About: http://data.cimple.eu/claim-review/e6cee8e451fb4f8c55343a2d6afd6e3825f9a2ffd48f77fa2d82e0d5     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ക്രിസ്ത്യന്-മുസ്ലീം ജനസംഖ്യ ഏതാണ്ട് ഒപ്പത്തിനൊപ്പമുള്ള രാജ്യമാണ് നൈജീരിയ. 2015ലെ കണക്കനുസരിച്ച് രാജ്യത്ത് 48.1% ക്രിസ്ത്യാനികളും 50% മുസ്ലീംങ്ങളുമുണ്ട്. ബൊക്കോ ഹറാം തീവ്രവാദ ഗ്രൂപ്പ് നൈജീരിയയില് സജീവമാണ്. നൈജീരിയയില് ക്രിസ്ത്യന് പെണ്കുട്ടികളെ നിര്ബന്ധിത മതംമാറ്റം നടത്തുന്നു എന്നാരോപിച്ച് ഒരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. ' നൈജീരിയയില് സ്കൂള് ആക്രമിച്ചു 300 ഓളം ക്രിസ്ത്യന് പെണ്കുട്ടികളെ തട്ടിക്കൊണ്ടുപോയി മതം മാറ്റുന്നു.. നൈജീരിയയയില് സ്കൂള് ആക്രമിച്ചു ബൊക്കോ ഹറാം തീവ്രവാദികള് 300 ഓളം ക്രിസ്ത്യന് പെണ്കുട്ടികളെ തട്ടിക്കൊണ്ടുപോയി നിര്ബന്ധിച്ചു മതം പഠിപ്പിക്കുന്ന കാഴ്ച്ച.. ?? ഇവിടെ ഇത്തരം തട്ടിക്കൊണ്ടു പോകല് നടക്കാത്തതുകൊണ്ട് ലൗ ജിഹാദ് ചെയ്യുന്നു എന്ന വ്യത്യാസം മാത്രം...' എന്നുള്ള വീഡിയോയുടെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം (AFWA) കണ്ടെത്തി. ഇത് നൈജീരിയയില് നിന്നുള്ള വീഡിയോ അല്ല. മാത്രവുമല്ല, മതപരിവര്ത്തനത്തിന്റെ ദൃശ്യവുമല്ല. AFWA അന്വേഷണം പ്രചരിക്കുന്ന വീഡിയോയില് പര്ദ്ദ ധരിച്ച കുറെയേറെ സ്ത്രീകള് നിലത്ത് ഇരിക്കുന്നത് കാണാനാകുന്നുണ്ട്. മുസ്ലീം പുരോഹിതന് എന്ന് തോന്നിക്കുന്ന ഒരാള് പമ്പ് ഉപയോഗിച്ച് സ്ത്രീകളുടെ നേര്ക്ക് വെള്ളം ചീറ്റിക്കുന്നതും അറബിയില് എന്തോ പറയുന്നതും വ്യക്തമാക്കുന്നുണ്ട്. വെള്ളം ചീറ്റിക്കുമ്പോള് കുനിഞ്ഞിരിക്കുന്ന ഒരു സ്ത്രീയെ പുരോഹിതന് തട്ടുകയും കഴുത്തില് പിടിച്ച് എഴുന്നോല്പ്പിച്ച് പിന്നിലേക്ക് കൊണ്ടു വിടുന്നതും കാണാനാകുന്നുണ്ട്. വീഡിയോയിലുള്ള കുറിപ്പില് പറയുന്നത് നൈജീരിയയിലെ ഒരു സ്കൂള് ആക്രമിച്ച ബൊക്കോ ഹറാം തീവ്രവാദികള് 300 ഓളം പെണ്കുട്ടികളെ ലൈംഗീക അടിമകളാക്കിയ ശേഷം നിര്ബന്ധിച്ച് മതരപരിവര്ത്തനം നടത്തുന്നുവെന്നാണ്. ഇതേക്കുറിച്ചുള്ള വിശദാംശങ്ങള്ക്കായി ഞങ്ങള് വീഡിയോ കീഫ്രെയ്മുകളാക്കി റിവേഴ്സ് ഇമേജില് തിരഞ്ഞപ്പോള് 2019ല് ഇതേ വീഡിയോ സമൂഹമാധ്യമങ്ങളില് പങ്കുവച്ചിരിക്കുന്നതായി കണ്ടെത്താനായി. ചില വാര്ത്താ മാധ്യമങ്ങളിലും ഇത് കണ്ടെത്താന് സാധിച്ചു. ഇതില് നിന്ന് മനസിലാക്കാനായത് ഈ വീഡിയോ നൈജീരിയയില് നിന്നുള്ളതല്ലെന്നും മതപരിവര്ത്തനത്തിന്റെ ദൃശ്യം അല്ലെന്നുമാണ്. 2017 ഓഗസ്റ്റ് 31ന് എന്ഡിടിവി ഇതേ വീഡിയോ ഉള്പ്പെടുന്ന വാര്ത്ത നല്കിയതായി കണ്ടെത്താനായി. വീഡിയോ ഹൈദ്രബാദില് നിന്നുള്ളതാണെന്ന് വ്യക്തമാക്കുന്ന റിപ്പോര്ട്ടാണിത്. മാത്രവുമല്ല ഇത് മതരപിവര്ത്തനമല്ല, മന്ത്രവാദത്തിന്റെ ദൃശ്യങ്ങളാണ്. 