| schema:text
| - ଫ୍ୟାକ୍ଟ ଚେକ୍: ଭୁଲ୍ ଦାବି ସହିତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଆଶିର୍ବଚନ ପୂଜାର ଭିଡିଓ ସେୟାର୍ କରାଯାଉଛି
ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଜଣାପଡ଼ିଛି ଯେ ରାଷ୍ଟ୍ରପତି ମୁର୍ମୁଙ୍କ ଭିଡିଓ ବିଷୟରେ କରାଯାଇଥିବା ଦାବି ମିଥ୍ୟା ଅଟେ। ରାଷ୍ଟ୍ରପତି ନିର୍ବାଚନରେ ଜିତିବା ପରେ ଦ୍ରୌପଦୀ ମୁର୍ମୁଙ୍କୁ ଅଭିନନ୍ଦନ ଜଣାଇବା ପାଇଁ କେନ୍ଦ୍ର ମନ୍ତ୍ରୀ ଜି କିଶନ ରେଡ୍ଡୀ ତାଙ୍କୁ ଭେଟିବାକୁ ଆସିଥିଲେ। ଏହି ଭିଡିଓ ସେହି ସମୟର ଅଟେ । ଯାହାକୁ ଲୋକମାନେ ବର୍ତ୍ତମାନ କ୍ରପ୍ କରି ଭୁଲ ଦାବି ସହିତ ସେୟାର କରୁଛନ୍ତି ।
- By: Pragya Shukla
- Published: Aug 13, 2022 at 05:37 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍): ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଏକ ଭିଡିଓ ସୋସିଆଲ ମିଡିଆରେ ସେୟାର କରାଯାଉଛି ଯେ ସେ ଜଣେ ଆଦିବାସୀ ମହିଳା ହୋଇଥିବାରୁ ରାଷ୍ଟ୍ରପତି ହେବା ପୂର୍ବରୁ ତାଙ୍କର ଶୁଦ୍ଧିକରଣ କରାଯାଇଥିଲା। ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଏହି ଭାଇରାଲ୍ ଦାବି ମିଥ୍ୟା ବୋଲି ଜଣାପଡ଼ିଛି। କେନ୍ଦ୍ର ମନ୍ତ୍ରୀ ଜି କିଶାନ ରେଡ୍ଡୀ ଦ୍ରୌପଦୀ ମୁର୍ମୁଙ୍କୁ ଭେଟି ରାଷ୍ଟ୍ରପତି ନିର୍ବାଚନରେ ଜିତିଥିବାରୁ ତାଙ୍କୁ ଅଭିନନ୍ଦନ ଜଣାଇଥିଲେ। ଏହି ଭିଡିଓଟି ସେହି ସମୟରେ କରାଯାଇଥିବା ଆଶୀର୍ବାଦ ପୂଜାର ଅଟେ, ଯାହାକୁ ଲୋକମାନେ ବର୍ତ୍ତମାନ କ୍ରପ୍ କରି ଭୁଲ ଦାବି ସହିତ ସେୟାର କରୁଛନ୍ତି ।
ଭାଇରାଲ୍ ପୋଷ୍ଟରେ କଣ ଅଛି?
