About: http://data.cimple.eu/claim-review/89afa6a2b4b6fcc7deca50c872a72aa2762e5e60ec688e04902aab20     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തട്ടമിടാത്തതിന്റെ പേരില് മുസ്ലീം യുവാവ് പെണ്കുട്ടികളെ മര്ദ്ദിക്കുന്ന ദൃശ്യം എന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് പ്രചാരത്തിലുണ്ട്. റെയില്വെ പ്ലാറ്റ്ഫോമിലൂടെ നടന്നു വരികയായിരുന്ന യുവാവാണ് യാതൊരു പ്രകോപനവുമില്ലാതെ ട്രെയിന് കാത്തു നിന്ന സ്ത്രീകളുടെ തലയില് തട്ടിയിട്ട് പോകുന്നത്. ഇതിലൊരു പെണ്കുട്ടി നിലത്തുവീഴുന്നതും ദൃശ്യങ്ങളില് കാണാം. "ജാഗ്രതാ മുന്നറിയിപ്പ് ! ---------------------- തട്ടം ധരിക്കാത്ത സ്ത്രീകളെ അടിച്ചു വീഴ്ത്തുന്ന യൂറോപ്പില് വന്നുകയറിയ ജിഹാദി ! " എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ബാഴ്സിലോണ മെട്രോ സ്റ്റേഷനില് ഇക്കഴിഞ്ഞ ഫെബ്രുവരി 9ന് നടന്ന സംഭവത്തില് പ്രതിയാക്കപ്പെട്ട യുവാവ് മാനസിക രോഗിയാണ്. അന്വേഷണം പ്രചരിക്കുന്ന വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് Radio Roma എന്ന വേരിഫൈഡ് X പേജില് സമാനമായ വീഡിയോ പങ്കുവച്ചിട്ടുള്ളതായി കണ്ടെത്തി."ബാഴ്സലോണയിലെ മെട്രോയില് വച്ച് ഒരു വടക്കേ ആഫ്രിക്കന് എന്നു തോന്നുന്നയാള് നിരവധി സ്ത്രീകളെ ഇടിച്ചു. " എന്ന് ഫ്രഞ്ച് ഭാഷയിലുള്ള അടിക്കുറിപ്പിനൊപ്പം 2024 ഫെബ്രുവരി 9നാണ് പോസ്റ്റ് പങ്കുവച്ചിട്ടുള്ളത്. ഈ സൂചന ഉപയോഗിച്ച് കീ വേര്ഡ് സെര്ച്ച് നടത്തിയപ്പോള് സംഭവവുമായി ബന്ധപ്പെട്ട നിരവധി മാധ്യമ റിപ്പോര്ട്ടുകള് ലഭ്യമായി. 2024 ഫെബ്രുവരി 11ന് ഡെയ്ലി മെയില് യുകെ നല്കിയ റിപ്പോര്ട്ട് പ്രകാരം സംഭവം നടന്നത് ബാര്സിലോണ മെട്രൊയുടെ അഞ്ചാം നിരയിലെ 'Camp de l'Apra' സ്റ്റേഷനിലാണ്. ഇവിടെ ട്രെയിന് കാത്തു നിന്ന ആറോളം യുവതികളാണ് 30 കാരനായ യുവാവിന്റെ ആക്രമണത്തിന് ഇരയായത്. യാതൊരു പ്രകോപനവും കൂടാതെ ഇയാള് സ്ത്രീകളെ മര്ദ്ദിക്കുകയായിരുന്നു. മുഖത്ത് സാരമായി പരിക്കേറ്റ വനിതയെ വൈദ്യ സഹായത്തിന് വിധേയയാക്കി. സെക്യൂരിറ്റി സ്റ്റാഫ് തടഞ്ഞുവച്ച അക്രമിയെ ആദ്യം പൊലീസ് ആറസ്റ്റ് ചെയ്ത് വിട്ടയച്ചിരുന്നു. പിന്നീട് മെട്രോ സ്റ്റേഷന് അധികൃതര് ആക്രമണത്തിന്റെ സിസിടിവി ദൃശ്യങ്ങള് ഉള്പ്പെടെ കൈമാറിയതോടെ ഇയാളെ വീണ്ടും അറസ്റ്റ് ചെയ്തതായും വാര്ത്തയിലുണ്ട്. സ്ത്രീകളെ മാത്രമാണ് അക്രമി