| schema:text
| - Fri Aug 16 2024 17:20:22 GMT+0000 (Coordinated Universal Time)
ఫ్యాక్ట్ చెక్: స్పిట్ జిహాద్పై వైరల్ అవుతున్న వీడియోలో ఉన్నది హిందూ వ్యక్తి
ఉత్తరప్రదేశ్లోని కన్నౌజ్ జిల్లాకు చెందిన ఒక సెలూన్ యజమాని ముఖానికి మసాజ్ చేస్తున్న సమయంలో కస్టమర్పై ఉమ్మివేస్తున్న వీడియో సోషల్ మీడియాలో వైరల్గా అవడంతో అతడిని అరెస్టు చేశారు. మసాజ్ సమయంలో ముస్లిం వ్యక్తి తన అరచేతిపై ఉమ్మివేయడం, కస్టమర్ ముఖంపై రుద్దడం చూడవచ్చు.
Claim :స్పిట్ జిహాద్లో భాగంగా ఒక ముస్లిం వ్యక్తి తన యజమాని కోసం నీటిలో ఉమ్మివేయడాన్ని వీడియో చూపిస్తుంది
Fact :వీడియో 2018 నాటిది.. ఆ వ్యక్తి వికార్ గుప్తా. అలీఘర్ కోర్టులో ప్యూన్. ముస్లిం వ్యక్తి కాదు
ఉత్తరప్రదేశ్లోని కన్నౌజ్ జిల్లాకు చెందిన ఒక సెలూన్ యజమాని ముఖానికి మసాజ్ చేస్తున్న సమయంలో కస్టమర్పై ఉమ్మివేస్తున్న వీడియో సోషల్ మీడియాలో వైరల్గా అవడంతో అతడిని అరెస్టు చేశారు. మసాజ్ సమయంలో ముస్లిం వ్యక్తి తన అరచేతిపై ఉమ్మివేయడం, కస్టమర్ ముఖంపై రుద్దడం చూడవచ్చు. అనంతరం అతడిని అదుపులోకి తీసుకుని అధికారులు తగు చర్యలు తీసుకున్నారు.
ఇంతలో.. ఒక వ్యక్తి తన యజమాని కోసం ఉద్దేశించిన త్రాగునీటిలో ఉమ్మివేస్తున్నట్లు చూపించే మరొక వీడియో కూడా అతను స్ప్లిట్ జిహాదీ చేయడానికి ప్రయత్నిస్తున్న ముస్లిం వ్యక్తి అనే కథనంతో వైరల్గా షేర్ చేస్తున్నారు. అతను ముస్లిం సమాజానికి చెందిన ప్యూన్ అని కథనంలో ఉంది. నీళ్ళు తేవాలని జడ్జి అడగ్గానే టంబ్లర్ లో ఉమ్మి నీళ్లు తెచ్చాడు. గదిలో ఏర్పాటు చేసిన సీక్రెట్ సీసీటీవీ కెమెరాలో ఈ దృశ్యాలు రికార్డయ్యాయి.
“తురక – మరక. ఉత్తరప్రదేశ్ అలీఘర్ కోర్టు గదిలో స్ప్లిట్ జిహాదీ జరిగింది. జడ్జి నివాసం నుండి తెచ్చిన జగ్ నుండి నీటిని తీసుకురావాలని జడ్జి ముస్లిం ప్యూన్ని కోరినప్పుడు. రహస్యంగా అమర్చిన సీసీ కెమెరా ఫుటేజీ ద్వారా గ్లాసులో ఉమ్మివేస్తుండగా రెడ్ హ్యాండెడ్గా పట్టుబడ్డాడు. ఎంగిలి మతం తో జాగ్రత్త రా నీ అయ్యా. మాంసం, అల్లం రబ్బ, బన్న్ (డబల్ రొట్టె) చాయి, బిస్కట్, పాన్ షాపుల్లో, గుట్కాలు, పాన్ లు ఎగబడి కట్టించుకొని తినే ముందు.. SHOP ఎవరిదో దృష్టి పెడితే మంచిది లేకపోతే ఎంగిలి బతుకే... జడ్జి కే ఉమ్మేసి నీళ్ళు ఇస్తే.. ఇక నువ్వూ నేనొక.”
