| schema:text
| - Fact Check: অগ্নিকাণ্ডৰ মাজতো আজান দি থকা কিছুমান মানুহৰ ভিডিঅ’ক লছ এঞ্জেলেছৰ বুলি ভাইৰেল কৰা হৈ আছে, আচলতে এয়া কৰাচীৰ ভিডিঅ’ হয়
বিশ্বাস নিউজে অনুসন্ধান কৰাৰ পাছত গম পাইছে যে, এই ভিডিঅ’টো কৰাচীৰ অগ্নিকাণ্ডৰ হয়। 2022 চনৰ এই ভিডিঅ’ক লছ এঞ্চেলেছৰ শেহতীয়া অগ্নিকাণ্ডৰ ঘটনাৰ বুলি বিভ্ৰান্তিকৰ দাবীৰ সৈতে প্ৰচাৰ কৰা হৈ আছে।
- By: Umam Noor
- Published: Jan 16, 2025 at 06:43 PM
নতুন দিল্লী (বিশ্বাস নিউজ)। আমেৰিকাৰ লছ এঞ্জেলেছত সংঘটিত ভয়ংকৰ অগ্নকাণ্ডৰ ঘটনাত বহুত মানুহ আৰু সম্পত্তি ক্ষতিগ্ৰস্ত হৈছে। তাৰে মাজতে এই ঘটনাৰ লগত যুক্ত কিছুমান প’ষ্ট ছ’চিয়েল মিডিয়াৰ বিভিন্ন প্লেটফৰ্মত ভাইৰেল হৈ আছে। তাৰে মাজতে এনেকুৱা এটা ভিডিঅ’ শ্বেয়াৰ কৰা হৈছে য’ত দেখা পোৱা গৈ আছে যে, অগ্নিকাণ্ডৰ মাজতো কিছুমান মানুহ আজান দি আছে। এই প’ষ্ট শ্বেয়াৰ কৰি ইউজাৰে দাবী কৰি আছে যে, এয়া লছ এঞ্জেলেছৰ ভিডিঅ’ হয়, তাত প্ৰবল অগ্নিকাণ্ডৰ মাজতো কিছুমান আজান দি আছিল।
বিশ্বাস নিউজে অনুসন্ধান কৰাৰ পাছত গম পাইছে যে, এই ভিডিঅ’টো কৰাচীৰ অগ্নিকাণ্ডৰ হয়। 2022 চনৰ এই ভিডিঅ’ক লছ এঞ্চেলেছৰ শেহতীয়া অগ্নিকাণ্ডৰ ঘটনাৰ বুলি বিভ্ৰান্তিকৰ দাবীৰ সৈতে প্ৰচাৰ কৰা হৈ আছে।
ভাইৰেল প’ষ্টত কি আছে?
ফেচবুক ইউজাৰে ভাইৰেল প’ষ্ট শ্বেয়াৰ কৰি লিখিছে, “ইউএছ কেলিফ’ৰ্ণিয়া ষ্টেটত এনেকুৱা অগ্নিকাণ্ড সংঘটিত হৈছে যে তাক নিয়ন্ত্ৰণ কৰিব পৰা যোৱা নাই, সেই অগ্নিকাণ্ডক নিয়ন্ত্ৰণ কৰাৰ কাৰণে সম্ভাৱ্য সকলো প্ৰকাৰ প্ৰয়াস চলাই থকা হৈছে, কিন্তু উন্নত প্ৰযুক্তিও ব্যৰ্থ হৈ আছে আৰু নিৰুপায়ৰ দৰে হৈ গৈছে। এনেকুৱা অৱস্থাত মুছলমানসকলে এই বিপদৰপৰা মুক্তি পোৱাৰ কাৰণে আল্লাক স্মৰণ কৰি আছে!! তাৰে মানুহে আজানক মহত্ত্ব দি আছে।”
প’ষ্ট-ৰ আৰ্কাইভ ভাৰ্ছন ইয়াত চাওঁক।
অনুসন্ধান
আমি অনুসন্ধান চলোৱাৰ সময়ত প্ৰথমতে ভিডিঅ’টোৰ কী-ফ্ৰেম উলিয়াই সেইবোৰক গুগল লেঞ্চৰ জৰিয়তে ছাৰ্চ কৰিছিলোঁ। ছাৰ্চ কৰি থাকোঁতে দেখা পালোঁ, এই ভিডিঅ’টোক এটা ইউটিউব চেনেলত 2 জুন 2022-ত আপলোড কৰা হৈছিল। তাত ভিডিঅ’ৰ সৈতে যি তথ্য দিয়া হৈছিল, তাৰপৰা গম পোৱা গ’ল, এয়া কৰাচীৰ ছুপাৰ ষ্ট’ৰত হোৱা অগ্নিকাণ্ডৰ ভিডিঅ’ হয়। তাত অগ্নিকাণ্ডৰ পাছত মানুহে আজান দিছিলে।