ଭାଇରାଲ୍ ଭିଡିଓ ସେୟାର କରିବାବେଳେ ଟ୍ୱିଟର ବ୍ୟବହାରକାରୀ ରମେଶ ମାକୱାନା ଲେଖିଛନ୍ତି, “ବିଜେପିର ଲୋକଙ୍କ ଭିତରେ ଅଜବ ଜାତିଆଣ ଭାବ ରହିଛି, ଏହି ଲୋକମାନେ ଜଣେ ଏସଟି ମହିଳାଙ୍କୁ ରାଷ୍ଟ୍ରପତି କଲେ କିନ୍ତୁ ତାଙ୍କର ଶୁଦ୍ଧିକରଣ କରି ସମଗ୍ର ଆଦିବାସୀ ସମାଜକୁ ଅପମାନିତ କରିଛନ୍ତି। ରାଷ୍ଟ୍ରପତିଙ୍କର ଅପମାନ କରିଛନ୍ତି । ତଥାପି ଲୋକେ ବିଜେପିର ଗୋଲାମୀ ଛାଡ଼ୁ ନାହାଁନ୍ତି ।”
ପୋଷ୍ଟର ଆର୍କାଇଭ୍ଡ ସଂସ୍କରଣ ଏଠାରେ ଦେଖନ୍ତୁ ।
ଅନୁସନ୍ଧାନ
ଭାଇରାଲ୍ ଦାବିର ସତ୍ୟତା ଜାଣିବା ପାଇଁ, ଆମେ ଗୁଗୁଲରେ ଅନେକ କୀୱର୍ଡ ମାଧ୍ୟମରେ ଖୋଜିଲୁ। ଏହି ସମୟ ମଧ୍ୟରେ ଆମେ ଭାଇରାଲ୍ ଦାବି ସହ ଜଡିତ କୌଣସି ରିପୋର୍ଟ ପାଇନାହୁଁ । ଏହା ଚିନ୍ତା କରିବାର ବିଷୟ ଯେ ଯଦି ରାଷ୍ଟ୍ରପତିଙ୍କୁ ଏହିପରି ବ୍ୟବହାର କରାଯାଇଥାନ୍ତା, ତା’ହେଲେ ଏହା ସହ ଜଡ଼ିତ କିଛି ରିପୋର୍ଟ ନିଶ୍ଚିତ ମିଳିଥାନ୍ତା ।
ଅନୁସନ୍ଧାନକୁ ଆଗକୁ ନେଇ, ଆମେ ଭିଡିଓର ଅନେକ ଗ୍ରାବ୍ସ ବାହାର କରି ଗୁଗୁଲ୍ ରିଭର୍ସ ଇମେଜରେ ଖୋଜିଲୁ । ଏହି ସମୟରେ ଆମେ 22 ଜୁଲାଇ 2022 ରେ ଓଟିଭି ନାମକ ଏକ ୟୁଟ୍ୟୁବ୍ ଚ୍ୟାନେଲରେ ଅପଲୋଡ୍ ହୋଇଥିବା ମୂଳ ଭିଡିଓ ପାଇଲୁ । କ୍ୟାପସନରେ ଦିଆଯାଇଥିବା ସୂଚନା ଅନୁଯାୟୀ କେନ୍ଦ୍ର ମନ୍ତ୍ରୀ ଜି କିଶାନ ରେଡ୍ଡୀ ଅଭିନନ୍ଦନ ଜଣାଇବା ପାଇଁ ଦ୍ରୌପଦୀ ମୁର୍ମୁଙ୍କ ନିକଟରେ ପହଞ୍ଚିଥିଲେ। ଭିଡିଓରେ ଏହା ଦେଖିବାକୁ ମିଳୁଛି ଯେ ପ୍ରଥମେ କେତେକ ବ୍ରାହ୍ମଣ ମନ୍ତ୍ର ପାଠ କରିବା ସମୟରେ ତାଙ୍କୁ ଆଶୀର୍ବାଦ କରୁଛନ୍ତି। ତା’ପରେ କେନ୍ଦ୍ର ମନ୍ତ୍ରୀ ଜି କିଶନ ରେଡ୍ଡୀ ତାଙ୍କୁ ନିର୍ବାଚନରେ ଜିତିବା ପାଇଁ ଅଭିନନ୍ଦନ ଜଣାଇଛନ୍ତି।