“అలీఘర్ కోర్టు స్పిట్ జిహాద్ ఉమ్మి జిహాద్ (జూలై 2024) మరో కొత్త వీడియో కోర్టు న్యాయమూర్తులు కూడా ఉమ్మి జిహాద్ బాధితులుగా మారారు..... అనుమానం వచ్చిన కోర్టు లాయర్ రహస్యంగా తన ఫోన్ లో రికార్డు చేసిన వీడియో వైరల్ గా మారింది మీ ఇంట్లో, షాప్ లో పని సేస్తునవాడు ఏమీ కల్పుతున్నాడో సూడుండ్రి “ అంటూ మరో పోస్టు కూడా వైరల్ అవుతోంది.
ఫ్యాక్ట్ చెకింగ్:
వైరల్ అవుతున్న వాదన ప్రజలను తప్పుదారి పట్టించేది. వీడియో 2018 సంవత్సరానికి చెందినది. ఉమ్మివేస్తున్న వ్యక్తి వికాస్ గుప్తా, ముస్లిం వ్యక్తి కాదు. మేము వీడియో నుండి కీఫ్రేమ్లను సంగ్రహించి.. Google రివర్స్ ఇమేజ్ సెర్చ్ ను ఉపయోగించి వాటిని సెర్చ్ చేశాం. కొన్ని వార్తల వెబ్సైట్ల YouTube ఛానెల్లలో భాగస్వామ్యం చేసిన కొన్ని వీడియోలను మేము కనుగొన్నాము.
ABP లైవ్ మే 28, 2018న యూట్యూబ్లో “जज को थूक मिलाकर पानी पिलाने वाले चपरासी का वायरल सच” వీడియోని షేర్ చేసింది. వీడియోలో కనిపిస్తున్న వ్యక్తి అలీఘర్ కోర్టులో ప్యూన్ వికాస్ గుప్తా అని అందులో తెలిపారు.
నేషన్ వన్ న్యూస్ యూట్యూబ్ ఛానెల్ ద్వారా మరొక వీడియో నివేదిక ప్రకారం.. యుపిలోని అలీఘర్లో ఒక ప్రభుత్వ ప్యూన్ నిర్వాకానికి సంబంధించిన వీడియో బయటపడింది. ఇది చూసిన తర్వాత మీరు కూడా షాక్ అవుతారు. ప్యూన్ చేసిన ఈ సిగ్గుమాలిన చర్యపై అతడిని సస్పెండ్ చేసి శాఖాపరమైన విచారణను ఏర్పాటు చేశారు.
టైమ్స్ ఆఫ్ ఇండియాలో ప్రచురించిన నివేదిక ప్రకారం.. అలీగఢ్ జిల్లా సెషన్ జడ్జి గ్లాసులో ఉమ్మివేసి ఒక మహిళా సివిల్ జడ్జికి నీరు అందించిన సంఘటనపై విచారణకు ఆదేశించారు. వికాస్ గుప్తా అనే వ్యక్తి ఈ పని చేశాడని తేలింది. మహిళా సివిల్ జడ్జికి ప్యూన్ కార్యకలాపాలపై అనుమానం ఉందని, అయితే ఎటువంటి రుజువు లేదని మొదట తెలిసింది. అందువల్ల ఆమె తన ఛాంబర్లో సీసీటీవీ కెమెరాను పెట్టాలని నిర్ణయించుకున్నారు. ఆమెకు అందించే ముందు అతను ఒక గ్లాసు నీటిలో ఉమ్మివేసి అడ్డంగా దొరికిపోయారు.
అందువల్ల, వైరల్ వీడియో అలీఘర్ కోర్టులో ప్యూన్ జడ్జికి అందిస్తున్న గ్లాసు నీటిలో ఉమ్మివేసినట్లు చూపిస్తుంది. అతని పేరు వికాస్ గుప్తా. ఈ ఘటన 2018లో జరగడంతో అతడిపై చర్యలు తీసుకున్నారు. ఆ వ్యక్తి ముస్లిం కమ్యూనిటీకి చెందినవాడనే వాదనలో ఎలాంటి నిజం లేదు.
News Summary - Viral video on Spit Jihad makes a false claim
Claim : స్పిట్ జిహాద్లో భాగంగా ఒక ముస్లిం వ్యక్తి తన యజమాని కోసం నీటిలో ఉమ్మివేయడాన్ని వీడియో చూపిస్తుంది
Claimed By : Social media users
Claim Reviewed By : Telugupost Fact Check
Claim Source : Social media
Fact Check : False
Next Story
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)