁ, ଏହି ଲିଙ୍କ ଦେଖନ୍ତୁ । ମେସେଯ ଆସିଛି ବିଜେପି ଵାଲା କହୁଛନ୍ତି ଭୋଟ୍ ଦିଅ ଆମେ ବିକାଶ କରିବୁ । ଆରେ ଏଇଟାକଣ ମୁଁ ଜାଣିନି ଏପଟେ ମୁଁ ଭୋଟ ଦେବି ଆଉ ସେଇପଟେ ସରକାରୀ ପଇସା ଗାୟବ । ମୁଁ ଜଣେ ବାଦାମ ବିକାଳି ମୂର୍ଖ ନୁହେଁ । ମନେ ରଖନ୍ତୁ ଯଦି ଭାଜପା କୌଣସି ଲୋଭ ଦେଖାଏ ତ କୁହନ୍ତୁ, ମୁଁ ମୂର୍ଖ ନୁହେଁ ।
ସୋସିଆଲ ମିଡିଆରେ ଉକ୍ତ ଭିଡିଓକୁ ସେୟାର କରି ୟୁଜର୍ସ ଉଲ୍ଲେଖ କରିଛନ୍ତି, BJP वालों को कहें- "मैं मूर्ख नहीं हूं…" ଯାହାର ଓଡ଼ିଆ ଅନୁବାଦ ହେଉଛି, ବିଜେପି ବାଲାଙ୍କୁ କହିବେ, ମୁ ମୂର୍ଖ ନୁହେଁ ।
ଯାହାର ଆର୍କଆଇଭ ଲିଙ୍କ ଏଠାରେ ଏବଂ ଏଠାରେ ଉପଲବ୍ଧ ରହିଛି ।
ସତ୍ୟାସତ୍ୟ :
ଦାବିରେ ନାହିଁ କୌଣସି ସତ୍ୟତା, ପ୍ରକୃତ ଭିଡିଓରେ ଅଭିନେତା ପଙ୍କଜ ତ୍ରିପାଠୀ ୟୁପିଆଇ ଆପ୍ ର ବିଜ୍ଞାପନ ବିଷୟରେ କହିଛନ୍ତି ।
ତଦନ୍ତ କରିବାକୁ ଯାଇ ଯେତେବେଳେ ଆମେ ଭାଇରାଲ ଭିଡିଓର କିଛି ଅଂଶକୁ ନେଇ ରିଭର୍ସ ଇମେଜ ସର୍ଚ୍ଚରେ ଅନୁସନ୍ଧାନ କରିଥିଲୁ ।
ଅନୁସନ୍ଧାନରୁ UPI Chalega ନାମକ ଏକ ଫେସବୁକ ପେଜ୍ ହସ୍ତଗତ ହୋଇଥିଲା ଯେଉଁଥିରେ ଭାଇରାଲ ଭିଡିଓର ଏକ ଫଟୋ ଉକ୍ତ ପେଜ୍ ର କଭର ଫଟୋରେ ଥିବାର ଦେଖିବାକୁ ମିଳିଥିଲା ।
ଉକ୍ତ ପେଜ୍ କୁ ଅନୁଧ୍ୟାନ କରିବାରୁ ପଙ୍କଜ ତ୍ରିପାଠୀ ୟୁପିଆଇ ନେଇ ବିଭିନ୍ନ ଭିଡିଓ ଅପଲୋଡ଼ ହୋଇଥିବାର ଦେଖିବାକୁ ପାଇଥିଲୁ ।
ଅଧିକ ଅନୁଧ୍ୟାନ କରିବାରୁ ୨୩ ସେପ୍ଟେମ୍ବର ୨୦୨୪ରେ ଭାଇରାଲ ଭିଡିଓଟି ଅପଲୋଡ଼ ହୋଇଥିବାର ଦେଖିବାକୁ ପାଇଥିଲୁ ।
ଉକ୍ତ ଭିଡିଓ କୁ ନିରିଖେଇ ଦେଖିବାରୁ ଜଣାଯାଏଯେ ଏହା ଭାଇରାଲ ହେଇଥିବା ଭିଡିଓର ପ୍ରକୃତ ଭିଡିଓ । ଉକ୍ରଳ ଭିଡିଓରେ ପଙ୍କଜ ତ୍ରିପାଠୀ କହିଛନ୍ତି, ମୁଁ ବାଦାମ ବିକେ ନିଜ ବୁଦ୍ଧି ନୁହେଁ, ଏହି ଲିଙ୍କ ଦେଖନ୍ତୁ । ମେସେଯ ଆସିଛି ଲଟ୍ରି ଲାଗିଛି ୟୁପିଆଇ ପିନ୍ ପକାନ୍ତୁ ପଇସା ଆସିଯିବ । ଆରେ ଏଇଟାକଣ ମୁଁ ଜାଣିନି ଏପଟେ ମୁଁ ୟୁପିଆଇ ପିନ୍ ଦେବି ଆଉ ସେଇପଟେ ପଇସା ଗାୟବ । ମୁଁ ଜଣେ ବାଦାମ ବିକାଳି ମୂର୍ଖ ନୁହେଁ । ମନେ ରଖନ୍ତୁ ୟୁପିଆ କୁହେ ଯଦି କେହି ଲୋଭ ଦେଖାଏ ତ କୁହନ୍ତୁ, ମୁଁ ମୂର୍ଖ ନୁହେଁ ।
ଉକ୍ତ ଭିଡିଓ ରେ ଯେତେବେଳେ ମୋବାଇଲ ରେ ୟୁପିଆଇ ବିଷୟରେ ପଙ୍କଜ କହୁଛନ୍ତି ସେତେବେଳେ, ସିଏ ଦେଖାଉଥିବା ମୋବାଇଲରେ ଭାଇରାଲ ମେସେଜ ର ସ୍କ୍ରିନ ଆସୁଛି । ହେଲେ ଭାଇରାଲ ଭିଡିଓ ରେ ସେହି ସମୟରେ ବିଜେପିର ଲୋଗୋ ଦେଖିବାକୁ ମିଳିଛି । ଯାହାର ତୁଳନା ହୋଇଥିବା ଫଟୋ ଆପଣ ତଳେ ଦେଖି ପାରୁଥିବେ ।
ଉକ୍ତ ଭିଡିଓ ଟି ୟୁପିଆଇ ର ପ୍ରତ୍ୟେକ ସୋସିଆଲ ମିଡିଆରେ ସେୟାର କରାଯାଇଥିବାର ମଧ୍ୟ ଦେଖିବାକୁ ପାଇଥିଲୁ ।
ସେହିପରି ଉକ୍ତ ଭିଡିଓକୁ ଅଭିନେତା ପଙ୍କଜ ତ୍ରିପାଠୀ ମଧ୍ୟ ନିଜ ସୋସିଆଲ ମିଡିଆରେ ସେୟାର କରିଥିଵାର ଦେଖାଯାଇଛି ।
ତେଣୁ ଏଥିରୁ ପ୍ରମାଣିତ ହେଲା ଯେ, ଦାବିରେ ନାହିଁ କୌଣସି ସତ୍ୟତା । ପ୍ରକୃତ ଭିଡିଓରେ ଅଭିନେତା ପଙ୍କଜ ତ୍ରିପାଠୀ ୟୁପିଆଇ ପିନ୍ ବିଷୟରେ ସତର୍କତା ଅବଲମ୍ବନ ପାଇଁ ଏକ ସଚେତନତା ବାର୍ତ୍ତା ଦେଉଛନ୍ତି । ଯେଉଁ ଭିଡିଓ ରେ ଭାଜପା ଲୋଗୋ ଲଗାଇ ଅଡିଓ କୁ ଏଡିଟ୍ କରି ଏକ ଭୁଲ୍ ତଥ୍ୟ ସୋସିଆଲ ମିଡିଆରେ ପ୍ରଚାର କରାଯାଉଛି ।
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)