About: http://data.cimple.eu/claim-review/f9de221f2ce9272d468a6802e2bd69f10ae5a293ec7974701c069533     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പാലും പാലുല്പന്നങ്ങളും നമുക്ക് ഒഴിച്ചുകൂടാനാവാത്ത ആഹാര സാധനങ്ങളാണ്. പലരുടേയും ദിവസം ആരംഭിക്കുന്നത് തന്നെ ചായ കുടിച്ചുകൊണ്ടാണ്. ഇങ്ങനെയുള്ള പാലില് മായം ചേര്ക്കുന്നുണ്ടെന്ന് പ്രചരിച്ചാല് ആര്ക്കാണ് ആശങ്കയുണ്ടാകാത്തത്. വെറുതെ വെള്ളം ചേര്ത്ത് വില്ക്കുന്ന പാല് അല്ല, മറിച്ച് കൃത്രിമമായി രാസവസ്തുക്കള്ക്കൊണ്ട് നിര്മിച്ച പാലാണ് നമ്മള് കുടിക്കുന്നതെന്ന് തെളിവ് സഹിതം പറയുമ്പോള് ആശങ്ക ഇരട്ടിക്കും. അത്തരത്തിലൊരു പ്രചാരണം സമൂഹമാധ്യമങ്ങളില് സജീവമാണ്. ' വേള്ഡ് ഹെല്ത്ത് ഓര്ഗനൈസേഷന് (WHO)ന്റെ കണക്കു പ്രകാരം ഇന്ത്യയില് ഉല്പാദിപിപ്പിക്കുന്നത് 14കോടി ലിറ്റര് പാല് മാത്രം. എന്നാല് വില്പ്പന നടത്തുത് 50 കോടി ലിറ്ററില് അധികവും. ഇന്ഡ്യാക്കാര് കുടിക്കുന്നത് വിഷം ആണ് എന്നാണ്. ഇത്തരത്തിലുള്ള മയം ചേര്ക്കല് മൂലം, ഇന്ത്യക്കാരായ 87% പേര്ക്കും കാന്സര് പോലുള്ള മാരക രോഗം വരാന് സാധ്യത ഉണ്ടെന്നു ലോകാരോഗ്യ സംഘടന മുന്നറിപ്പ് നല്കുന്നു.. താഴെ കാണിക്കുന്ന വീഡിയോ ദയവായി മറ്റുള്ളവരുമായി പങ്കുവെക്കുക... ' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത് കൃത്രിമ പാല് നിര്മാണത്തിന്റെ വീഡിയോ അല്ല. AFWA അന്വേഷണം പ്രചരിക്കുന്ന വീഡിയോയില് കാണാനാകുന്നത് ഒരു കുപ്പിയില് സൂക്ഷിച്ചിരുന്ന ബ്രൗണ് നിറത്തിലുള്ള ദ്രാവകം ഒരു ഗ്ലാസിലേക്ക് ഒഴിക്കുന്നു. തുടര്ന്ന് അതിലേക്ക് വെള്ളം ചേര്ക്കുമ്പോള് വെളുപ്പ് നിറത്തില്(പാലുപോലെ) കാണപ്പെടുന്ന ദ്രാവകമായി മാറുന്നു. ഇത് മറ്റൊരു ഗ്ലാസിലേക്ക് പകര്ത്തി ഒഴിക്കുന്ന ദൃശ്യമാണ്. എന്നാല് ദ്രാവകം പകര്ത്തുന്നയാള് ഇതേക്കുറിച്ച് വിവരണം ഒന്നും നല്കുന്നുമില്ല. ഇന്വിഡ് ടൂള് കിറ്റിന്റെ സഹായത്തോടെ വീഡിയോ കീ ഫ്രെയ്മുകളായി വിഭജിച്ച് നടത്തിയ അന്വേഷണത്തില് ഇതേ വീഡിയോ നിരവധിപ്പേര് 2018 മുതല് ഷെയര് ചെയ്യുന്നുണ്ടെന്ന് മനസിലാക്കാനായി. വീഡിയോ സൂക്ഷ്മമായി നിരീക്ഷിച്ചപ്പോള് വെള്ളം പകര്ത്തി ഒഴിക്കുന്നത് ഒരു ബാരലിന് പുറത്ത് വച്ചാണെന്ന് മനസിലാക്കാനാകും. ഇതിന്റെ മുകളില് GIDC Industrial