About: http://data.cimple.eu/claim-review/f84a730b1332280bf501230fdd3191fba1d06d0eb740f271455c73df     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അശ്രദ്ധമായ ഉപയോഗമോ, ലീക്കേജോ കാരണം പാചകവാതക സിലിണ്ടറിന് തീപിടിക്കാറുണ്ട്. ഇത്തരം സന്ദര്ഭങ്ങളില് ഗോതമ്പ് പൊടി ഉപയോഗിച്ച് തീ അണയ്ക്കാന് സാധിക്കുമെന്ന രീതിയില് സമൂഹമാധ്യമങ്ങളില് ഒരു പ്രചാരണം വൈറലാണ്. സേഫ്റ്റി ജാക്കറ്റ് ധരിച്ച ഒരാള് കത്തിക്കൊണ്ടിരിക്കുന്ന ഗ്യാസ് സിലിണ്ടറിലേക്ക് ഒരു പൊടി വിതറുന്ന വീഡിയോ ആണിത്. പൊടി വിതറിയ ഉടന് തീ അണയുന്നത് കാണാം. ഗോതമ്പ് പൊടിയാണ് വിതറിയതെന്നും തീ അണയ്ക്കാന് ഫലപ്രദമായ മാര്ഗമാണ് ഇത്തരത്തില് ചെയ്യുന്നതെന്നും പോസ്റ്റുകളില് അവകാശപ്പെടുന്നു. "*സാമൂഹിക അവബോധം* *ഒരു പിടി ഗോതമ്പ് പൊടിക്ക് ഗ്യാസ് സിലിണ്ടറിന്റെ തീ തല്ക്ഷണം കെടുത്താന് കഴിയും* *പരമാവധി ഷെയര് ചെയ്യുക**സാമൂഹിക അവബോധം* *ഒരു പിടി ഗോതമ്പ് പൊടിക്ക് ഗ്യാസ് സിലിണ്ടറിന്റെ തീ തല്ക്ഷണം കെടുത്താന് കഴിയും* *പരമാവധി ഷെയര് ചെയ്യുക* " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, തീ അണയ്ക്കാന് ഗോതമ്പ് പൊടി ഉപയോഗിക്കുന്നത് ഫലപ്രദമായ മാര്ഗമല്ലെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. അന്വേഷണം പ്രചരിക്കുന്ന വീഡിയോ റിവേഴ്സ് ഇമേജ് സെര്ച്ചിന്റെ സഹായത്തോടെ പരിശേധിച്ചപ്പോള് സമാനമായ അവകാശവാദങ്ങളോടെ ഇത് നിരവധിപ്പേര് സമൂഹമാധ്യമങ്ങളില് പങ്കുവച്ചിരിക്കുന്നതായി കാണാനായി. എന്നാല് പ്രതികരണങ്ങളില് ചിലര് ഇത് കെമിക്കല് പൗഡറാണെന്ന് സൂചിപ്പിച്ചിട്ടുണ്ട്. ഗോതമ്പ് പൊടിക്ക് തീ അണയ്ക്കാന് സാധിക്കുമോ? ഗോതമ്പ് പൊടിയുടെ ജ്വലനക്ഷമതയെപ്പറ്റിയുള്ള നിരവധി ലേഖനങ്ങള് ഞങ്ങള് പരിശോധിച്ചു. ഗോതമ്പ് ഉള്പ്പെടെയുള്ള എല്ലാ ധാന്യപ്പൊടികളും തീ ആളിക്കത്താന് കാരണമാകുമെന്നാണ് പഠനങ്ങളില് നിന്ന് മനസിലാക്കാനായത്. ചൈനയിലെ ബീജിങ് ഇന്സ്റ്റിറ്റ്യൂട്ട് ഓഫ് ടെക്നോളജിയില് നടത്തിയ പഠനം സംബന്ധിച്ച ലേഖനം 'സയന്സ് ഡയറക്ട് ' വെബ്സൈറ്റില് 2019 മാര്ച്ച് 15ന് പ്രസിദ്ധീകരിച്ചിട്ടുണ്ട്. ധാന്യപ്പൊടികളുടെ സ്ഫോടന ശേഷി വളരെ വലുതാണെന്ന് ഈ റിപ്പോര്ട്ടില് വ്യക്തമാക്കുന്നുണ്ട്. wired.com 2008 മാര്ച്ച് 4ന് പ്രസിദ്ധീകരിച്ചിട്ടുള്ള ലേഖനത്തില് പറയുന്നത് കല്ക്കരിപ്പൊടിയേക്കാള് സ്ഫോടനശേഷി കൂടിയവയാണ് ധാന്യപ്പൊടികള് എന്നാണ്. പൊടിമില്ലുകളിലുണ്ടാകുന്ന സ്ഫോടനങ്ങളെ പരാമര്ശിക്കുന്ന ലേഖനത്തില് വിദഗ്ധരുടെ ഉദ്ധരണികളും ഉള്പ്പെടുത്തിയിട്ടുണ്ട്. തീ കത്തുമ്പോള് പൊടി വിതറിയാല് അത് ആളിക്കത്തും. കാരണം പൊടി(Dust) വളരെ ചെറിയ തരികളാണ്. ഇത് വലിയ അളവില് വായുവിലേക്ക് ഉയര്ന്നു പൊങ്ങുമ്പോള് ഓക്സിജന്റെ സാന്നിധ്യവും കൂടി ചേര്ന്നാണ് ആളിക്കത്തുന്നത്. ഇത്തരത്തില് 1994 മുതല് 2003വരെ 115 സ്ഫോടനങ്ങള് വിവിധ പൊടിമില്ലുകളില് ഉണ്ടായതായും ഈ റിപ്പോര്ട്ടില് പറയുന്നുണ്ട്. ധാന്യപ്പൊടി കത്തുന്ന വസ്തുവാണെന്ന് വിശദമാക്കി റോയല് സൊസൈറ്റി ഓഫ് കെമിസ്ട്രി നല്കിയിട്ടുള്ള ഒരു പരീക്ഷണ വീഡിയോയും ഞങ്ങള് കണ്ടെത്തി. പ്രസ്തുത വീഡിയോ താഴെ കാണാം. ഗോതമ്പ് പൊടി ഉപയോഗിച്ചുള്ള മറ്റൊരു പരീക്ഷണത്തിന്റെ വീഡിയോ സയന്സ് ഫിക്സ്.കോം എന്ന യുട്യൂബ് പേജില് പങ്കുവച്ചിട്ടുള്ളത് ഇവിടെ കാണാം. കൂടുതല് വിശദീകരണത്തിനായി ചങ്ങനാശേരി എസ്ബി കോളെജിലെ കെമിസ്ട്രി വിഭാഗം അസിസ്റ്റന്റ് പ്രൊഫസര് കെ.അരവിന്ദിനെ ഞങ്ങള് ബന്ധപ്പെട്ടു. അദ്ദേഹം നല്കിയ വിവരം അനുസരിച്ച് പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണ്. "വൈറല് വീഡിയോയില് ഉപയോഗിച്ചിട്ടുള്ളത് തീ അണയ്ക്കാന് സഹായിക്കുന്ന മോണോ അമോണിയം ഫോസ്ഫേറ്റ് പോലുള്ള ഏതെങ്കിലും ഡ്രൈ കെമിക്കല് പൗഡര് ആകാനാണ് സാധ്യത. കാഴ്ചയില് അത്തരത്തിലുള്ള വസ്തുവാണെന്ന് തോന്നുന്നുണ്ട്. മറ്റൊരു കാര്യം ഗോതമ്പ് പൊടിപോലെയുള്ളവ തീ അണയ്ക്കാന് ഉപയോഗിക്കാറില്ല, കാരണം ഇവ തീ ആളിക്കത്തിച്ചേക്കാം. വെറുതെ തീ കൊടുത്താല് ഗോതമ്പ് മാവില് തീപിടിക്കില്ല. പക്ഷേ ഹൈ പ്രഷറിലുള്ള തീയിലേക്ക് ഇത് ഇടുമ്പോള് പൊടിയുടെ ചെറിയ തരികള് ഓക്സിജനുമായി ചേര്ന്ന് തീ ആളിക്കത്തിക്കും. അതുകൊണ്ട് തന്നെ ധാന്യപ്പൊടികള് ഉപയോഗിച്ച് ഗ്യാസ് സിലിണ്ടറിലെ തീ അണയ്ക്കാന് സാധിക്കും എന്നത് ശാസ്ത്രീയ മാര്ഗമല്ല, " കെ.