| schema:text
| - ബന്ധുക്കള്ക്കും സുഹൃത്തുക്കള്ക്കുമായി ട്രെയിന് ടിക്കറ്റ് ബുക്ക് ചെയ്താല് ഇനി മുതല് പിഴയും തടവും ലഭിക്കുമെന്ന രീതിയില് ഒരു പ്രചാരണം സമൂഹമാധ്യമങ്ങളില് വൈറലാണ്. സ്വന്തം അക്കൗണ്ടില് നിന്ന് രക്തബന്ധം ഇല്ലാത്തവര്ക്ക് ട്രെയിന് ടിക്കറ്റ് ബുക്ക് ചെയ്തു നല്കുന്നത് റെയില്വേ ആക്ട് സെക്ഷന് 143 പ്രകാരം കുറ്റകരമാണെന്നും മൂന്നു വര്ഷം ജയില്വാസവും 10,000 രൂപ പിഴയും ലഭിക്കാവുന്ന കുറ്റകൃത്യമാണിതെന്നും പോസ്റ്റുകളില് ആരോപിക്കുന്നു.
"ഐ.ആര്.സി.ടി.സി അക്കൗണ്ടില് നിന്ന് സുഹൃത്തുക്കള്ക്കും സഹപ്രവര്ത്തകര്ക്കും ട്രെയിന് ടിക്കറ്റ് ബുക്ക് ചെയ്തു കൊടുക്കുന്നവരാണ് പലരും. ഒരുകൈ സഹായമെന്ന നിലയ്ക്കാണ് ഇത് ചെയ്യുന്നത്. ഈ സത്പ്രവര്ത്തികള് ഒരുപക്ഷേ വലിയ പ്രതിസന്ധിയിലേക്ക് നിങ്ങളെ നയിച്ചേക്കാം. കാരണം, സ്വന്തം അക്കൗണ്ടില് നിന്ന് രക്തബന്ധം ഇല്ലാത്തവര്ക്ക് ട്രെയിന് ടിക്കറ്റ് ബുക്ക് ചെയ്തു നല്കുന്നത് റെയില്വേ ആക്ട് സെക്ഷന് 143 പ്രകാരം കുറ്റകരമാണ്. മൂന്നു വര്ഷം ജയില്വാസവും 10,000 രൂപ പിഴയുമാണ് ഇത്തരം ചെറിയ 'സഹായങ്ങള്ക്ക്' ശിക്ഷ. " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഇന്ത്യന് റെയില്വെ ഇത്തരത്തിലുള്ള ഒരു അറിയിപ്പും നല്കിയിട്ടില്ല.
ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക്
അന്വേഷണം
സുഹൃത്തുക്കള്ക്കും ബന്ധുക്കള്ക്കും ട്രെയിന് ടിക്കറ്റ് ബുക്ക് ചെയ്ത് നല്കുന്നതിനെതിരെ റെയില്വെ നിര്ദ്ദേശങ്ങള് നല്കിയിട്ടുണ്ടോ എന്ന വിവരമാണ് ഞങ്ങള് ആദ്യം പരിശോധിച്ചത്. എന്നാല് ഇതു സംബന്ധിച്ച് സ്ഥിരീകരിക്കുന്ന യാതൊരു റിപ്പോര്ട്ടുകളും ലഭ്യമായില്ല. റെയില്വെ വെബ്സൈറ്റിലും ഇത്തരമൊരു വിവരമില്ല. വൈറല് പോസ്റ്റില് ഒരു വാര്ത്താ ലിങ്ക് നല്കിയിട്ടുണ്ട്. എന്നാലിത് ഇപ്പോള് ലഭ്യമല്ല.
IRCTC വെബ്സൈറ്റിലെ പതിവുചോദ്യങ്ങള്(FAQ) എന്ന വിഭാഗത്തില്, സുഹൃത്തുക്കള്ക്കോ കുടുംബത്തിനോ ടിക്കറ്റുകള് ബുക്ക് ചെയ്യുന്നതിനെക്കുറിച്ചുള്ള ഒരു ചോദ്യം ഞങ്ങള് കണ്ടെത്തി. "എന്റെ സുഹൃത്തുക്കള്ക്കോ കുടുംബത്തിനോ വേണ്ടി എനിക്ക് ടിക്കറ്റുകള് ബുക്ക് ചെയ്യാന് കഴിയുമോ?" എന്ന ചോദ്യത്തിന് അതെ എന്നാണ് IRCTC ഉത്തരം നല്കുന്നത്. "ഫ്ളൈറ്റുകള് പോലെ, സുഹൃത്തുക്കള്ക്കും കുടുംബാംഗങ്ങള്ക്കും ടിക്കറ്റ് ബുക്ക് ചെയ്യാം. യാത്ര ചെയ്യുമ്പോള് യാത്രക്കാരന് സാധുവായ ഒരു ഫോട്ടോ ഐഡന്റിറ്റി പ്രൂഫ് കൈവശം വയ്ക്കണമെന്ന് ഓര്ക്കുക." എന്നും മറുപടിയിലുണ്ട്. വൈറലായ അവകാശവാദം തെറ്റാണെന്ന് ഇതില് നിന്നു തന്നെ വ്യക്തമാണ്.