22 ଜୁଲାଇ 2022 ରେ V6 ନ୍ୟୁଜ୍ ତେଲୁଗୁ ର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ଅପଲୋଡ୍ ହୋଇଥିବା ଆମେ ଆଉ ଏକ ଭିଡିଓ ପାଇଲୁ ଯାହା ଦାବି ସହିତ ଜଡ଼ିତ ଥିଲା। କ୍ୟାପସନ୍ ଅନୁଯାୟୀ କେନ୍ଦ୍ର ମନ୍ତ୍ରୀ ଜି କିଶନ୍ ରେଡ୍ଡୀ ଏବଂ ଉପରାଷ୍ଟ୍ରପତି ଭେଙ୍କୟା ନାଇଡୁଙ୍କ ସହିତ ଅନ୍ୟ କିଛି ଲୋକ ଦ୍ରୌପଦୀ ମୁର୍ମୁଙ୍କୁ ଭେଟି ତାଙ୍କୁ ଅଭିନନ୍ଦନ ଦେଇଥିଲେ। ଭିଡିଓରେ ଏହା ସ୍ପଷ୍ଟ ଭାବରେ ଦେଖାଯାଇପାରେ ଯେ ପ୍ରଥମେ ତାଙ୍କୁ ପ୍ରଥା ଅନୁଯାୟୀ ଅଭିନନ୍ଦନ ଦିଆଯାଉଛି । ତା’ପରେ ତାଙ୍କୁ ଉପହାର ସ୍ୱରୂପ ଗୋଟିଏ ପ୍ରତିମା ଦିଆଯାଉଛି ଏବଂ ଶାଲ୍ ପିନ୍ଧାଯାଉଛି । ଦ୍ରୌପଦୀ ମୁର୍ମୁଙ୍କୁ ଭେଟିବା ପରେ କେନ୍ଦ୍ର ମନ୍ତ୍ରୀ ଜି କିଶନ ରେଡ୍ଡୀ ଆସି ଗଣମାଧ୍ୟମ ସହ କଥାବାର୍ତ୍ତା କରି କହିଛନ୍ତି ଯେ ଏହି ବିଜୟରେ ସେ ବହୁତ ଖୁସି। ତାଙ୍କର ସମ୍ପୂର୍ଣ୍ଣ ଆଶା ଅଛି ଯେ ଦ୍ରୌପଦୀ ମୁର୍ମୁ ଦେଶକୁ ନୂତନ ଉଚ୍ଚତାରେ ପହଞ୍ଚାଇବେ ।
ସମ୍ପୂର୍ଣ୍ଣ ନିଶ୍ଚିତ କରିବାକୁ ଆମେ ରାଷ୍ଟ୍ରପତି ମୁର୍ମୁଙ୍କର ପୂର୍ବତନ ବ୍ୟକ୍ତିଗତ ସଚିବ ଜେପି ଦାସଙ୍କ ସହ ଯୋଗାଯୋଗ କରିଥିଲୁ। ଆମେ ତାଙ୍କ ସହ ଭାଇରାଲ୍ ଭିଡିଓ ସେୟାର କରିଥିଲୁ ଏବଂ ସେ ଆମକୁ କହିଥିଲେ ଯେ ଭାଇରାଲ୍ ଦାବି ମିଥ୍ୟା ଅଟେ। ଦ୍ରୌପଦୀ ମୁର୍ମୁଙ୍କୁ ତାଙ୍କ ଆଗାମୀ ଯାତ୍ରା ପାଇଁ ଆଶୀର୍ବାଦ ଏବଂ ଶୁଭକାମନା ମିଳିଥିଲା । ସେ ଭଗବାନଙ୍କ ଉପରେ ବହୁତ ବିଶ୍ୱାସ କରନ୍ତି, ପୂଜା-ପାଠ ରଖନ୍ତି । ସେ ଏସବୁ କରିବାକୁ ଭଲ ପାଆନ୍ତି ।
ଆମେ କେନ୍ଦ୍ର ମନ୍ତ୍ରୀ କିଶନ ରେଡ୍ଡୀଙ୍କ କାର୍ଯ୍ୟାଳୟ ସହିତ ଯୋଗାଯୋଗ କଲୁ। ଆମେ ସେମାନଙ୍କ ସହିତ ଭାଇରାଲ୍ ଭିଡିଓ ସେୟାର କଲୁ । ଭାଇରାଲ୍ ଦାବି ମିଥ୍ୟା ବୋଲି ସେମାନେ ଆମକୁ କହିଥିଲେ। ଦ୍ରୌପଦୀ ମୁର୍ମୁଙ୍କ ଶୁଦ୍ଧିକରଣ କରାଯାଇ ନଥିଲା, ବରଂ ତାଙ୍କୁ ଆଗାମୀ ଯାତ୍ରା ପାଇଁ ରୀତିନୀତି ଅନୁଯାୟୀ ଅଭିନନ୍ଦନ ଏବଂ ଆଶୀର୍ବାଦ ଦିଆଯାଇଥିଲା ।