അരവിന്ദ് ഇന്ത്യാ ടുഡേയോട് പറഞ്ഞു. ധാന്യപ്പൊടി തീയില് കത്തുന്ന ഒരു പരീക്ഷണ വീഡിയോയും അദ്ദേഹം ഞങ്ങളുമായി പങ്കുവച്ചു. ഇത് താഴെ കാണാം. ഔദ്യോഗിക വിശദീകരണത്തിനായി കേരള ഫയര്ആന്റ് റെസ്ക്യു വിഭാഗം ടെക്നിക്കല് ഡയറക്ടര് എം.നൗഷാദുമായും ഞങ്ങള് സംസാരിച്ചു. " പ്രചാരത്തിലുള്ള വീഡിയോ ഞാന് കണ്ടിട്ടില്ല. എന്നാല് തീ അണയ്ക്കാന് ഗോതമ്പ് പൊടി ഉപയോഗിക്കില്ല. ധാന്യപ്പൊടികള് കത്തുന്ന വസ്തുക്കളാണ്. ഡ്രൈ കെമിക്കല് പൗഡറാണ് തീ അണയ്ക്കാന് ഉപയോഗിക്കുന്നത്. ശരിയായ രീതിയിലുള്ള മാര്ഗം ഉപയോഗിച്ചു മാത്രമേ തീ അണയ്ക്കാവൂ. അല്ലെങ്കില് വലിയ അപകടങ്ങളിലേക്ക് നയിച്ചേക്കും. ഇത്തരം കാര്യങ്ങളില് ജാഗ്രതപാലിക്കണം, " അദ്ദേഹം വ്യക്തമാക്കി. ഗ്യാസ് സിലിണ്ടര് സുരക്ഷിതമായി ഉപയോഗിക്കാനുള്ള മാര്ഗ നിര്ദ്ദേശങ്ങള് കേരള ഫയര്ഫേഴ്സിന്റ് ഔദ്യോഗിക ഫേസ്ബുക്ക് പേജില് വിവിധ പോസ്റ്റുകളായി നല്കിയിട്ടുണ്ട്. ഗ്യാസ് സിലിണ്ടറില് പടര്ന്നു പിടിച്ച തീ ഫയര്ഫേഴ്സ് ഉദ്യോഗസ്ഥര് അണയ്ക്കുന്ന വീഡിയോകളും കാണാനാകും. പ്രചാരത്തിലുള്ള വീഡിയോ എവിടെ ചിത്രീകരിച്ചതാണെന്ന് ഞങ്ങള്ക്ക് സ്വതന്ത്രമായി കണ്ടെത്താനായില്ല. എന്നിരുന്നാലും, ലഭ്യമായ വിവരങ്ങളില് നിന്ന് ഗ്യാസ് സിലിണ്ടറിന് തീ പിടിച്ചാല് ഗോതമ്പ് പൊടി ഉപയോഗിച്ച് കെടുത്താന് സാധിക്കുമെന്ന രീതിയിലുള്ള പ്രചാരണം തെറ്റിദ്ധരിപ്പിക്കുന്നതാണെന്നും അശാസ്ത്രീയമായ ഇത്തരം ശ്രമങ്ങള് അപകടത്തിലേക്ക് നയിക്കുമെന്നും വ്യക്തമായി. ഗ്യാസ് സിലിണ്ടറിന് തീ പിടിച്ചാല് ഗോതമ്പ് പൊടി ഉപയോഗിച്ച് അണയ്ക്കാനാകും. ധാന്യപ്പൊടികള് തീ അണയ്ക്കാന് പര്യാപ്തമല്ല. ഇവ തീ ആളിക്കത്തിക്കാന് മാത്രമെ ഉപകരിക്കൂ. ഡ്രൈ കെമിക്കല് പൗഡറുകളാണ് തീ അണയ്ക്കാന് ശാസ്ത്രീയമായി ഉപയോഗിക്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.123 as of May 22 2025


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data]
OpenLink Virtuoso version 07.20.3241 as of May 22 2025, on Linux (x86_64-pc-linux-musl), Single-Server Edition (126 GB total memory, 8 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2026 OpenLink Software