'Hyderabad Godman Claimed Could Change Sex Of Baby In Womb, Arrested ' എന്ന തലക്കെട്ടിലുള്ള വാര്ത്തയുടെ സ്ക്രീന്ഷോട്ട് താഴെ കാണാം. ബാബാ ഭായ് മിയ എന്നയാളാണ് അറസ്റ്റിലായത്. ഗര്ഭിണികളായ സ്ത്രീകളുടെ ഉദരത്തില് വളരുന്ന കുഞ്ഞിനെ മന്ത്രവാദത്തിലൂടെ ആണ്കുട്ടിയാക്കാന് കഴിയും എന്ന് അവകാശപ്പെട്ടാണ് ഇയാള് മന്ത്രവാദം നടത്തി വന്നിരുന്നത്. ആണ്കുഞ്ഞ് ജനിക്കാന് ആഗ്രഹിക്കുന്നവര് ഇയാളുടെ അടുത്തെത്തി മന്ത്രവാദം ചെയ്യുകയാണ് പതിവ്. അതേസമയം, മന്ത്രവാദത്തിനിടെ സ്വകാര്യഭാഗങ്ങളില് അനാവശ്യമായി സ്പര്ശിച്ചു എന്ന 19 കാരിയുടെ പരാതിയില് ഇയാളെ പൊലീസ് അറസ്റ്റ് ചെയ്തതായാണ് വാര്ത്തയില് പറയുന്നത്. 19 കാരിയായ ഫാത്തിമ എന്ന പെണ്കുട്ടി ഗര്ഭിണിയായപ്പോള് അവരുടെ ഭര്ത്താവിന്റെ രക്ഷിതാക്കള് ആണ്കുട്ടി ജനിക്കുന്നതിനായി മന്ത്രവാദം നടത്താനാണ് ബാബാ ഭായ് മിയയുടെ അടുക്കല് എത്തിച്ചത്. എന്നാല് ഇയാള് അനാവശ്യമായി സ്പര്ശിച്ചതായി പെണ്കുട്ടി പിന്നീട് പരാതി നല്കുകയായിരുന്നു. സമാനമായ ദൃശ്യങ്ങള് ഉള്പ്പെടുന്ന വാര്ത്ത ഹൈദ്രബാദ് ആസ്ഥാനമായ etemaaddaily എന്ന ഓണ്ലൈനിലും കണ്ടെത്താനായി. കീവേര്ഡ് സെര്ച്ച് ഉപയോഗിച്ച് തിരഞ്ഞപ്പോള് ഡെക്കാണ് ക്രോണിക്കിളും ഈ വാര്ത്ത നല്കിയതായി കണ്ടു. എന്നാല് ഡിസി ചിത്രങ്ങളും വീഡിയോയും നല്കിയിരുന്നില്ല. നൈജീരിയയില് അടുത്തിടെ ബൊക്കോ ഹറാം ഇത്തരമൊരു ആക്രമണം നടത്തിയോ എന്നും ഞങ്ങള് അന്വേഷിച്ചു. 2018ല് ഇത്തരമൊരു സംഭവം നടന്നതായി വാര്ത്തകളുണ്ട്. നൈജീരിയയിലെ യോബെ സംസ്ഥാനത്തെ ഡാപ്ചി സ്കൂളില് നിന്ന് 110 പെണ്കുട്ടികളെ തട്ടിക്കൊണ്ടുപോയതായും ഇവരില് ഒരാള് ഒഴികെ എല്ലാവരും മോചിതരായെന്നും വാര്ത്തയില് പറയുന്നു. എന്നാല് സമീപകാലത്ത് ഇത്തരം തട്ടി റിപ്പോര്ട്ടുകളൊന്നും കണ്ടെത്താനായില്ല. ലഭ്യമായ വിവരങ്ങളില് നിന്ന് നൈജീരിയയില് ക്രിസ്ത്യന് പെണ്കുട്ടികളെ പീഡിപ്പിച്ച് മതംമാറ്റുന്ന ദൃശ്യങ്ങള് എന്ന പേരില് പ്രചരിക്കുന്ന വീഡിയോ യഥാര്ഥത്തില് ഹൈദ്രബാദില് നിന്നുള്ള മന്ത്രവാദത്തിന്റെ ദൃശ്യങ്ങളാണെന്ന് വ്യക്തം. നൈജീരിയയില് ബൊക്കോ ഹറാം തീവ്രവാദികള് സ്കൂളില് നിന്ന് തട്ടിക്കൊണ്ടുപോയ 300 ക്രിസ്ത്യന് പെണ്കുട്ടികളെ നിര്ബന്ധിച്ച് മതംമാറ്റുന്ന ദൃശ്യങ്ങള് ഇത് ഹൈദ്രബാദില് നിന്നുള്ള മന്ത്രവാദത്തിന്റെ ദൃശ്യങ്ങളാണ്. ബാബാ ഭായ് മിയ എന്നയാളുടെ അടുത്ത് മന്ത്രവാദത്തിനായി എത്തിയ മുസ്ലീം സ്ത്രീകളാണ് ദൃശ്യങ്ങളിലുള്ളത്. ഇതിന് മതംമാറ്റവുമായി യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 923 MB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software