വൈറല് ക്ലെയിമുകളില് ഇന്ത്യന് റെയില്വെ നിയമത്തിലെ 143-ാം വകുപ്പിലാണ് ഇത്തരമൊരു നിബന്ധനയെന്ന് വ്യക്തമാക്കുന്നുണ്ട്. അതിനാല് റെയില്വെ ആക്ട് 143 എന്താണെന്ന് ഞങ്ങള് വിശദമായി പരിശോധിച്ചു. അനധികൃതമായി റെയില്വെ ടിക്കറ്റ് വാങ്ങുന്നതും വിതരണം ചെയ്യുന്നതും സംബന്ധിച്ചാണ് ഈ വകുപ്പില് വ്യക്തമാക്കുന്നത്. റെയില്വേ ജീവനക്കാരനോ ഇതിനായി അധികാരപ്പെടുത്തിയ ഏജന്റോ അല്ലാത്ത ഏതൊരു വ്യക്തിയ്ക്കും ട്രെയിന് ടിക്കറ്റ് വാങ്ങി വിതരണം ചെയ്യുന്ന ബിസിനസ് നടത്താന് സാധിക്കില്ല എന്നതാണ് നിയമം. ഇത്തരത്തില് അനധികൃത ബിസിനസ്സ് നടത്തുന്ന ഒരാള്ക്ക് മൂന്ന് വര്ഷം വരെ തടവോ 10,000 രൂപ വരെ പിഴയോ ശിക്ഷ ലഭിക്കുമെന്ന് പറയുന്നു. അതായത്, സുഹൃത്തുക്കള്ക്കോ ബന്ധുക്കള്ക്കോ ടിക്കറ്റ് ബുക്ക് ചെയ്ത് നല്കുന്നതിന് തടസമില്ല, എന്നാല് റെയില്വെ അംഗീകാരമില്ലാതെ ഇത്തരമൊരു ബിസിനസ് നടത്തിയാല് ശിക്ഷിക്കപ്പെടും. റെയില്വെ ആക്ടിന്റെ പ്രസക്തഭാഗം ചുവടെ കാണാം.
പ്രചരിക്കുന്ന പോസ്റ്റുകളെപ്പറ്റിയുള്ള വിശദ വിവരങ്ങള്ക്കായി ഞങ്ങള് ഇന്ത്യന് റെയില്വെ അധികൃതരുമായി സംസാരിച്ചു. വൈറല് പോസ്റ്റുകള് തെറ്റാണെന്നും റെയില്വെ ഇത്തരമൊരു ഉത്തരവ് ഇറക്കിയിട്ടില്ലെന്നും റെയില്വെ വക്താവ് ഇന്ത്യാ ടുഡേയോട് പറഞ്ഞു. വൈറല് പ്രചാരണം തെറ്റാണെന്ന് വ്യക്തമാക്കി IRCTC, ഇന്ത്യന് റെയില്വെ എന്നീ ഔദ്യോഗിക എക്സ് പേജുകളില് വിശദീകരണം നല്കിയിട്ടുണ്ട്. IRCTC പങ്കുവച്ച എക്സ് പോസ്റ്റ് ചുവടെ കാണാം.
ലഭ്യമായ വിവരങ്ങളില് നിന്ന് ട്രെയിന് ടിക്കറ്റ് ബുക്കിംഗുമായി ബന്ധപ്പെട്ട് പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് വ്യക്തമായി.
ഇന്പുട്ട് : സത്യം തിവാരി,
ന്യൂ ഡല്ഹി.
ഇനി മുതല് സുഹൃത്തുക്കള്ക്കും ബന്ധുക്കള്ക്കും ട്രെയിന് ടിക്കറ്റ് ബുക്ക് ചെയ്താല് തടവും പിഴയും ലഭിക്കും.
ഇന്ത്യന് റെയില്വെ ഇത്തരമൊരു നിര്ദ്ദേശം നല്കിയിട്ടില്ല. സുഹൃത്തുക്കള്ക്കും ബന്ധുക്കള്ക്കും ട്രെയിന് ടിക്കറ്റ് ബുക്ക് ചെയ്യുന്നതിന് ഇപ്പോഴും യാതൊരു തടസവുമില്ല.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)