এই তথ্যৰ ভিত্তিত আমি নিজৰ অনুসন্ধান আগবঢ়াই থাকোঁতে দেখা পালোঁ, পাকিস্তানৰ ৱেবছাইট ‘parhlo’-তো সেই ভিডিঅ’ৰ লগত যুক্ত বাতৰি দেখা পাইছিলোঁ। 2 জুন, 2022-ত প্ৰকাশিত সেই বাতৰি অনুসৰি, কৰাচীৰ জেল চৌৰংগীৰ ওচৰত এখন বহু-মহলা ভৱনৰ ভিতৰত থকা ছুপাৰ ষ্ট’ৰৰ বেছমেণ্টত বুধবাৰে জুই লগাৰ পাছত কিছুমান মানুহে আজান দিছিলে, তাৰে ভিডিঅ’ ভাইৰেল হৈছে। সেই ভিডিঅ’টোক লৈ মানুহে নিজৰ-নিজৰ প্ৰতিক্ৰিয়া ব্যক্ত কৰি আছে।
2 জুন, 2022-ত পাকিস্তানৰ নিউজ ৱেবছাইট ডন-ৰ বাতৰি অনুসৰি, কৰাচীৰ জেল চৌৰংগী এলেকাৰ ওচৰত এখন প্ৰখ্যাত ডিপাৰ্টমেণ্টাল ষ্ট’ৰৰ বেছমেণ্টত এদিন আগতে সংঘটিত অগ্নকাণ্ডক অৱশেষত বৃহস্পতিবাৰে নিয়ন্ত্ৰণ কৰিব পৰা সম্ভৱ হৈছে। তাত এই দুৰ্ঘটনাৰ ফলত এজন ব্যক্তিৰ মৃত্যু হৈছে আৰু অগ্নকাণ্ডৰ ফলত ইমান বেয়াকৈ ধোঁৱা ওলাইছিল যে তাৰ ফলত দুজন মানুহ অজ্ঞান হৈ পৰিছিল।
ভাইৰেল ভিডিঅ’টোক লৈ নিশ্চিত হোৱাৰ কাৰণে আমি পাকিস্তানৰ সাংবাদিক আদিল আলীৰ সৈতে যোগাযোগ কৰিছিলোঁ আৰু তেওঁৰ ওচৰত ভাইৰেল ভিডিঅ’টোও পঠাইছিলোঁ। তেওঁ আমাক জনাইছে যে, এই ভিডিঅ’টো কৰাচীৰ হয়, আৰু দুই বছৰ আগতে এইটো বহুত ভাইৰেল হৈছিল।
নিউজ এজেঞ্চি ৰয়টাৰ্ছে 14 জানুৱাৰী 2025-ত দিয়া বাতৰি অনুসৰি, লছ এঞ্জেলেছৰ সংঘটিত বনজুইৰ ঘটনাত এতিয়ালৈ 24 জনৰ মৃত্যু হৈছে আৰু প্ৰায় এক লাখ মানুহৰ উদ্ধাৰ কৰা হৈছে। এই সম্বন্ধীয় সম্পূৰ্ণ বাতৰি ইয়াত পঢ়ি চাব পাৰে।
সদৌ শেষত আমি সেইজন ফেচবুক ইউজাৰৰ ছ’চিয়েল স্কেনিং কৰি চালোঁ, যিজনে বিভ্ৰান্তিকৰ প’ষ্ট শ্বেয়াৰ কৰিছিলে। তেতিয়া আমি গম পালোঁ যে, এইজন ইউজাৰক 13 হেজাৰ মানুহে ফলো কৰি থাকে।
উপসংহাৰ: বিশ্বাস নিউজে অনুসন্ধান চলোৱাৰ পাছত গম পাইছে যে, আলোচ্য ভিডিঅ’ৰ সৈতে যি দাবী প্ৰচাৰ কৰা হৈ আছে সেয়া ভুৱা হয়। এই ভিডিঅ’টো আচলতে 2022-ত কৰাচীত হোৱা অগ্নিকাণ্ডৰ ভিডিঅ’ হয়। অগ্নকাণ্ডৰ ঘটনাৰ পাছত তাত কিছুমান মানুহে আজান দিছিলে। সেই ভিডিঅ’টোক হে আমেৰিকাৰ লছ এঞ্জেলেছত হোৱা অগ্নকাণ্ডৰ বুলি বিভ্ৰান্তিকৰ দাবীৰ সৈতে শ্বেয়াৰ কৰা হৈ আছে।
- Claim Review : য’ত প্ৰবল অগ্নকাণ্ডৰ সময়ত আজান দিয়া হৈছিল।
- Claimed By : FB User- কৈফ খান
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)