ସଂପୂର୍ଣ୍ଣ ନିଶ୍ଚିତ କରିବାକୁ ଆମେ ପଣ୍ଡିତ ଗୋପୀ ରାମଙ୍କ ସହ ଯୋଗାଯୋଗ କରିଥିଲୁ । ଆମେ ତାଙ୍କ ସହିତ ଭାଇରାଲ୍ ଭିଡିଓ ସେୟାର କଲୁ । ଭାଇରାଲ୍ ଦାବି ମିଥ୍ୟା ବୋଲି ସେ ଆମକୁ କହିଥିଲେ। ଭିଡିଓରେ ଶୁଦ୍ଧିକରଣ ପ୍ରକ୍ରିୟା କରାଯାଉନାହିଁ। ଭିଡିଓରେ ଆଶିର୍ବଚନ ପୂଜା କରାଯାଉଛି, ଯାହା ଅଭିନନ୍ଦନ ଏବଂ ଆଶୀର୍ବାଦ ଦେବା ପାଇଁ କରାଯାଇଥାଏ, ଯାହାଦ୍ୱାରା ଭବିଷ୍ୟତର ଯାତ୍ରା ମଙ୍ଗଳମୟ ହେବ ।
ଅନୁସନ୍ଧାନକୁ ଆହୁରି ଆଗକୁ ନେଇ ଆମେ ଅନ୍ୟ ଜଣେ ପଣ୍ଡିତ ହରିଓମଙ୍କ ସହ ମଧ୍ୟ ଯୋଗାଯୋଗ କଲୁ। ଆମେ ମଧ୍ୟ ଏହି ଭିଡିଓକୁ ତାଙ୍କ ସହିତ ସେୟାର କଲୁ । ଭାଇରାଲ୍ ଦାବି ଭୁଲ୍ ବୋଲି ସେ ଆମକୁ କହିଲେ। ଭିଡିଓରେ ଶୁଦ୍ଧିକରଣ ନୁହେଁ, ବରଂ ଆଶିର୍ବଚନ ପୂଜା କରାଯାଉଛି ବୋଲି ସେ କହିଲେ।
ଶେଷରେ ଆମେ ପୋଷ୍ଟକୁ ସେୟାର କରିଥିବା ରମେଶ ମକୱାନାଙ୍କ ପ୍ରୋଫାଇଲ୍ ସ୍କାନ୍ କଲୁ। ଆମେ ଜାଣିବାକୁ ପାଇଲୁ ଯେ 706 ଜଣ ତାଙ୍କୁ ଫଲୋ କରନ୍ତି । ପ୍ରୋଫାଇଲରେ ଦିଆଯାଇଥିବା ସୂଚନା ଅନୁଯାୟୀ, ଉପଭୋକ୍ତା ସୁରତର ବାସିନ୍ଦା ଅଟନ୍ତି।
निष्कर्ष: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଜଣାପଡ଼ିଛି ଯେ ରାଷ୍ଟ୍ରପତି ମୁର୍ମୁଙ୍କ ଭିଡିଓ ବିଷୟରେ କରାଯାଇଥିବା ଦାବି ମିଥ୍ୟା ଅଟେ। ରାଷ୍ଟ୍ରପତି ନିର୍ବାଚନରେ ଜିତିବା ପରେ ଦ୍ରୌପଦୀ ମୁର୍ମୁଙ୍କୁ ଅଭିନନ୍ଦନ ଜଣାଇବା ପାଇଁ କେନ୍ଦ୍ର ମନ୍ତ୍ରୀ ଜି କିଶନ ରେଡ୍ଡୀ ତାଙ୍କୁ ଭେଟିବାକୁ ଆସିଥିଲେ। ଏହି ଭିଡିଓ ସେହି ସମୟର ଅଟେ । ଯାହାକୁ ଲୋକମାନେ ବର୍ତ୍ତମାନ କ୍ରପ୍ କରି ଭୁଲ ଦାବି ସହିତ ସେୟାର କରୁଛନ୍ତି ।
- Claim Review : ଦାବି ସମୀକ୍ଷା: ବିଜେପିର ଲୋକଙ୍କ ଭିତରେ ଅଜବ ଜାତିଆଣ ଭାବ ରହିଛି, ଏହି ଲୋକମାନେ ଜଣେ ଏସଟି ମହିଳାଙ୍କୁ ରାଷ୍ଟ୍ରପତି କଲେ କିନ୍ତୁ ତାଙ୍କର ଶୁଦ୍ଧିକରଣ କରି ସମଗ୍ର ଆଦିବାସୀ ସମାଜକୁ ଅପମାନିତ କରିଛନ୍ତି। ରାଷ୍ଟ୍ରପତିଙ୍କର ଅପମାନ କରିଛନ୍ତି । ତଥାପି ଲୋକେ ବିଜେପିର ଗୋଲାମୀ ଛାଡ଼ୁ ନାହାଁନ୍ତି
- Claimed By : ରମେଶ ମକୱାନା
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)