Estate 393002 Dist, Baruch എന്നെഴുതിയിരിക്കുന്നത് കാണാനാകും. ഇത് ഗുജറാത്ത് ഇന്ഡസ്ട്രിയല് ഡെവലപ്മെന്റ് കോര്പറേഷന് ആണെന്ന് മനസിലാക്കാനായി. കൃത്രിമ പാല് നിര്മാണത്തെക്കുറിച്ച് തിരഞ്ഞെങ്കിലും ഇത്തരത്തിലൊരു നിര്മാണരീതി കണ്ടെത്താനായില്ല. എന്നാല് വീഡിയോയില് കാണുന്നത് രാസപ്രവര്ത്തനമാണെന്ന് മനസിലാക്കാനാകും. തുടര്ന്ന് ഞങ്ങള് വിദഗ്ധരുമായി വീഡിയോ പങ്കിട്ടു. ഇതില് നിന്ന് മനസിലാക്കാനായത് ഫിനൈല്, ഡെറ്റോള് എന്നിവയിലേതെങ്കിലും വെള്ളത്തില് മിക്സ് ചെയ്യുന്നതാകാം ഇതെന്നാണ്. ചങ്ങനാശ്ശേരി എസ്ബി കോളേജിലെ കെമിസ്ട്രി വിഭാഗം അസിസ്റ്റന്റ് പ്രൊഫസറായ കെ.അരവിന്ദ് നല്കിയ വിവരം അനുസരിച്ച് ഇത് കൃത്രിമ പാല് നിര്മാണമല്ല. ' ഇത് ഫിനൈലിന്റെ കോംപൗണ്ടുകളില് ഏതെങ്കിലും വെള്ളവുമായി മിക്സ് ചെയ്യുന്നതാണ്. അല്പം പഴകിയ കോംപൗണ്ടായതിനാലാണ് നിറ വ്യത്യാസമുള്ളത്. ശുദ്ധമായ ഫിനൈലിന് നിറമില്ല. ഇത്തരത്തില് വെള്ളവുമായി കലര്ത്തുമ്പോള് വെളുത്ത നിറത്തിലാകുന്ന നിരവധി കെമിക്കല് കോംപൗണ്ടുകളുണ്ട്. ഡെറ്റോള് ഇതിനൊരു ഉദാഹരണമാണ്. എന്നാല് ഡെറ്റോള് വെള്ളത്തില് കലര്ത്തുമ്പോള് തൂവെള്ള നിറമല്ല, അല്പം മങ്ങിയ നിറമാണുള്ളത്. ഈ വീഡിയോ ഉറപ്പായും അത്തരമൊരു കെമിക്കല് മിക്സിംഗാണ്. കൃത്രിമ പാല്(സിന്തറ്റിക് പാല്) നിര്മ്മാണം നടത്തുന്നത് ഇത്തരത്തിലല്ല. അവയില് ഗ്ലൂക്കോസ് പോലെ ഭക്ഷ്യയോഗ്യമായ കണ്ടന്റുകളാണുള്ളത്. ' അരവിന്ദ് പറഞ്ഞു. ക്രിത്രിമ പാല് നിര്മ്മാണത്തെക്കുറിച്ചുള്ള ഔദ്യോഗിക വിശദീകരണത്തിനായി ഫുഡ്സേഫ്റ്റി കമ്മിഷ്ണറുടെ ഓഫീസില് ബന്ധപ്പെട്ടു. ഫുഡ് സേഫ്റ്റി തിരുവനന്തപുരം സര്ക്കിള് ഓഫിസര് ഡോ.പൂജ രവീന്ദ്രന് നല്കിയ വിവരം അനുസരിച്ച് കേരളത്തില് കൃത്രിമ പാല് നിര്മാണവുമായി ബന്ധപ്പെട്ട് റിപ്പോര്ട്ടുകള് ഒന്നുമില്ല. ' പാലില് വെള്ളം ചേര്ക്കല് പോലുള്ള കുറ്റകൃത്യങ്ങള് റിപ്പോര്ട്ട് ചെയ്യപ്പെട്ടിട്ടുണ്ട്. എന്നാല് രാസവസ്തുക്കള് ചേര്ത്തുള്ള പാല് കേരളത്തിലെ വിപണിയില് ഇല്ല. ഇത്തരത്തിലുള്ള പ്രചാരണം തന്നെ തെറ്റിദ്ധരിപ്പിക്കുന്നതാണ്. സിന്തറ്റിക് മില്ക്ക് നിര്മാണം നമ്മുടെ വിപണയില് നടക്കുന്നില്ല.' ഡോ. പൂജ രവീന്ദ്രന് ഇന്ത്യാ ടുഡേയോട് പറഞ്ഞു. സിന്തറ്റിക് മില്ക്ക് നിര്മ്മാണത്തെക്കുറിച്ച് അന്വേഷിച്ചപ്പോള് ഗ്ലൂക്കോസ്, റിഫൈന്ഡ് ഓയില്, മില്ക്ക് പൗഡര്, വെള്ളം