ലക്ഷ്യമിട്ടത് എന്നതും ശ്രദ്ധേയമാണ്. ജെന്ഡര് ക്ലെയിമുകള് കൈകാര്യം ചെയ്യുന്ന വിഭാഗമാണ് കേസ് ഇയാളെപ്പറ്റി കൂടുതല് വിവരങ്ങള് പൊലീസ് പുറത്തുവിട്ടിട്ടില്ലെന്നും വാര്ത്തയില് പറയുന്നു. ഡെയ്ലി മെയില് റിപ്പോര്ട്ടിന്റെ സ്ക്രീന്ഷോട്ട് താഴെ കാണാം. ഇതു സംബന്ധിച്ച് മറ്റ് മാധ്യമങ്ങള് നല്കിയ റിപ്പോര്ട്ടുകളും ഞങ്ങള് പരിശോധിച്ചു. എന്നാല് ഇവയില് ഒന്നിലും അറസ്റ്റിലായ യുവാവ് മുസ്ലീം ആണെന്നോ തട്ടമിടാത്തതുകൊണ്ടാണ് ഇയാള് സ്ത്രീകളെ അക്രമിച്ചതെന്നോ പറയുന്നില്ല. നോര്ത്ത് ആഫ്രിക്കന് വംശജനാണ് ഇയാളെന്ന് ചില റിപ്പോര്ട്ടുകളില് പറയുന്നുണ്ട്. ഇയാളുടെ അറസ്റ്റ് സംബന്ധിച്ച് കാറ്റലോണിയന് പൊലീസായ മൊസോസ്(Mossos) പങ്കുവച്ച X പോസ്റ്റും ഞങ്ങള്ക്ക് ലഭിച്ചു. ബാര്സിലോണ മെട്രൊയില് ആക്രമണത്തിന് ഇരയായ മുഴുവന് യുവതികളും മുന്നോട്ട് വന്ന് പൊലീസില് വിവരം ധരിപ്പിക്കണമെന്നുള്ള Mossos അറിയിപ്പ് താഴെ കാണാം. സംഭവത്തിന്റെ ഇപ്പോഴത്തെ സ്ഥിതിയും ഞങ്ങള് പരിശോധിച്ചു. കാറ്റലോണിയന് മാധ്യമമായ 3cat ഇതുസംബന്ധിച്ച് നല്കിയ റിപ്പോര്ട്ടില് പ്രതിക്ക് കോടതി ജാമ്യം നിഷേധിച്ചതായി വ്യക്തമാക്കിയിട്ടുണ്ട്. മാത്രമല്ല, പ്രതി മാനസിക അസ്വാസ്ഥ്യമുള്ള ആളാണെന്ന് വ്യക്തമായതോടെ ബ്രിയാന്സ് 1 മാനസികാരോഗ്യ കേന്ദ്രത്തില് പ്രവേശിപ്പിച്ചിരിക്കുകയാണെന്നും ഫെബ്രുവരി 16ന് നല്കിയ റിപ്പോര്ട്ടില് വ്യക്തമാക്കുന്നു. അക്രമിക്ക് ജാമ്യം കിട്ടിയെന്ന രീതിയില് സമൂഹമാധ്യമങ്ങളില് വ്യാപകമായി പ്രചാരണം വന്നതോടെ ഇത് തെറ്റാണെന്ന് വ്യക്തമാക്കി വേരിഫാക്ട് എന്ന മാധ്യമം റിപ്പോര്ട്ട് നല്കിയിരുന്നു. ഉന്നത പൊലീസ് ഉദ്യോഗസ്ഥരെ ഉദ്ധരിച്ചുകൊണ്ട് നല്കിയ റിപ്പോര്ട്ടിലും പ്രതി തടവിലാണെന്ന് വ്യക്തമാക്കുന്നുണ്ട്. ലഭ്യമായ വിവരങ്ങളില് നിന്ന് തട്ടമിടാത്തതിന്റെ പേരില് വനിതകളെ ആക്രമിക്കുന്ന മുസ്ലീം യുവാവിന്റെ ദൃശ്യം എന്ന രീതിയില് പങ്കുവച്ച വീഡിയോ തെറ്റിദ്ധരിപ്പിക്കുന്നതാണെന്ന് വ്യക്തമായി. തട്ടമിടാത്തതിന് യുവതികളെ ജിഹാദി യുവാവ് ആക്രമിക്കുന്ന ദൃശ്യം. ബാഴ്സിലോണ മെട്രൊ സ്റ്റേഷനില് ഫെബ്രുവരി 9ന് നടന്ന സംഭവത്തില് അറസ്റ്റിലായ പ്രതി മാനസിക അസ്വാസ്ഥ്യമുള്ളയാളാണ്. ഇതു സംബന്ധിച്ച റിപ്പോര്ട്ടുകളിലൊന്നും ശിരോവസ്ത്രമിടാത്തതിനാലാണ് ആക്രമണം എന്ന് പറയുന്നില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software