എന്നിവ ചേര്ത്തുള്ള മിശ്രിതമാണ് ഇതെന്ന് മനസിലാക്കാനായി. മറിച്ച് ഒരു ചേരുവ മാത്രം ഉപയോഗിച്ച് മില്ക്ക് നിര്മ്മിക്കാനാവില്ല. ഇതേക്കുറിച്ച് ബിബിസി പങ്കിട്ട ഒരു വീഡിയോ താഴെ കാണാം. ഫേസ്ബുക്ക് പോസ്റ്റില് പ്രചരിക്കുന്ന കുറിപ്പില് പറയുന്നത് ഇത് മായം ചേര്ത്ത പാല് നിര്മ്മക്കുന്ന വീഡിയോ എന്നാണ്. മാത്രമല്ല വേള്ഡ് ഹെല്ത്ത് ഓര്ഗനൈസേഷന്(WHO ) പുറത്തുവിട്ട കണക്കുപ്രകാരം ഇന്ത്യയില് 14 കോടി ലിറ്റര് പാല് മാത്രമാണ് ഉത്പാദിപ്പിക്കുന്നതെന്നും എന്നാല് 50 കോടി ലിറ്റര് പാല് വിറ്റഴിക്കുന്നുണ്ടെന്നുമാണ്. അതായത് വിപണിയിലെത്തുന്ന ബാക്കി വരുന്ന പാല് ഇത്തരത്തില് മായം ചേര്ത്ത് നിര്മിച്ചതാണെന്നാണ്. ഇക്കാര്യത്തിലുള്ള വിശദീകരണവും ഞങ്ങള് അന്വേഷിച്ചു. ഇന്ത്യയിലെ പാല് ഉത്പാദനത്തെക്കുറിച്ച് WHO പുറത്തുവിട്ട കണക്കെന്താണ് ? ഇതേക്കുറിച്ച് അന്വേഷിച്ച ഞങ്ങള്ക്ക് കണ്ടെത്താനായത് WHO ഇങ്ങനെ ഒരു കണക്ക് എടുത്തിട്ടില്ലെന്ന വിവരമാണ്. WHO തന്നെ ഇക്കാര്യം വ്യക്തമാക്കിയിട്ടുണ്ട്. ഇത് താഴെ കാണാം. ഇന്ത്യയിലെ പാലും പാല് ഉത്പന്നങ്ങളും ഗുണനിലവാരമില്ലാത്തവയാണെന്ന് മുന് അനിമല് വെല്ഫെയര് ബോര്ഡ് അംഗമായിരുന്ന മോഹന് സിംഗ് അലുവാലിയ എന്നയാളെ ഉദ്ധരിച്ചുകൊണ്ട് നിരവധി മാധ്യമങ്ങള് 2018ല് റിപ്പോര്ട്ട് ചെയ്തിരുന്നു. WHO ഇത്തരത്തിലൊരു നിരീക്ഷണം നടത്തിയതായി അന്ന് മാധ്യമങ്ങള് നല്കിയത് തെറ്റായ വിവരമാണെന്ന് WHO തന്നെ വ്യക്തമാക്കി. കീവേര്ഡ് സെര്ച്ച് ഉപയോഗിച്ച് തിരഞ്ഞപ്പോള് പ്രചരിക്കുന്ന വാദം തെറ്റാണെന്ന് വ്യക്തമാക്കിക്കൊണ്ട് ഒരു യുട്യൂബ് ചാനല് നല്കിയ വീഡിയോ ലഭ്യമായി. കെമിക്കല് മിക്സിംഗ് നടത്തുന്ന ബാരലില് എഴുതിയിരുന്ന ജിഐഡിസി അധികൃതരുമായി സംസാരിച്ച ശേഷം നല്കിയ റിപ്പോര്ട്ടാണിത്. ലഭ്യമായ വിവരങ്ങളില് നിന്ന് പ്രചരിക്കുന്ന വീഡിയോ കൃത്രിമ പാല് നിര്മ്മാണം അല്ലെന്നും ഫിനൈലില് വെള്ളം ചേര്ക്കുന്നതാണെന്നും മനസിലാക്കാനാകും. രാസവസ്തുക്കള് ഉപയോഗിച്ച് കൃത്രിമമായി പാല് ഉത്പാദിപ്പിക്കുന്ന ദൃശ്യം. ഇത് കൃത്രിമ പാല് ഉത്പാദനത്തിന്റെ ദൃശ്യമല്ല. ഫിനൈല് വെള്ളവുമായി യോജിപ്പിക്കുന്നതാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software